薔薇，色一種，赤一種，西洋有近紫一邊，東洋又有淺紅一邊，色譜變化多樣。名取自薔薇花，亦有叫玫瑰，取自玫瑰花，又有人叫玫紅、玫瑰紅。色介乎赤同洋紫之間，亦有睇成粉紅一類。萬維網採用色值偏洋紫，日本標準訂色值就無咁偏。

花指邊種紅亦都好主觀，標準值不過參攷，有濃有淡，有深有淺，人人各異。色料廠家各有各訂，亦會各自細分，色名乜都有，例如晶薔薇咁^[1]。

英文稱為Rose，花名，然而英文祇不過籠統叫法，包含好多品種，唐字就分為薔薇、玫瑰同月季。學名薔薇屬。英文至早一三八二年以花名色^[2]。

日文薔薇色指好事同樂觀，幸福同歡樂，希望同光明，有薔薇色未來、薔薇色人生等叫法^[3]。相反悲觀就叫灰色。日本習慣薔薇色同灰色成對比。因而日本文學常用隻色，翻譯成唐文亦會用到。