Borrelpomp
'n Borrelpomp is 'n tipe vloeistofpomp. 'n Borrelpomp bestaan eenvoudig net uit 'n vertikale pyp wat aan beide kante oop is met die onderkant van die pyp onder die vloeistof wat gepomp moet word se vlak gedompel. Saamgeperste gas word aan die onderkant van die pyp ingespuit. Die gas meng met die vloeistof en verlaag die digtheid van die mengsel sodanig dat die gewig van die gas-vloeistofmengsel laer is as die opwaartse krag veroorsaak deur die gasdruk onder aan die pyp/buis. Dus met die korrekte verstelling van gas- en vloeistofvloeiverhouding kan die nodige stuwingshoogte (hoogte van vloeistofoppervlak na uitlaatpunt) bereik word.
Die vloeitempo kan bereken word deur parameters soos dompeldiepte (afstand van vloeistofoppervlak tot die gasinspuitpunt), gasvloei, pypdeursnee en ander fisiese eienskappe van die vloeiers in korrelasies te gebruik (Sien Bronnelys).
Die pompe word tipies ingespan om olie te ontgin. 'n Alledaagse voorbeeld van 'n pomp wat op die beginsel werk is die borrelpompie in 'n koffieperkoleerder wat die borrels wat ontstaan wanneer die water kook, inspan om die warm water tot bo in die filter in te pomp.
Bronnelys
[wysig | wysig bron]Perry's Chemical Engineers' Handbook - Sixth Edition, Robert H. Perry, Don Green, McGraw Hill 1984.
Sien ook
[wysig | wysig bron]- Sentrifugale Pomp
- Resiprokerende pompe
- Dompelpomp
- Peristaltiese pomp
Text is available under the CC BY-SA 4.0 license; additional terms may apply.
Images, videos and audio are available under their respective licenses.
