Testudinidae
Aldabrachelys gigantia
Wetenskaplike klassifikasie
Koninkryk:	Animalia
Filum:	Chordata
Klas:	Sauropsida
Orde:	Testudines
Suborde:	Cryptodira
Superfamilie:	Testudinoidea
Familie:	Testudinidae

Landskilpaaie (Testudinidae) is 'n familie van skilpaaie (Testudines) wat op die land leef. Hulle het, soos die verwante seeskilpaaie, 'n dop (skild) wat hulle teen roofdiere beskerm. Landskilpaaie beweeg stadig en vreet plantegroei. Die meeste is kleinerig, maar 'n paar eilandspesies word besonder groot. Die Galápagos-skilpaaie, as voorbeeld, kan 1,3 tot 1,9 meter lank word. Hulle is oor die algemeen teruggetrokke diere wat daglewend is, maar afhangende van die temperatuur is hulle soms merendeels in die skemer aktief.

Anders as water- en moerasskilpaaie sal sommige landskilpaaie wel bad, maar feitlik nooit swem nie, en ook nie oor 'n vaartbelynde dop beskik nie. Baie spesies sal selfs verdrink as hulle in diep water beland. Die dop is gewoonlik hard en bolvormig. Waterlewende skilpaaie het gewoonlik 'n sagter en ligter dop, wat baie platter en meer vaartbelyn is. 'n Ander kenmerk is dat die meeste landskilpaaie hoofsaaklik (of geheel en al) van plante lewe, sommige vreet ook aas.

'n Aantal grasvretende spesies het 'n stadige metabolisme en beweeg besonder stadig. Die voordeel hiervan is dat hulle baie oud kan word. Die oudste bekende skilpad ooit (genaamd Adwaitya) is in 2006 op 255-jarige ouderdom dood.^[1]

• 
  Kleintjie, een maand oud.
• 
  Onvolwasse skilpad van drie jaar oud.
• 
  Die een vreet plantmateriaal.
• 
  Wyfie met haar pote onder haar dop ingetrek.
• 
  Die karapaks (bo-dop) van naby.
• 
  Die karapaks vervaag by ouer skilpaaie.

• Wikispecies het meer inligting verwant aan Landskilpad
• Wikimedia Commons het meer media in die kategorie Landskilpad.

Hierdie artikel is ’n saadjie. Voel vry om Wikipedia te help deur dit uit te brei.