駐港英軍（英文：British Forces Overseas Hong Kong）係大英帝國派駐到香港同負責香港防務嘅英國軍隊，由英國陸軍、皇家海軍同皇家空軍組成，自1841年香港開埠以嚟進駐香港，日本喺1941年12月發動太平洋戰爭後爆發嘅香港戰役係英軍駐港期間參與嘅最大規模戰鬥，喺二次大戰之後，駐港英軍除咗負擔香港邊境嘅防務之外，亦曾經喺1967年協助警方平息六七暴動，喺海上救援工作方面亦擔當重要角色^[1]，並經常支援邊界執法工作，包括堵截偷渡同走私等活動^[2]。1997年7月1號香港主權移交之後，駐港英軍喺香港超過一個半世紀嘅防衛任務至此結束，英軍全數撤離香港，中國人民解放軍駐香港部隊接管香港防務。