2009快樂女聲 Super Girl
格式	選秀
開創	湖南衛視
導演	馬昊
主持	舒高 李好 柯豆 唐笑 文海 李維嘉 吳昕 杜海濤 趙靚 何炅 楊樂樂 汪涵
主演	高速公路樂隊
評委	包小柏 鄭洋 李延亮 許志安 朱樺 藍波 伍洲彤 順子 沈黎暉 巫啟賢 高曉松 黃國倫 春曉 黑楠 ELLE雜誌 摩登天空 太和麥田 英皇娛樂 華納唱片 索尼音樂 海蝶音樂 保利演藝 愛貝克思娛樂 華研國際音樂 滾石唱片 中央人民廣播電台音樂之聲 中國移動無限音樂俱樂部 金鷹娛樂 新浪娛樂 搜狐娛樂 騰訊娛樂 網易娛樂 百度娛樂頻道
國家／地區	中國
集數	10
片頭曲	唱得響亮
作曲	羅俊霖
製作
執行製作	馬昊
播映
首播頻道	湖南衛視
播出日期	2009年5月1號 (2009-05-01)—9月4號 (2009-09-04)
出面網頁
官方網站

《快樂中國·步步高音樂手機·快樂女聲》係中國湖南衛視喺2009年5月1號開始舉辦嘅大眾歌唱選秀比賽，佢前身係2004年開始連續舉辦3年3屆嘅超級女聲，之後因推出快樂男聲嘅關係而停辦，直至2009年先重新啟動賽事。所有參賽者必須係年滿18歲嘅女性中華人民共和國公民，而呢年重係首次接受外籍選手報名參賽。快樂女聲喺2009年5月24號開始喺湖南衛視、湖南經視綜合頻道、湖南娛樂頻道首播，由步步高音樂手機冠名贊助播出，口號設做：「想唱就唱，我最響亮」。

2009年度「快樂女聲」一共有15萬人報名參賽，上星後十場總決賽直播，都以絕對優勢穩居中國大陸同時段電視節目收視率第1名，市場份額達到44.36%，喺晚間22:00點段，觀眾規模累計達到2.3億。到依家，網絡數據都好驚人，搜索「快樂女聲」4個字，相關網頁超過1200萬，網絡留言評論上億，呢啲唔完全嘅數據，印證住快樂女聲巨大嘅品牌影響力。

• 時間：2009年6月9號至2009年6月18號
• 300進60賽制：比賽分6場進行，選手賽前經過抽籤攞到各自編號。第一輪，50人分10組，每組5人輪流演唱。評委對每組選手進行點評，宣佈晉級、待定或淘汰，但成輪嘅直接晉級名額唔可以過4個人。50人唱完，評委經過商議再次宣佈部分淘汰，部分晉級，重係待定嘅選手進入第三輪。第三輪，待定選手進行分組演唱。所有待定選手唱完後，評委集中宣佈淘汰或晉級。到依家綜合6場，全國60強晉級選手全部產生。
• 60進20賽制：比賽分2場進行，選手賽前經過抽籤進行分組同攞到各自嘅編號。第一輪，30位選手分為6組，每組5人分別唱完後，評委宣佈表現最優秀嘅1位進入安全區，最唔理想嘅1位淘汰，其餘3位進入危險區。6組選手全部唱完，評委綜合考量後再次宣佈，安全區嘅選手晉級或待定，危險區嘅選手待定或淘汰，而其餘待定選手將會進入第三輪嘅演唱。第三輪，待定選手進行分組演唱。喺所有待定選手唱完後，評委集中宣佈淘汰或晉級。到依家綜合2場，全國20強晉級選手全部產生。

