順利紀律部隊宿舍（起緊嗰時叫做利安道紀律部隊宿舍；英文：Shun Lee Disciplined Services Quarters）喺香港九龍四順利安道32號，由王歐陽建築師事務所設計，喺1997年開始起，用咗3年幾時間落成。呢間宿舍由基座商場──利安商場、停車場同7幢8座樓宇組織而成（第4座同第5座相連），包含約2,000個住宅單位，係香港政府宿舍中戶數最多嘅建築群；每座有37層，每層8個單位（A至H）。宿舍面向香港扶幼會盛德中心學校，利安道旁有順利消防局、順利邨公園、佐敦谷公園、聖道迦南書院（中文：基督教中國佈道會聖道迦南書院）同滙基書院（東九龍）（中文：滙基書院（東九龍））。

順利紀律部隊宿舍嘅前身係順利臨時房屋區西面大部份嘅地方，整座宿舍被利安道同新清水灣道所包圍。

附近有數間中小學及幼稚園

• 晶晶幼稚園(順利分校)（附設於商場內）
• 滙基書院（東九龍）（中文：滙基書院（東九龍））（利安里2號）
• 基督教中國佈道會聖道迦南書院（中文：基督教中國佈道會聖道迦南書院）（利安里6號）
• 順利天主教中學（順緻苑順緻街7號）
• 觀塘官立中學（中文：觀塘官立中學）（順緻苑順緻街9號）
• 中華基督教會基順學校（利恒樓側）
• 香港扶幼會盛德中心學校（利安里2號A）
• 保良局李筱參托兒中心（順利社區中心6樓）

• 佐敦谷公園
• 順利邨遊樂場
• 順利邨體育館
• 順利邨公園

• 天主敎（順利天主教中學內）

住戶可以用多條巴士同專線小巴路線，去香港各區；亦有4條巴士線喺返回順利邨或順天邨時，繞經宿舍外面嘅利安道，方便居民出入。宿舍本身有一定嘅人口需求，所以亦有一條54S專線小巴路線，由宿舍前往黃大仙睦鄰街（循環線），方便居民前往黃大仙同鑽石山一帶。宿舍亦提供大量停車位畀住客用。