Samara-oblast
Samara-oblast Самарская область | ||||
![]() | ||||
Die ligging van Samara-oblast in Rusland. | ||||
Politieke status | ||||
Land | ![]() | |||
Federale distrik | Wolga | |||
Ekonomiese streek | Wolga | |||
Stigting | 14 Mei 1928 | |||
Regering | ||||
Hoofstad | Samara | |||
Leier | Nikolai Merkoesjkin (waarnemend) | |||
Amp | Goewerneur | |||
Wetgewer | Oblast-doema | |||
Bevolking | ||||
Sensus | 2010 | |||
Totaal | 3 215 532 | |||
Volgorde | 11de | |||
Digtheid | 59,99/km2 | |||
Stedelik | 80,2% | |||
Plattelands | 19,8% | |||
Statistiek | ||||
Oppervlakte | 53 600 km2 | |||
Volgorde | 50ste | |||
Tydsone | UTC+04:00 | |||
Registrasienommer | 63, 163 | |||
Amptelike tale | Russies | |||
Webtuiste | http://www.adm.samara.ru/ | |||
Wapen en vlag | ||||
![]() ![]() | ||||
|
Samara-oblast (Russies: Сама́рская о́бласть, Samarskaja oblast) is ’n deelgebied van Rusland. Dit lê in die Wolga- Federale Distrik en die hoofstad is Samara. Volgens die Russiese sensus van 2010[1] het dit ’n inwonertal van 3 215 532.
Die oblast grens in die noorde aan Tatarstan, in die ooste aan Orenburg-oblast, in die suide aan Kazachstan, in die suidweste aan Saratof-oblast en in die weste aan Oeljanofsk-oblast.
Geskiedenis
[wysig | wysig bron]Die Russiese Ryk het in 1851 ’n goewernaat in die gebied gestig. Die Samara-goewernaat is uit Samara geadministreer. Tydens die Russiese Rewolusie van 1905 het ’n rebellie in November dié jaar op die dorp Nowaja Tsarewsjtsjina (nou Wolzjski) uitgebreek en na die dorp Stari Boejan versprei. Dit het daartoe gelei dat die afgestigte Republiek Stari Boejan vir ’n kort rukkkie in die goewernaat gestig is. Nadat die plaaslike polisie nie daarin kon slaag om die rebellie te beëindig nie, is dit deur ’n ekspedisie Kosakke en gendarmes onder die visegoewerneur van die Samara-goewernaat onderdruk.
Onder Sowjetbewind is die grootste deel van die goewernaat se gebied omskep in die Middel-Wolga-oblast, wat op 14 Mei 1928 gestig is. Meer as ’n jaar later, op 20 Oktober 1929, is dit weer omskep in die Middel-Wolga-krai.[2] Op 27 Januarie 1935 is Samara en die krai hernoem tot onderskeidelik Koeibisjef en Koeibisjef-krai, ter ere van die Bolsjewistiese leier Walerian Koeibisjef.[2] Op 5 Desember 1936 is die krai verander in die Koeibisjef-oblast met die aanvaarding van die Sowjetgrondwet van 1936.[2]
Op 25 Januarie 1991 het die stad sy ou naam teruggekry en die oblast is hernoem tot Samara-oblast. Op 1 Augustus 1997 het Samara-oblast ’n magverdelingsooreenkoms met die federale regering onderteken waarvolgens hulle outonomie gekry het.[3] Dié ooreenkoms is op 22 Februarie 2002 afgeskaf.[4]
Toljatti in Samara-oblast is die grootste stad in Rusland wat nie die hoofstad van ’n deelgebied is nie.
Demografie
[wysig | wysig bron]Oosters-Ortodoks | 35% | |||
Ortodoks (ander) | 1.6% | |||
Ander Christene | 7.8% | |||
Islam | 1.9% | |||
Inheemse gelowe | 0.8% | |||
Spiritueel, maar nie godsdienstig | 29.6% | |||
Ateïsties | 12.6% | |||
Ander of geen | 10.7% | |||
Godsdiens in Samara-oblast |
Volgens die Russiese sensus van 2010[1] het die oblast ’n inwonertal van 3 215 532. Hiervan is 85,6% Russe, 4,1% Tatare, 2,7% Tsjoewasjiërs, 2,1% Mordwiene, 1,4% Oekraïners en 0,7% Armeniërs.
Godsdiens
[wysig | wysig bron]Volgens ’n opname in 2012[5][6] behoort 35% van die oblast se inwoners tot die Oosters-Ortodokse Kerk. Ander Ortodokse lidmate maak 1,6% van die bevolking uit, ander Christene 7,8%, Moslems 1,9% en aanhangers van inheemse gelowe 0,8%. Altesaam 29,6% is spiritueel, maar nie godsdienstig nie, 12,6% is ateïsties en 10,7% hang ander gelowe aan of het nie die vraag beantwoord nie.
Verwysings
[wysig | wysig bron]- ↑ 1,0 1,1 (ru) Оценка численности населения на 1 января 2014 года и в среднем за 2013 год Geargiveer 19 Oktober 2015 op Wayback Machine
- ↑ 2,0 2,1 2,2 Administrative-Territorial Structure of the Union Republics. 1987., p. 162
- ↑ "Newsline - August 4, 1997 Power-Sharing Agreement Signed with Samara Oblast". Radio Free Europe/Radio Liberty (in Engels). 1 Augustus 1997. Besoek op 3 Mei 2019.
- ↑ Chuman, Mizuki. "The Rise and Fall of Power-Sharing Treaties Between Center and Regions in Post-Soviet Russia" (PDF). Demokratizatsiya: 146.
- ↑ "Arena: Atlas of Religions and Nationalities in Russia". Sreda, 2012.
- ↑ 2012 Arena Atlas Religion Maps. "Ogonek", № 34 (5243), 27/08/2012. Retrieved 21/04/2017. Archived.
Skakels
[wysig | wysig bron]Wikimedia Commons het meer media in die kategorie Samara-oblast.
Hierdie artikel is in sy geheel of gedeeltelik uit die Engelse Wikipedia vertaal.
53°27′N 50°27′O / 53.450°N 50.450°O
Republieke (21) | |
---|---|
Krais (9) | |
Oblaste (46) |
|
Outonome oblast (1) | |
Outonome okroegs (4) | |
Federale stede (2) | |
Onerken1 (6) | |
|
Text is available under the CC BY-SA 4.0 license; additional terms may apply.
Images, videos and audio are available under their respective licenses.