Amaryllidaceae
| Amaryllidaceae | |
|---|---|
| |
| Amaryllis belladonna | |
| Wetenskaplike klassifikasie | |
| Koninkryk: | |
| Divisie: | |
| Klas: | Liliopsida
|
| Orde: | |
| Familie: | Amaryllidaceae Burnett
|
| Subfamilies | |
| |
Die Amaryllidaceae of narsingleliefamilie[1] is ’n familie kruidagtige, hoofsaaklik meerjarige blombolplante, wat deel is van die eensaadlobbige orde Asparagales. Die familie se naam kom van die genus Amaryllis, vandaar die sinoniem amarillisfamilie.[2] Die blare is gewoonlik lynvormig, die blomme tweeslagtig en simmetries, en gerangskik in bloeiskerms aan die stam.
Die familie, wat in 1805 geskep is, bevat nou sowat 1 600 spesies, wat verdeel is in 75 genera, 17 tribusse en drie subfamilies: Agapanthoideae (agapante), Allioideae (uie en grasuie) en Amaryllidoideae (narsinglelies en affodille).
Amaryllidaceae word aangetref in die tropiese en subtropiese klimaatstreke en sluit baie sierplant en groente in.
Eienskappe
[wysig | wysig bron]
Die meeste spesies in die familie is blomplante met meestal grondwortels (’n paar is waterplante) en is meerjarige kruid- of vetplante. Die meeste genera groei van bolle, maar ’n paar soos Agapanthus, Clivia en Scadoxus ontwikkel uit risome (wortelstokke).[3]
Die blare is eenvoudige met parallelle are. Hulle kan langwerpig, ellipties, lans-, lyn- of garevormig wees, en is óf by die basis gegroepeer óf alternatiewelik om die stam gerangskik.
Die blomme, wat tweeslagtig is, is gewoonlik aktinomorf (radiaal simmetries), en aan die bokant van blaarlose stamme om blomskerms gerangskik. Die kroonblare en skutblare is ongedifferensieer as blomblare. Sommige spesies het ook ’n blomkroon.
Die vrugbeginsel is óf bo- óf onderstandig. Daar is ses meeldrade wat drie-drie gerangskik is. Die vrugte is droog en kapsulevormig, of vlesig en bessieagtig.
Verwysings
[wysig | wysig bron]- ↑ Prof. dr. S.J. du Plessis (samesteller). Voorlopige Woordelys in Landbou en Bosbou. Die Suid-Afrikaanse Akademie vir Wetenskap en Kuns. Pro Ecclesia-drukkery, Stellenbosch, 1950.
- ↑ Nasionale Vakterminologiediens van die Departement van Nasionale Opvoeding. Woordeboek vir Tuinboukunde met Plantname. Die Staatsdrukker, Pretoria. 1991. ISBN 0 621 13531 3
- ↑ Dimitri, M. (1987). Enciclopedia Argentina de Agricultura y Jardinería. Buenos Aires
Eksterne skakels
[wysig | wysig bron]- Meerow, A (2009). "Neotropical Amaryllidaceae". Milliken, W., Klitgård, B. & Baracat, A. Neotropikey – Interaktiewe inligting vir blomplante. Geargiveer vanaf die oorspronklike op 7 Mei 2009. Besoek op 8 Januarie 2015.
- "Amaryllidaceae". The Plant List (2013). 2013. Besoek op 4 Januarie 2015.
Wikimedia Commons het meer media in die kategorie Amaryllidaceae.
Wikispecies het meer inligting verwant aan Amaryllidaceae
Hierdie artikel is vertaal uit die Engelse Wikipedia
Text is available under the CC BY-SA 4.0 license; additional terms may apply.
Images, videos and audio are available under their respective licenses.
