Hierdie artikel bevat nie ’n bronnelys nie, wat beteken dat die inhoud nie geverifieer kan word nie. Enige bevraagtekende inligting mag dus ook mettertyd verwyder word. Help Wikipedia deur betroubare bronne tot die artikel by te voeg.

'n Dompelpomp is 'n pomp met 'n kort gekoppelde hermeties verseëlde motor. Die hele montering word onder die vloeistof gedompel. Die voordeel van die tipe pomp is dat daar, vir 'n groot installasie, 'n betekenisvolle vermindering is in die hoeveelheid beton wat benodig word om die reservoir te bou aangesien 'n aparte droë put nie benodig word nie.

'n Stelsel van meganiese seëls word gebruik om te voorkom dat die vloeistof wat uitgepomp word, die elektriese motor binnedring en 'n kortsluiting veroorsaak.

Dompelpompe word aangetref in vele toepassings, enkelstadiumpompe word gebruik vir dreinering, pomp van riool, algemene industriële pompwerk en slikpompwerk. Multi-stadiumdompelpompe word tipies gebruik in boorgate vir wateronttrekking.

Dompelpompe word ook in olieboorgate gebruik. Deur die druk by die bodem van die put te verhoog kan olie-produksie betekenisvol verhoog word in vergelyking met natuurlike produksie. Dit beteken dat elektriese dompelpompe 'n "kunsmatige stukrag" lewer vir olie-ontginning (in teenstelling met natuurlike vloei wat alleen op die druk in die reservoir staatmaak vir vloei). Borrelpompe en perdekoppompe word ook ingespan om die vloei vanuit boorgate te verhoog.

• Sentrifugale pomp
• Resiprokerende pompe
• Peristaltiese pomp
• Borrelpomp

Hierdie artikel is ’n saadjie. Voel vry om Wikipedia te help deur dit uit te brei.