選舉管理委員會（簡稱選管會，英文：Electoral Affairs Commission，縮寫EAC）喺1997年9月29號根據《選舉管理委員會條例》成立，係獨立、公正同非政治性組織，主要宗旨係確保喺任何時候，公共選舉都係喺公開、公平同誠實嘅情況之下進行。主要職責係檢討立法會同區議會嘅選區分界同提出建議，並就公共選舉嘅舉行同選民登記工作制訂規例、指引同有關安排。

選舉管理委員會共有一位主席同兩位委員，佢哋由香港特別行政區行政長官委任。

1. 考慮或檢討立法會地方選區同區議會選區的分界，而作出建議；
2. 進行同監管選舉，並規管選舉嘅程序；
3. 進行同監督選舉委員會嘅組成過程；
4. 監督選民登記同有關嘅推廣活動；
5. 向行政長官報告任何有關選舉同選舉委員會組成嘅過程事宜；
6. 採取適當嘅步驟以確保選舉係公開、誠實同公平噉進行。

• 選舉管理委員會嘅官方網站