Skitiërs
Die Skitiërs of Skithiërs was ’n antieke Iranse nomadiese volk van ruiters[1] wat op die steppe om die Swart- en Kaspiese See, toe bekend as Skitië, gewoon het. Hulle is later deur die nabyverwante Sarmate oorheers. Baie van die inligting wat oor hulle bekend is, kom van die Griekse historikus Herodotus (omstreeks 440 v.C.) en van opgrawings van voortreflike goue artefakte in Skitiese grafheuwels in die Oekraïne en Suid-Rusland.
Hul taal, Skities, word dikwels geklassifiseer as ’n lid van die Oos-Iranse tale. Daar word geglo hulle het oorspronklik van die Sentraal-Asiatiese streek Groter Iran (Persië) gekom.[2][3][4]
Argeologiese oorblyfsels van die Skitiërs sluit in grafheuwels, of koergans – sommige eenvoudig, ander oordadige grafkelders met wapens, perdetuie, Skitiese kuns, goud, sy en diere-offerandes, plek-plek ook met vermoedelik menslike offerandes.[5][6] Mummifiseringstegnieke en ysgrond het gehelp om die oorblyfsels goed bewaar te laat bly.
Argeoloë kan onderskei tussen drie periodes van antieke Skitiese oorblyfsels:
- 1ste periode - voor-Skitiese en aanvanklike Skitiese tydperk: van die 9de tot die middel van die 7de eeu v.C.
- 2de periode – vroeë Skitiese tydperk: van die 7de tot die 6de eeu v.C.
- 3de periode – klassieke Skitiese tydperk: van die 5de tot die 6de eeu v.C.
Verwysings
[wysig | wysig bron]- ↑ Scythian mummy shown in Germany, BBC News
- ↑ The Persian Empire: a Corpus of Sources of the Achaemenid Period, Volume 1, (2007), Amélie Kuhrt,(p.44)
- ↑ Scandinavian Influences in the English Romantic Movement,(2009), Frank Edgar Farley,(p.197)
- ↑ Ancient communities of the Himalaya, (1998), Dinesh Prasad Saklani,(p.42)
- ↑ Hughes, Dennis. (1991) Human Sacrifice in Ancient Greece. Routledge pp. 10, 64-65, 118.
- ↑ Baldick, Julian. (2000) Animals and Shaman: Ancient Religions of Central Asia. I.B. Tauris. pp.35-36.
Verdere leesstof
[wysig | wysig bron]- Alekseev, A. Yu. et al., Chronology of Eurasian Scythian Antiquities Born by New Archaeological and 14C Data. Radiocarbon, Vol .43, No 2B, 2001, p 1085-1107.
- Jaedtke, Wolfgang. Steppenkind, Piper Verlag, Munich 2008. ISBN 978-3-492-25146-4. ’n Roman met gedetailleerde beskrywings van die lewe van die Skitiërs (Duits).
- Rolle, Renate, The world of the Scythians, Londen en New York (1989).
- Rjabchikov, S. V., The Scythians, Sarmatians, Meotians and Slavs: Sign System, Mythology, Folklore. Rostof-aan-die-Don, 2004 (Russies)
- Sulimirski, T. "The Scyths", in Cambridge History of Iran, vol. 2: 149-99 [1]
Eksterne skakels
[wysig | wysig bron]- "A chronology of the Scythian antiquities of Eurasia based on new archaeological and C-14 data", Alekseev, A.Y. et al.
- "Scythian Gold From Siberia Said to Predate the Greeks"
- Oorsig deur Chris Bennet
- Livius deur Jona Lendering Geargiveer 12 November 2013 op Wayback Machine
- Kleurillustrasies van Skitiese goud
- Herodotus, Histories, Book IV – in Engels vertaal deur Rawlinson, 1942-uitgawe
- Scythia Group ('n Yahoo-groep vir bespreking van die Skitiërs ) Geargiveer 22 Mei 2011 op Wayback Machine
Wikimedia Commons het meer media in die kategorie Skitiërs.
Hierdie artikel is vertaal uit die Engelse Wikipedia
Text is available under the CC BY-SA 4.0 license; additional terms may apply.
Images, videos and audio are available under their respective licenses.