• 時間：2009年6月26號至2009年9月4號
• 10進7（第1場、第2場）賽制：第一輪積分排位賽，10位選手跟序號順序演唱。唱完由大眾評審團、專業評審團同專家評委一齊打分，總分100分，按照選手積分排列產生第1名到第10名。第二輪封面女聲爭奪賽，首輪排名頭4位嘅選手根據車輪戰決出該周電子唱片封面女聲。第三輪搶七換位賽，積分排名最末的第8名、第9名、第10名選手，透過搶擂挑戰排名第5名、第6名、第7名嘅選手，如果挑戰成功，雙方交換排名，最終產生該周排名最尾嘅3名選手。
• 10進7（第3場）賽制：第一輪四人淘汰PK賽，頭2場積分賽排名最尾3名嘅選手（共4人）跟序號順序兩兩PK，2位輸嘅進入終極對決。終極對決由其中一組大眾評審團投票，票低者淘汰，票高者安全。第二輪九人積分排位賽，9位選手跟序號倒序演唱。唱完由大眾評審團、專業評審團同專家評委一齊打分，總分100分，跟選手積分排列產生第1名到第9名。分數最高2位選手直接晉級，當中彩鈴下載量較高者就成為封面女聲。積分排名最尾嘅選手將同專家評委喺待定6人入面揀出嘅一名較弱嘅選手進入終極對決。終極對決由其中一組大眾評審團投票，票低者淘汰，票高者安全。第三輪搶擂PK賽，待定6人進行搶擂，第一位搶到嘅選手可揀一人PK，由專業評審團投票決定輸贏。3位贏嘅晉級，3位輸嘅繼續待定。專家評委根據呢輪表現，喺待定3人入面商議揀出表現最勁嘅一人晉級，其餘2人進入終極對決。終極對決由其中一組大眾評審團投票，票低者淘汰，票高者晉級。最終產生快樂女聲全國七強。
• 7進6賽制：第一輪七人挑戰賽，選手互挑對手兩兩挑戰，上周封面女聲獲得優先挑選權，評委舉牌決定輸贏，贏嘅過關，輸嘅待定，咁樣產生3位過關，4位待定。第二輪封面女聲爭奪賽，過關3人跟號碼從細到大輪流演唱，三方評委打分。3人唱完，產生排位，分數最高者就成為封面女聲並且直接晉級。第三輪反向車輪賽，待定六人進行搶擂，第一位搶到的成為擂主，首先演唱，然後五位選手繼續搶擂，專業評審團投票決定勝負，負者留在台上接受下一位搶擂選手的挑戰。最後留在台上的選手進入終極對決，同時專家評委根據此輪表現，喺待定5人入面商議揀出表現最弱嘅一人進入終極對決，其餘4人晉級。第四輪終極對決，由其中一組大眾評審團投票，票低者淘汰，票高者晉級。最終產生快樂女聲全國6強。
• 6進5賽制：第一輪六人分組對決賽，上周嘅封面女聲頭2名分別做隊長，輪流揀隊友，組成紅、藍兩隊，兩兩對決，由專家評委舉牌決定輸贏，3局2贏，贏嘅隊伍選手全部過關。輸嘅隊伍3人入面，評委揀表現最好嘅1位過關，其餘2位待定並進行對決，由其中一組大眾評審團投票，票數低者直接進入終極對決。第二輪封面女聲爭奪賽，過關4人跟號碼從細到大輪流演唱，三方評委打分，分數最高者成為封面女聲並且直接晉級快樂女聲全國5強，其餘選手繼續待定。第三輪四人搶擂對決戰，待定4人進行搶擂，兩兩對決，由專業評審團投票決定勝負。2位贏嘅晉級，2位輸嘅繼續待定。第四輪終極對決，首先進入終極對決嘅選手，喺2名待定選手入面揀一位成為自己嘅對手，另一位被保送進入全國5強。終極對決由其中一組大眾評審團投票，票低者淘汰，票高者晉級。最終產生快樂女聲全國5強。
• 5進4賽制：第一輪反向車輪戰，5位選手分別同5位快男搭擋，搶擂決定演唱順序，專家評委舉牌評出表現最差一人進入危險區，其餘4人過關。第二輪晉級爭奪戰，過關4人跟號碼從細到大輪唱，三方評審打分，分數最高者直接晉級並成為封面女聲，其餘選手待定。第三輪自我拯救對決戰，危險區選手從待定3人入面揀1位挑戰，全體大眾評審舉牌投票，票少一方進入終極對決。第四輪待定三人車輪戰，待定3人進行車輪戰，由專業評審團投票決定輸贏，揀出1人晉級，2人繼續待定。第五輪終極對決，首先進入終極對決嘅選手，喺2名待定選手中揀1位成為自己嘅對手，另一位被保送進入全國4強。終極對決由其中一組大眾評審團投票，票高者晉級，票低者淘汰。咁樣產生全國4強。
• 4進3賽制：第一輪自選對手對決戰，4位選手自主揀對決對手，兩兩對決，專家評委決定產生3位過關，一位待定。第二輪四強反向車輪戰，3位過關選手依次進行反向車輪戰，由專業評審投票產生最弱1位，接受待定選手挑戰，輸嘅直接進入終極對決，其餘3人過關。第三輪晉級爭奪戰，過關3人依次演唱，三方評委打分，分數最高者首位晉級全國3強並成為本周封面女聲。第四輪終極對決，2位待定選手將接受其他10強選手共計7人嘅投票，票高者晉級，票低者進入終極對決，每人100秒演唱之後，由其中一組大眾評審團投票，票高者晉級，票低者淘汰。全國3強誕生。

比賽分3個階段：

• 第一階段：全國預選賽
• 第二階段：突圍賽
• 第三階段：十強賽

全國24個賽區（中心、加油站、網絡賽區）合作媒體各自從已經淘汰嘅選手入面分別推薦3位選手給全國突圍賽導演組，最後全國突圍賽導演組根據之前嘅表現同網絡人氣綜合決定選出4人進入全國300強參與突圍賽嘅選拔。

• 復活直通區復活嘅4位選手係：黃思思（成都賽區）、冼璠（南寧賽區）、黃鍶騏（廣州賽區）、吳琴（廣州賽區）

• 08號，李媛希，長沙賽區（第十名）
• 01號，曾軼可，沈陽賽區（第九名）
• 02號，潘虹樾，成都賽區（第八名）
• 05號，潘辰，南京賽區（第七名）
• 07號，談莉娜，南寧賽區（第六名）
• 06號，劉惜君，廣州賽區（第五名）
• 03號，郁可唯，成都賽區（第四名）
• 04號，黃英，成都賽區（季軍）
• 10號，李霄雲，蘭州賽區（亞軍）
• 09號，江映蓉，成都賽區（冠軍）

　 該參賽者勝出比賽

　 該參賽者為本周封面女聲

　 該參賽者換位成功

　 該參賽者被淘汰

　 該參賽者退出比賽

• 參賽者總數：20
• 首名入圍最多次數的參賽者：郁可唯、江映蓉、李霄雲（2次）
• 連續首名入圍最多次數嘅參賽者：郁可唯、江映蓉、李霄雲（2次）
• 進入終極對決最多次數嘅參賽者：郁可唯、黃英（3次）
• 連續進入終極對決最多次數嘅參賽者：郁可唯（2次）
• 成為封面女聲最多次數的參賽者：江映蓉（4次）
• 連續成為封面女聲最多次數嘅參賽者：江映蓉（3次）
• 換位成功最多次數嘅參賽者：李霄雲（2次）

• 超級女聲
• 快樂男聲
• 2011快樂女聲