Abraham Fischer
Abraham Fischer | |
![]() Abraham Fischer in 1900 | |
1ste Eerste Minister van die Oranjerivierkolonie
| |
Ampstermyn 27 November 1907 – 31 Mei 1910 | |
Monarg | Edward VII George V |
---|---|
Goewerneur-generaal | Hamilton John Goold-Adams |
Voorafgegaan deur | Hamilton John Goold-Adams (as goewerneur van die Oranjerivierkolonie) |
Opgevolg deur | Louis Botha (as eerste minister van Suid-Afrika) |
2de Minister van Binnelandse Sake
| |
Ampstermyn 1912 – 6 Oktober 1913 | |
Monarg | George V |
Eerste minister | Louis Botha |
Goewerneur-generaal | Herbert John Gladstone |
Voorafgegaan deur | Jan Christian Smuts |
Opgevolg deur | Hendrik Schalk Theron |
Persoonlike besonderhede
| |
Gebore | Groenpunt, Kaapstad, Kaapkolonie | 9 April 1850
Sterf | 16 November 1913 (op 63) Kaapstad, Kaapprovinsie, Unie van Suid-Afrika |
Politieke party | Orangia Unie Suid-Afrikaanse Party |
Eggenoot/-note | Ana Robertson[1] |
Kind(ers) | Harry Fischer, Percy Fischer[2] |
Abraham Fischer (Kaapstad, 9 April 1850 – 16 November 1913) was die eerste en enigste eerste minister van die Oranjerivierkolonie.[3]
![](https://upload.wikimedia.org/wikipedia/commons/thumb/7/7f/Boer_Legation_VA0949.jpg/220px-Boer_Legation_VA0949.jpg)
![](https://upload.wikimedia.org/wikipedia/commons/thumb/7/7a/Botha_gouvernment_1910.jpg/220px-Botha_gouvernment_1910.jpg)
Agter: J.B.M. Hertzog, Henry Burton, F.R. Moor, C. O'Grady Gubbins, Jan Smuts, H.C. Hull, F.S. Malan, David Graaff
Voor: J.W. Sauer, Louis Botha, Abraham Fischer
Hy ontvang sy opleiding aan die Suid-Afrikaanse Kollege (die latere Universiteit van Kaapstad) en word toegelaat tot die Kaapse Balie. In 1873 is hy getroud met Ana Robertson, die dogter van Skotse immigrante na die Vrystaat. Nadat hy na die Vrystaat verhuis, word hy in 1878 tot die Volksraad verkies en word lid van die uitvoerende raad in 1896. Sy diplomatieke vernuf het die aandag op konferensies getrek. As lid van die amptelike Boeredeputasie wat steun by buitelandse moondhede moes probeer kry vir die beëindiging van die oorlog, vertrek hy saam met Cornelius Hermanus Wessels en A.D.W. Wolmarans na die buiteland op 10 Maart 1900, drie dae voor die Britse magte Bloemfontein beset. Die afvaardiging besoek talle lande in Europa en selfs Rusland en Amerika, maar sonder welslae.
Ná die vredesluiting help hy om die Orangia Unie (voorloper in die Vrystaat van die Regerende Party en later die Suid-Afrikaanse Party) te stig en hy word die party se eerste president. In 1907, met die verkryging van verantwoordelike regering, word hy die eerste (en enigste) eerste minister van die Oranjerivierkolonie. Hy het deelgeneem aan die Nasionale Konvensie en word in 1911 lid van die Geheime Raad.
In 1910 word hy tydens die eerste algemene verkiesing in die Unie van Suid-Afrika onbestrede verkies as lid van die Regerende Party in die Vrystaatse kiesafdeling Bethlehem. Hy is lid van die eerste Unie-kabinet as minister van lande, maar dien net drie jaar tot aan sy dood.
Hy was die oupa van die anti-apartheidsaktivis Bram Fischer.
Verwysings
[wysig | wysig bron]- ↑ (en) Clingman, Stephen (1998). Bram Fischer: Afrikaner revolutionary. David Philip Publishers. p. 8. ISBN 0-86486-677-1.
- ↑ (en) Clingman, Stephen (1998). Bram Fischer: Afrikaner revolutionary. David Philip Publishers. p. 9. ISBN 0-86486-677-1.
- ↑ (en) Clingman, Stephen (1998). Bram Fischer: Afrikaner revolutionary. David Philip Publishers. ISBN 0-86486-677-1.
Eksterne skakels
[wysig | wysig bron]Wikimedia Commons het meer media in die kategorie Abraham Fischer.
Ministers van Binnelandse Sake van Suid-Afrika | |
---|---|
1910 tot 1984 | |
1984 tot 1994 | |
1994 tot huidig | Buthelezi · Mapisa-Nqakula · Dlamini-Zuma · Pandor · Gigaba · Mkhize · Dlodlo · Gigaba · Nzimande · Cwele · Motsoaledi |
Text is available under the CC BY-SA 4.0 license; additional terms may apply.
Images, videos and audio are available under their respective licenses.