Río Paraná
| Río Paraná – Rio Paraná | |
|---|---|
.jpg) | |
 Die stroomgebied van die Río Paraná. | |
| Oorsprong | Río Grande en Río Paranaíba, Mato Grosso do Sul en São Paulo[1] (Brasilië) |
| Monding | Rio de la Plata naby Buenos Aires, Argentinië |
| Stroomgebied | Brasilië, Paraguay en Argentinië |
| Lengte | 4 880 km (3 032 myl)[2] |
| Oorspronghoogte | 1 148 m (3 766 voet) |
| Mondinghoogte | 0 m |
| Gemiddelde afloop | 17 290 m³/s (610 600 ft³/s)[2] |
| Stroomgebiedopp. | 2 582 672 km² (997 175 myl²) |
 Kaart van die Río de la Plata-bekken in Suid-Amerika.
| |
Die Río Paraná (Guaraní: Ysyry Parana, Portugees: Rio Paraná), is 'n groot suid-vloeiende rivier in Suid-Amerika. Die rivier, met 'n lengte van 4 880 km, is die tweede langste rivier in Suid-Amerika ná die Amesonerivier. Die naam van die rivier is afgelei van die Tupí-frase para rehe onáva, wat beteken "soos die meer" (dit is, "so groot soos die meer").
Die Río Paraná ontstaan deur die saamvloei van die Rio Paranaíba en die Rio Grande aan die plek, waar die Brasiliaanse deelstate Minas Gerais, São Paulo en Mato Grosso do Sul 'n drielandepunt vorm. Aansluitend vloei die rivier 619 km in suidwestelike rigting, waar dit baie damme deurvloei. Later bereik die Río Paraná Saltos del Guaira in Paraguay. Vir die volgende 200 km vorm die rivier die grens tussen Paraguay en Brasilië, voordat die Rio Iguaçu in die Río Paraná uitmond. Vanaf hier vorm die Río Paraná die grens tussen Paraguay en Argentinië. Die rivier vloei verdere 468 km in suidelike rigting, voordat dit vir 820 km in westelike rigting vloei. Aansluitend mond die Río Paraguay, die rivier se grootste sytak, in die Río Paraná uit. Vanaf hier vloei die rivier vir 820 km in suidelike rigting deur Argentinië, met 'n klein terugdraai in oostelike rigting naby Rosario. Aansluitend vloei die Río Paraná 500 km in suidoostelike rigting, voordat die rivier saam met die Río Uruguay in die Rio de la Plata saamvloei, wat naby Buenos Aires in die Atlantiese Oseaan uitmond.
Verwysings
[wysig | wysig bron]- ↑ (pt) "Monitoramento da Qualidade das Águas Superficiais da Bacia do Río Paranaíba: Relatório Annual 2007". Governo do Estado de Minas Gerais, Instituto Mineiro de Gestão das Águas. 2008. Geargiveer vanaf die oorspronklike (PDF in ZIP) op 6 Julie 2011. Besoek op 14 Junie 2014.
- ↑ 2,0 2,1 (en) "Parana River". Encyclopædia Britannica. Encyclopædia Britannica Online. Encyclopædia Britannica Inc., 2012. Web. 26 Mei 2012 "Rio de la Plata"
Eksterne skakels
[wysig | wysig bron]
Wikimedia Commons het meer media in die kategorie Río Paraná.
Normdata  |
|
|---|
Text is available under the CC BY-SA 4.0 license; additional terms may apply.
Images, videos and audio are available under their respective licenses.
