魯桂珍
魯桂珍(Lu Gwei-djen;1904年—1991年)係營養學家。佢亦專門研究中國科學科技史。
生平
[編輯]魯桂珍1904年出世,響金陵女子大學學生理學,之後去上海一間醫學研究所專攻生物化學。佢之後因仰慕李約瑟夫婦,唔要美國獎學金,1936年坐船去英國,轉去劍橋大學跟李約瑟夫婦。魯桂珍原定跟同李約瑟老婆李大斐研究肌肉,無耐佢就同李約瑟有戀情,就轉跟李約瑟。李大斐默認佢哋嘅關係,而魯桂珍亦自認係妾。
魯桂珍影響李約瑟十分之大,令佢下半生對中國有興趣,教佢唔少中國事物。
佢曾經響美國做研究。戰後亦曾供職於巴黎聯合國教科文組織秘書處。
佢半生都同李約瑟編《中國科學與文明》(《中國科學技術史》),係佢長期助手。
佢響李大斐死後兩年先同李約瑟結婚,但係無幾年就死埋。
Text is available under the CC BY-SA 4.0 license; additional terms may apply.
Images, videos and audio are available under their respective licenses.