Campaign settingkem6 ping1 set1 ting4 係角色扮演遊戲上嘅一個概念，指一個想像中畀玩家冒險嘅虛構世界。

一場檯上 RPG 冒險會有素材。呢啲素材通常係由出版隻遊戲嗰間公司整嘅，不過有啲 GM 又會自創冒險素材。而無論啲素材係點嚟嘅，GM 喺冒險開始嗰陣，都要攞住佢手上啲素材，向班玩家敘述場冒險嘅背景資訊，會對住班玩家講類似以下噉嘅嘢：

GM：你哋係一班冒險家，有日你哋嚟到一座出嗮名有魔法嘅森林，座森林裏面住滿嗮各種嘅仙子同異獸。有傳言話，近排魔法森林深處有股黑暗力量喺度作怪，搞到有股令啲嘢腐敗嘅力量慢慢噉周圍散佈。你哋而家想進入呢座森林，解開呢個謎團^[1]。

或者

GM：你哋係一班冒險家，有日你哋嚟到呢條叫巴羅維亞（Barovia）嘅村仔度。你哋撞到兩個細路，一對好細個嘅姐弟。兩個細路開口要求，想你哋幫佢哋趕走佢哋屋企地牢入面嘅一隻『怪獸』。你哋諗都唔諗就應承幫佢哋解難，但你哋一行入間屋度，就發覺自己出唔返去... ^{[2]:"Death House"}

• 奇幻
• 背景設定
• 世界創建

睇 傾 改 角色扮演遊戲（RPG）
	主要種類 桌上 RPG 真人 RPG 電子 RPG（MMORPG） 網上文字 RPG
	重要概念 創建角色 經驗值同能力值 玩家角色同 NPC 冒險同 campaign（Setting） GM RPG 系統 RPG 理論（GNS 理論） RPG 詞彙 RPG 史
	拉雜相關 桌上遊戲 推想型故仔（奇幻同科幻） 世界創建 遊戲設計同遊戲研究 英維嘅 RPG 一覽同 RPG 設計師一覽 電子遊戲詞彙 電子遊戲類型一覽 收藏
維基同享中有關角色扮演遊戲嘅資源類