Northcliff
Northcliff | |
|---|---|
.jpg) | |
  Northcliff Northcliff se ligging in Gauteng | |
| Koördinate: 26°8′46″S 27°58′12″O / 26.14611°S 27.97000°O | |
| Land |  Suid-Afrika |
| Provinsie | Gauteng |
| Munisipaliteit | Stad Johannesburg |
| Oppervlak | |
| • Totaal | 9,06 km2 (3,50 vk. myl) |
| Bevolking (2011)[1] | |
| • Totaal | 14 664 |
| • Digtheid | 1 619/km2 (4 190/vk. myl) |
| Rasverdeling (2011) | |
| • Wit mense | 63.5% |
| • Indiërs/Asiërs | 7.5% |
| • Bruin mense | 4.9% |
| • Swart mense | 22.8% |
| • Ander | 1.2% |
| Taal (2011) | |
| • Engels | 55.1% |
| • Afrikaans | 25.4% |
| • Zoeloe | 4.1% |
| • Tswana | 2.9% |
| • Ander | 12.5% |
Northcliff is 'n welgestelde en eksklusiewe voorstad van Johannesburg, Suid-Afrika. Die voorstad is geleë op Northcliffrif, wat aan die een kant 'n uitsig bied oor die sentrale sakegebied en aan die ander kant van die boomryke noordelike voorstede. Northcliff se groot wonings is teen 'n steil helling van die heuwel geleë en grens aan die Randburgse voorstede Fairland, Blackheath, Cresta en Berario.
Onlangs is daar strate met toegangsbeheer afgesper om meer sekuriteit en eksklusiwiteit aan inwoners van Northcliff te bied. Northcliff is geleë in streek B van die Stad Johannesburg Metropolitaanse Munisipaliteit.
Geskiedenis
[wysig | wysig bron]
Die woonbuurt is uitgelê op 'n gedeelte van die plaas genaamd Waterval op die ou Witwatersrand.[2] Dit is op 3 Oktober 1934 gestig en genoem na die noordelike rif.
Geografie
[wysig | wysig bron]Northcliffrif (ook bekend as Aasvoëlkop vanweë die kranse wat deur hierdie roofvoëls bewoon was voordat dit verstedelik is) word al meer as 250 000 jaar lank deur mense bewoon. Op 1807 meter is die rif die tweede hoogste punt in Johannesburg, een meter laer as die Observatory-heuwel. Dit het drie plantegroeisones en word deur baie verskillende diere bewoon.
Ekonomie
[wysig | wysig bron]Northcliff word bedien deur Cresta Shopping Centre, een van die grootste winkelsentrums in Johannesburg wat op die grens van Northcliff in die voorstad Cresta geleë is. Ander kleiner voorstedelike winkelkomplekse is binne maklike toegang, byvoorbeeld Northcliff Corner, The Verdi Centre, Heathway Square en Home Living Design Centre.
Onderwys
[wysig | wysig bron]Hoewel dit in Blackheath geleë is, gee die voorstad sy naam aan die Northcliff High School asook Northcliff Primary School.
Verwysings
[wysig | wysig bron]- ↑ 1,0 1,1 1,2 1,3 "Subplek Northcliff". Sensus 2011.
- ↑ Raper, Peter E.; Moller, Lucie A.; du Plessis, Theodorus L. (2014). Dictionary of Southern African Place Names. Jonathan Ball Publishers. p. 1412. ISBN 9781868425501.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
