Eienskappe

Algemeen
Naam	Bariumkarbonaat
IUSTC-naam	Bariumkarbonaat
Chemiese formule	BaCO3
Molêre massa	197,34 [g/mol][1]
CAS-nommer	513-77-9[1]
Voorkoms	Swaar, wit vastestof[1]
Reuk	Reukloos[1]
Fasegedrag
Fase	T <800 °C
Selkonstantes	a=531,3pm b=889.6pm c=642,8pm[2]
Ruimtegroep	Pmcn (Pnma) [2][3]
Nommer	62
Strukturbericht	G0₂
Fase	800 °C<T <970 °C
Selkonstantes	a=520,5pm; c=1055pm[4]
Ruimtegroep	R3m
Nommer	167
Fase	T >970 °C
Selkonstantes	696pm[4]
Ruimtegroep	Fm3m ?
Nommer	225
Smeltpunt	1380 °C (ontbind)[1]
Kookpunt	geen (ontbind)[1]
Digtheid	4,275 g/cm3[1]
Oplosbaarheid	onoplosbaar in water (14 mg/L @20 °C; oplosbaar in meeste sure, behalwe swaelsuur[1]
Ksp	5,1 10-9[5]
Brekingsindeks	1,529; 1,676; 1,677[1]
Suur-basis eienskappe
pKa
Veiligheid
Flitspunt	nie-brandbaar[1]
LD50	418 [mg/kg] (rot; oraal) [1]
Tensy anders vermeld is alle data vir standaardtemperatuur en -druk toestande.
Portaal Chemie

Bariumkarbonaat is 'n sout van barium en koolsuur met die formule BaCO₃.

Dit kom in die natuur as die mineraal witheriet voor. Dit word gebruik in rottegif, bakstene, keramiekglasure en sement.^[1]

Bariumkarbonaat kristalliseer in die ortorombiese aragoniet-struktuur. (G0₂ in die strukturbericht-klassifikasie).^[3] Bariumkarbonaat het twee hoëtemperatuurmodifikasies. Teen 800 °C gaan dit oor in 'n romboëdriese kalsietstruktuur (G0₁). Die oorgangsentalpie is 18,79 [kJ/mol]. Teen 970 °C word die struktuur kubies (ΔH= 30,54 [kJ/mol]). Hierdie kubiese fase het dalk die RbNO₃-I-struktuur. Die posisies van die karbonaatione vertoon wanorde.^[4]

Bariumkarbonaat kan as neerslag verkry word deur aan 'n oplossing van natriumkarbonaat (soda) 'n oplossing van bariumchloried by te voeg:^[6]

${\displaystyle 2Na^{+}(aq)+CO_{3}^{2-}+Ba^{2+}+2Cl^{-}(aq)\rightarrow 2Na^{+}(aq)+2Cl^{-}(aq)+BaCO_{3}\downarrow }$

Dit is 'n basis wat gebruik kan word om uit oplossings van chloriede van Al³⁺, Cr³⁺ of Fe³⁺ hidroksiede neer te slaan:^[6]

${\displaystyle 2Cr^{3+}+6Cl^{-}+3BaCO_{3}(s)+3H_{2}O\rightarrow 2Cr(OH)_{3}\downarrow +3Ba^{2+}+6Cl^{-}+3CO_{2}\uparrow }$

Bariumkarbonaat is 'n belangrike industriële materiaal. Die konvensionele metode van BaCO₃-bereiding is gebaseer op hoë-temperatuur reduksie van bariet (natuurlike bariumsulfaat) met steenkool, wat 'n groot hoeveelheid CO₂ vrystel. Onlangse navorsing bied 'n skoner metode vir BaCO₃-produksie met metaan as die reduseermiddel, wat die CO₂-emissie aansienlik verminder (tot 75%). ^[7]

In teenstelling tot die sulfaat is bariumkarbonaat toksies omdat dit in die maagsuur oplos. Toe bariumkarbonaat verkeerdelik as 'n X-straal-kontrasmedium gebruik is, het ses pasiënte 133 gm elk (ongeveer 1900 mg/kg) oorleef, maar nog een is ná slegs 53 gm dood. Die skrywer het vroeëre verslae aangehaal wat aandui dat so min as 4 gm (ongeveer 57 mg/kg) dodelik was.^[1]