黃佛頤（粵拼：wong4 fat6 ji4；1886年—1946年），字慈博（ci4 bok3），號慈豀（ci4 kai1）、拜鵑道人^[1]（baai3 gyun1 dou6 jan4），香山縣人（而家廣東中山），民國初期嶺南文獻學者、收藏家^[2]，喺詩詞、文獻研究方面零舍標青^[3]。同黃祝蕖、黃任恆並稱「廣東三黃」。佢嘅藏書室叫「種福草堂」^[2]。

黃佛頤係宣統元年（1909年）拔貢第一。後來做過廣東通志局分纂、香山縣修志局分纂、廣州時敏中學校長、番禺輔群中學校長、國立廣東大學教授等。著作有《廣東宋元明經籍槧cim3本紀略》、《紹武實錄》、《廣州城坊志》、《廣東鄉土史》、《拜鵑草堂詩詞集》、《珠璣巷民族南遷記》、《邃軒駢體文鈔》等^[1][3]。