Mopaniemot
| Mopaniemot | |
|---|---|
_(6032325225).jpg)
| |
| 'n Mopaniemot in die Krugerwildtuin | |
.jpg)
| |
| 'n Mopaniewurm op 'n mopanieboom | |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Familie: | Saturniidae
|
| Genus: | Gonimbrasia
|
| Spesie: | G. belina
|
| Binomiale naam | |
| Gonimbrasia belina Westwood, 1849
| |
'n Mopaniemot is 'n vlinder, Imbrasia belina, wat in Suidelike Afrika voorkom, en behoort tot die familie van Saturniidae.[1] Die larwe van hierdie mot is eetbaar in sy ruspestadium[2] en word 'n mopaniewurm genoem.
Volksname
[wysig | wysig bron]- Engels: Mopane worm, Mopane moth, Emperor moth, Anomalous Emperor[3]
- Tswana: Phane
- Tsonga: Matamani, Masonja
- Venda: Mashonzha
- Noord-Sotho: Mašotša (uitgespreek Mashotsha)[1]
Verspreiding
[wysig | wysig bron]Imbrasia belina kom in Angola, Botswana, Kameroen, Demokratiese Republiek van die Kongo, Eritrea, Ethiopië, Kenia, Mosambiek, Namibië, Suid-Afrika, Tanzanië, Tsjad, Uganda, Zambië en Zimbabwe voor.[3] Dit word oor die algemeen aangetref waar mopaniebome (Colophospermum mopane) voorkom, maar is nie heeltemal beperk tot die verspreiding van hierdie bome nie.[1]
Habitat
[wysig | wysig bron]Semi-woestyn, bosveld en grasveld met 'n hoë konsentrasie van mopanieveld.
Voorkoms
[wysig | wysig bron]Volwasse motte het 'n vlerkspan van 120 mm. Die kleur van die vlerke wissel van bruin tot groen en bruin tot rooi. Daar is groot oranje oogkolle op die agtervlerke, omring deur swart en wit ringe, en kleiner oogkolle op die voorvlerke. Die larwes (ruspes) is groot, tot ongeveer 100 mm lank en ongeveer 10 mm in deursnee. Hulle is swart met rooierige, geel en witterige bande en het kort rooi of swart stekels wat met fyn wit hare bedek is.[1]
Sien ook
[wysig | wysig bron]Verwysings
[wysig | wysig bron]- ↑ 1,0 1,1 1,2 1,3 "Mopane worm" (in Engels). SANBI. Geargiveer vanaf die oorspronklike op 6 Augustus 2017. Besoek op 26 April 2017.
- ↑ "Mopane worm utilisation and rural livelihoods in Southern Africa" (PDF). Center for International Forestry Research. Besoek op 26 April 2017.
- ↑ 3,0 3,1 "Gonimbrasia belina (Westwood, 1894)". African Moths. Geargiveer vanaf die oorspronklike op 2 September 2019. Besoek op 26 April 2017.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
