黃正宜
節目主持
羅馬拼音	Wong Ching Yi
英文名	Bonnie Wong
花名	阿正、正姐丶四次元女神、痴女、 903最靚、二台之花、廣播道小富婆、Bonnizebeth、14正、9個正、宇宙正、八仙正、黃娉婷、903狀元 903小白兔、岸兜正、兜姐、芙蓮(乳名)、嘈小姐
國籍	中國（香港）
出世	(1993-02-15) 1993年2月15號（31歲）  英屬香港
職業	電台節目主持
語言	粵語、英文、國語、日文、韓文
教育程度	大學
母校	藍田聖保祿中學 香港中文大學新聞與傳播學學士
出道地	香港
出道日期	2017年
代表作品	一位呀唔該
活躍年代	2017年到依家

黃正宜（英文：Bonnie Wong，1993年2月15號—），藝名阿正，係香港商業電台叱咤903嘅節目主持人。

黃正宜早年喺藍田聖保祿中學畢業，喺A-Level考出2A2B1C嘅成績^[1]入讀香港中文大學嘅新聞及傳播學院並獲得獎學金，曾經有半年時間喺南韓首爾留學。

大學畢業之後經一位師兄引薦加入當年嘅數碼電台 DBC 成為一個時事節目嘅製作助理。喺 2015 年尾成為二台 Me2 下晝嘅一個節目《也文也武》其中一個主持，直到 2016 年 9 月 7 號數碼電台結業為止。

其後曾經轉職到一間製作公司製作教育相關影片，不過四個月後就裸辭。

期間有大學同學同商業二台嘅節目主持人兼當年大學嘅客席導師區穎琳（急急子）講起數碼電台結業，同時講起阿正做緊「咖啡師」。當時商業二台展開一個新實驗企劃——「由朝到晚」廣播劇《歐陽志強》（from girls to ladies），阿正成為其中一個撰稿員。

喺廣播劇《歐陽志強》完結之後，商業二台再展開另一個培養新人嘅實驗企劃《309 咤叱》，喺 2018 年 9 月尾，被揀選嘅新人可以自己嘗試推出一個個人節目。阿正就以當年分手之後要一個人過情人節同生日嘅同名 Facebook 分享《一位呀唔該！》作為延伸，繼而成為佢首個個人嘅節目，一直到而家。

由於李澄（西瓜）喺 2018 年初離職，阿正以新節目《早！ junior》（Morning! Junior）接替《從晴朗的一天出發——早安！同學早！》（on a clear day - hey, learners!）。另外又以一個戴住一幅長方型黑超嘅造型同埋叫「孟呢・正^{[註 1]}」嘅身份參與《早霸王》（Good Morning King）其中一個「視電台」嘅環節《識貨之人》。首次粉墨登場係喺 2018 年 3 月 9 號，當日試食紫菜。森美大哥經常喺環節入面話阿正係「咖啡師」嘅緣故，經常有人向阿正查詢相關資格嘅資料，之後亦曾推出自家品牌嘅咖啡豆供粉絲應購。另外亦以《韓曜日》（Hi, JK）去取代《西瓜大發》（Wonder Melon）喺周末介紹日、韓歌曲。代班嘅時候會臨時叫做《阿正呀唔該！》。

2019 年 7 月 8 號，由於節目重組，《一位呀唔該！》由周末節目轉為星期一至五嘅下晝節目。原本佢最後參與《早霸王》嘅環節《識貨之人》喺係 7 月 6 號，之後就會正式脫離《早霸王》團隊。不過森美為咗節目效果而「冤枉」阿正嘅關係，有極強責任感嘅阿正為咗自己嘅清白所以喺 7 月 8 號嗰朝決定再次挑戰大哥試食鴛鴦味芝士蛋糕。

《一位呀唔該！》原本以「一個人嘅挑戰」為基礎，當中有單元挑戰：燒野食、睇戲、影婚紗相等；另外亦有例行挑戰：萬聖節扮鬼、除夕倒數等。當《一位呀唔該！》由周末轉為周一至周五嘅時段播放之後，就加入咗其他環節：《商台女員工》、《派台歌劇院》、《男神請留胃置給我！》、《女人 101》、《特別投訴蓮...》、《mean 姐 speaking》、《痴女正傳》、《阿正啡 s club》、皇牌環節《正媽・正嗎？》（阿正同佢媽咪一齊主持嘅節目）等；其中喺《五十二周派台計劃》中更同善梁子、渡邊焌、legend 哥組成樂隊「fika fika」。

