葉子楣（Amy Yip，1966年7月10號—），原名葉蘇群，係香港電影演員，鹹濕片女星嘅代表，因為波大而有個朵叫「波霸」。佢喺香港出世，祖籍廣東台山，1985年出道，做亞洲電視藝員，拍過幾套劇，1988年加入嘉禾電影後開始拍三級片而開始出名，最出名作品係《玉蒲團之偷情寶鑑》。另外佢喺1991年亦喺無綫電視劇集《三八佳人》做其中一位女主角。

• 皆因葉子楣嘅名氣紅到臺灣，嗰度有啲賣珍珠奶茶嘅舖頭曾經將珍珠奶茶改名做「波霸奶茶」，更將個名傳到去北美洲。
• 植物大花紫薇個學名舊時叫「大葉紫薇」，1990年代後期就逐漸改叫大花紫薇，有香港傳媒引述傳聞，話改名嘅原因可能係唔想同葉子楣撞名。