Indo-Ariese tale
| Indo-Ariese tale | |
|---|---|
| Geografiese verspreiding: |
Suid-Asië |
| Genetiese klassifikasie: |
Indo-Europese tale Indo-Irannese tale Indo-Ariese tale |
| Onderafdelings: |
Noordelike sone
Noordwestelike sone
Westelike sone
Sentrale sone
Oostelike sone
Suidelike sone
|
Verspreiding van Indo-Ariese tale | |
Die Indo-Ariese tale is 'n subfamilie van die Indo-Irannese tale binne die Indo-Europese taalfamilie, saam met die Irannese tale en die Nuristani-tale. Die meer as 'n honderd tale word deur omtrent een miljard mense oorwegend in Noord- en Sentraal-Indië, Pakistan, Bangladesj, Nepal, Sri Lanka en die Maledive gepraat. Van die belangrikste Indo-Ariese tale sluit in Hindi-Oerdoe (Hindoestani), Bengaals en die klassieke taal Sanskrit. Ook Romani, wat deur Roma in Europa gepraat word, behoort aan die Indo-Ariese tale. Die mees afgeleë Indo-Ariese taal is egter Fidjiaanse Hindi, een van die drie amptelike tale van die eilandstaat Fidji in Oseanië.
Die Drawidiese tale, wat veral in Suid-Indië gepraat word, is nie aan die Indo-Ariese tale verwant nie, maar deur duisend jaar se taalkontak het hulle talle gemeenskaplike kenmerke ontwikkel. Dit vorm 'n taalfamilie in eie reg.
Die grootste tale (volgens moedertaalsprekers) is: Hindoestani (Hindi-Oerdoe, 325 miljoen), Bengaals (190 miljoen), Pandjabi (129 miljoen), Marathi (72 miljoen), Rajasthani (50 miljoen), Gujarati (47 miljoen), Awadhi (40 miljoen), Bhojpuri (40 miljoen), Maithili (34 miljoen), Oriya (32 miljoen), Saraiki (26 miljoen), Sindhi (24,5 miljoen), Magahi (20,7 miljoen), Chhattisgarhi (18 miljoen), Nepalees (16 miljoen), Singalees (16 miljoen), Angika (15 miljoen), Rangpuri (15 miljoen), Assamees (13 miljoen), Kannauji (9,5 miljoen), Hariyanavi (8 miljoen), Marwari (7,8 miljoen), Konkani (6 miljoen), Bundeli (5,6 miljoen), Kasjmiri (5,5 miljoen), Dogri (4 miljoen), Bhili (3,2 miljoen), Bagheli (2,7 miljoen), Garhwali (2,5 miljoen), Kumaoni (2 miljoen) en Braj (1,6 miljoen).
Bronne
[wysig | wysig bron]- (en) Cardona, George; Jain, Dhanesh, reds. (2003). The Indo-Aryan Languages. Routledge. ISBN 978-0-415-77294-5.
- (en) Masica, Colin (1991). The Indo-Aryan Languages. Cambridge: Cambridge University Press. ISBN 978-0-521-29944-2.
Eksterne skakels
[wysig | wysig bron]
Wikimedia Commons het meer media in die kategorie Indo-Ariese tale.- (en) "Ethnologue: Languages of the World, Seventeenth edition, Indo-Aryan". Ethnologue. Besoek op 16 April 2021.
- (en) "Indo-Aryan languages". Encyclopædia Britannica. Besoek op 16 April 2021.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
