Swartbok
| Swartbok | |
|---|---|
| |
| 'n Ram en twee ooie | |
Wetenskaplike klassifikasie 
| |
| Domein: | Eukaryota |
| Koninkryk: | Animalia |
| Filum: | Chordata |
| Klas: | Mammalia |
| Orde: | Artiodactyla |
| Familie: | Bovidae |
| Subfamilie: | Antilopinae |
| Genus: | Antilope |
| Spesie: | A. cervicapra
|
| Binomiale naam | |
| Antilope cervicapra | |
| Subspesies | |
| |
| |
| Verspreidings-kaart | |
| Sinonieme | |
| |
Die swartbok (Antilope cervicapra), ook bekend as die Indiese bok, is 'n mediumgrootte bok inheems aan Indië en Nepal. Dit bewoon grasvlaktes en ligbeboste gebiede met meerjarige waterbronne. Dit staan tot 74 tot 84 cm (29 tot 33 duim) hoog by die skouer. Ramme weeg 20–57 kg (44–126 lb), met 'n gemiddeld van 38 kg (84 lb). Ooie is ligter en weeg gemiddeld 20–33 kg (44–73 lb) of 27 kg (60 lb). Ramme het 35–75 cm (14–30 duim) lang kurktrekkerhorings, en ooie ontwikkel soms ook horings. Die wit pels op die ken en om die oë is in skerp kontras met die swart strepe op die gesig. Albei geslagte se huide het 'n tweekleurige kleur; by ramme is die meerderheid van die liggaam donkerbruin tot swart, met wit kringe om die oë, wit ore en stert, en die maag, onderkaak en binnebene ook wit. Ooie en jong diere is geelbruin tot bruin en vertoon dieselfde wit areas, net met meer van 'n beige toon as die ramme. Ooie het ook 'n meer uitgesproke horisontale wit systreep wat om die skouer begin en by die kruis eindig. Die swartbok is die enigste lewende lid van die genus Antilope en is in 1758 deur Carl Linnaeus beskryf. Twee subspesies word erken.[2]
Die swartbok is hoofsaaklik bedags aktief. Dit vorm drie tipes klein groepe: vroulike, manlike en jong bachelor-troppe. Ramme gebruik dikwels lekking as 'n strategie om ooie vir paring te werf. Terwyl ander manlikes nie in hierdie gebiede toegelaat word nie, besoek vroulikes dikwels hierdie plekke om te vreet. 'n Ram sal dus probeer om met haar te paar. Die swartbok is 'n herbivoor en wei op lae grasse, af en toe blare ook. Ooitjies word op die ouderdom van agt maande geslagsryp, maar paar nie vroeër as twee jaar nie. Rammejies word later volwasse, op 1,5 jaar. Paring vind deur die jaar plaas. Dragtigheid is tipies ses maande lank, waarna 'n enkele lammertjie gebore word. Die lewensduur is tipies 10 tot 15 jaar.[3]
Die bok is inheems aan en kom hoofsaaklik in Indië voor, terwyl dit plaaslik in Pakistan en Bangladesj uitgesterf is. Voorheen wydverspreide, klein en verspreide troppe is vandag grootliks beperk tot beskermde gebiede. Gedurende die 20ste eeu het swartbokgetalle skerp afgeneem as gevolg van oormatige jag, ontbossing en habitatvernietiging. Die swartbok is in Argentinië, Australië en die Verenigde State bekendgestel, hoofsaaklik op jagplase. In Argentinië oorleef die bevolking goed. In Indië is die jag van swartbokke verbied ingevolge Bylae I van die Wet op Wildbeskerming van 1972. Die swartbok het betekenis in Hindoeïsme; Indiese en Nepalese dorpenaars bekerm die bok.[4][5]
Verwysings
[wysig | wysig bron]- ↑ IUCN SSC Antelope Specialist Group (2017). "Antilope cervicapra". IUCN Red List of Threatened Species. 2017: e.T1681A50181949. doi:10.2305/IUCN.UK.2017-2.RLTS.T1681A50181949.en. Besoek op 17 Januarie 2024.
- ↑ Palmer, T.S.; Merriam, C.H. (1904). Index Generum Mammalium : A List of the Genera and Families of Mammals. Washington, US: Government Printing Office. pp. 114, 163.
- ↑ Blanford, W.T. (1891). "Antilope cervicapra. The Indian Antelope or black Buck". The Fauna of British India, Including Ceylon and Burma. London: Taylor and Francis. pp. 521−524.
- ↑ Bärmann, E.V.; Rössner, G.E.; Wörheide, G. (2013). "A revised phylogeny of Antilopini (Bovidae, Artiodactyla) using combined mitochondrial and nuclear genes". Molecular Phylogenetics and Evolution. 67 (2): 484–93. doi:10.1016/j.ympev.2013.02.015. PMID 23485920.
- ↑ Considine, G.D.; Kulik, P.H., reds. (2008). Van Nostrand's Scientific Encyclopedia (10th uitg.). Hoboken, New Jersey (US): Wiley-Interscience. p. 183. ISBN 978-0-471-74398-9.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
