Gipuzkoa
| |||||
![]() | |||||
Land | ![]() | ||||
Outonome Gemeenskap | ![]() | ||||
Hoofstad | San Sebastián | ||||
Oppervlak – Totaal – % van Spanje |
Gelys 50ste 1 980 km² 0,38% | ||||
Bevolking – Totaal (2014) – Bevolkingsdigtheid |
Gelys 19de 715 148 360/km² | ||||
Parlementêre verteenwoordiging – Setels in die Spaanse Kongres – Setels in die Spaanse Senaat – Setels in die Juntas Generales |
6 (van 350) 4 (van 264) 51 | ||||
President | Markel Olano (EAJ) | ||||
Gipuzkoako Foru Aldundia |
Gipuzkoa (Spaans: Guipúzcoa, Baskies: Gipuzkoa) is 'n provinsie van die Outonome Gemeenskap van die Baskeland in Spanje. Dit word begrens deur die provinsies Biskaje in die weste en Álava in die suide, die Outonome gemeenskap van Navarra in die ooste, die Franse département Pyrénées-Atlantiques in die noordooste, en die Golf van Biskaje in die noorde. Dit is aan die oostelike punt van die Kanteberiese See aan die Baai van of Biskaje geleë en beskik oor 66 km kuslyn.
Die provinsie se Atlantiese klimaat beteken dat die landskap oorwegend groen is. Die totale oppervlak van die provinsie is 1 980 km² wat beteken dat dit die kleinste provinsie in Spanje is. Die provinsie se bevolking is 682 977 (2002), waarvan omtrent 'n kwart in die hoofstad, San Sebastián, woon. Ander belangrike dorpe is Irun, Errenteria, Zarautz, Arrasate, Oñati, Éibar, Tolosa, Beasain en Pasaia. Gipuzkoa bestaan uit 'n reeks van ses byna parallelle valleie met ses ooreenkomstige riviere. Die belangrikste bevolkingssentra word aangetref waar die riviere in die see in vloei.
Die provinsie se ligging tussen die ander twee Baskiese provinsies het dit in staat gestel om die taal en tradisies van die Baske beter te bewaar as in die ander twee provinsies. Gipuzkera is 'n dialek van die Baskiese taal wat in die grootste deel van die gebied gepraat word, sowel as in die naburige dele van Navarra.
Geskiedenis
[wysig | wysig bron]Die naam Gipuzkoa is van die einde van die 10de eeu vir 'n geografiese gebied gebruik. Gipuzkoa is in 1200 as 'n graafskap met Kastilië verenig. Die belangrikste dorpe is in die 13de en 14de eeue gestig of herbevolk. Die Gipuzkoa Broederskap is in 1397 in die Kerk van San Salvador van Getaria gestig. Die alliansie van villas en valleie sou die bron van die huidige gebied van Gipuzkoa word.[1]
Gipuzkoa is in 1980 saam met Álava en Biskaje in die nuut gestigte Outonome Gemeenskap van die Baskeland, in Spanje opgeneem.
Verwysings
[wysig | wysig bron]- ↑ Gipuskoa Tourism Geargiveer 17 Oktober 2007 op Wayback Machine, A little bit of history[dooie skakel], Besoek op 18 Oktober 2007
Eksterne skakels
[wysig | wysig bron]Wikimedia Commons het meer media in die kategorie Gipuzkoa.
- (es) (eu) Amptelike webwerf
Text is available under the CC BY-SA 4.0 license; additional terms may apply.
Images, videos and audio are available under their respective licenses.