喺 2021 年 5 月 6 號，喺《買定嚟搜》當中，廸偉投訴黃正宜而家唔過嚟客串錄音，即時被傑朱指正：「唔好亂講啊！佢而家紅過你…」。可見佢嘅地位。

2021年9月20號同呂珮琳（Elsie）一齊主持叱咤903節目《Bad Girl佬》。首集嘉賓係呂爵安，並一齊唱同名主題曲《Bad Girl佬》。

《Bad Girl佬》喺5月30號^{[咩時候？]}進行我挑！戰！－IQ 測試。測試之中，阿正鍳定智商為125，而Elsie鍳定智商為116，兩人都屬於優秀級別。阿正喺宣布賽果後搞笑咁恥笑Elsie，自己似係Band 1 頭，而Elsie 似Band 1 尾。

• 《Bad Girl佬》
• 《韓曜日》
• 《阿正呀唔該》

• 《一位呀唔該》
• 《早！JUNIOR》
• 《早霸王》

• 《最好的時光》——同名廣播劇播放十周年 by 劇團「三角關係」於 2019 年 5 月 31 號首演；同年 6 月 8 號結束。連同特別加場總共十二場。角色度身訂造同現實一樣飾演返一位 DJ Maggie Cheung。

• 《加州女孩 LA Girls》——早於 2019 年中同呂珮琳 Elsie LUI 決定喺 YouTube 以 LA Girls 嘅名義聯合經營網絡頻道並喺 2020 年 4 月 9 號上載首條短片。曾經搵嚟 ViuTV 導演兼 Elsie 男朋友曹梓冲 Alfred CHO 以 low cost cover 嘅形式翻拍欣宜 @princejoyce MV ，更邀請 AnsonBean陳毅燊客串演出，喺 2021 年 4 月 16 號正式上載播放。更以「搞笑女團」身份參與香港綠色建築議會嘅「香港綠色建築周 2020」拍攝《綠建睇樓團》系列。
• 個人頻道《阿正 AhJeng 》

• 2023年：《大誠實家》 飾 Fancy

• 2019年：《全民造星II》星級評判團
• 2020年：《膠戰》主持
• 2021-2022年：《囝囝女女730》主持（第5-99集）、嘉賓（第195、239集）
• 2021年：《膠戰新春SP》 主持
• 2021年：《膠戰S2》 主持
• 2022年：《七福星》 第2集嘉賓
• 2022年：《MM730 - 粉絲福利署》主持
• 2022年：《GO！執！事務所》主持
• 2022年：《瘋火與膠七》 第11集嘉賓
• 2022年：《小食上大檯》第8集嘉賓
• 2022年：《膠戰SSP》 主持
• 2022年：《姊妹們的國際市場》 主持
• 2022年：《Dr.Any毛》 第3集嘉賓
• 2023年：《廚神奶奶是你媽》 主持
• 2023年：《膠戰S3》 主持
• 2023年：《正一廣東話》第2集嘉賓
• 2024年：《唔鹹唔淡香港指南》第10集嘉賓

• 2020年：《一秒拳王》飾演 酒吧闊太
• 2023年：《超神經械劫案下》飾演 阿楚
• 2023年：《陰目偵信》飾演 神婆
• 2023年：《全個世界都有電話》

• 阿正｜DJ主持｜商業電台881903.com
• 黃正宜嘅facebook頁
• 黃正宜嘅Instagram頁
• 好・正 Ah Jeng ・黃正宜 by 好𢯊 Gooddig HK
• 黃正宜 just do it 成就 dj 夢 by 新傳網
• 阿正專訪 by Career Times
• 一位呀唔該 by HK01
• 我要開咪 by recruit
• 「獨」到變 DJ ！ by cosmopolitan
• 享受一個人 DJ 阿正的大挑戰 by 明報
• 做個一個人的達人： DJ 阿正 by 好習慣
• 90 後癲喪麻甩痴女 DJ 阿正的背後 —「學懂抽離繁碌，發掘新創作給聽眾！」 by Top Beauty
• 一個人 練習 一個人 整理內在心房 by 香港青年協會 專業叢書統籌組 # 062