茘枝角
Lai Chi Kok

荔枝角站1號月台
站名
中文名	茘枝角站
英文名	Lai Chi Kok Station
站代碼	LCK
基本資訊
車站色	橙紅色
途經路線	荃灣綫
站服務時間	0601-0121 尾班車時間
接駁交通	巴士、小巴
車站結構
站類	地底
月台類	1島式月台
月台數	2
出口數	4
升降機數	2
其它設施	其它無障礙設施
地圖

茘枝角站（粵拼：lai6 zi1 gok3 zaam6；英文：Lai Chi Kok Station）係港鐵荃灣綫嘅一個鐵路車站，位於九龍深水埗區長沙灣長沙灣道工商貿區地底，喺1982年5月17號啟用。車站設有2個月台。

荔枝角站雖然叫做「茘枝角」，但唔喺荔枝角，係喺長沙灣。車站用咗橙紅色做主要色調，喺車站出入口就用粉紅色做主調。

G 地面	-	出口、公共運輸交匯處
L1 大堂	大堂	客務中心、車站商店
		恒生銀行、自動售賣機、自動櫃員機
L2 月台		往中環
	島式月台，右邊嘅車門將會打開
		往荃灣

荔枝角站設有2個月台，各月台都裝有月台幕門。1號和2號月台係一個島式月台，起喺長沙灣道地底，處理荃灣綫往荃灣方向列車，和荃灣綫往中環方向。

荔枝角站屬於中型車站，荔枝角站位於工商貿區，平日有一定人流，所以前地鐵公司（家下港鐵公司）喺2007年開始進行車站翻新工程，更換車站內燈光系統同埋為車站商店、客務中心進行翻新，以及增建升降機等。

現時，荔枝角站內提供唔同類型嘅商店畀乘客買嘢，例如有7-Eleven便利店、麵包糕餅店、時裝店、外賣店、旅行社、恒生銀行等零售業及服務業，增加港鐵公司非車務收入同埋方便乘客買嘢。而車站現正進行翻新工程，包括更換大堂同月台嘅地板，係港鐵市區綫中唯一一個全車站更換地板嘅工程，而喺車站月台增加配電站工程亦即將完工。

此外，站內有唔少自助服務設施畀乘客享用，包括恒生銀行及中銀香港自動櫃員機、及自動售賣機等。車站內更設有香港郵政郵箱，方便乘客寄信。

荔枝角站設有4個車站出口，出口主要連接長沙灣工貿區同埋鄰近嘅住宅區，部份出口近住主要街道同公共運輸交匯處，方便乘客轉乘唔同交通工具。

• A - 長沙灣廣場
  • 億京廣場、億京廣場2、長沙灣廣場、恩福中心(恩福堂)、深水埗運動場
    • 設有失明人士引導徑往返地面
• B - 大南西街
  • B1 - 香港中心、青山道、長沙灣道、香港紗廠、九龍廣場、麗新商業中心、半島大廈、大南西街
  • B2 - 長沙灣道、利豐大廈、萬利中心
• C - 通州西街
  • 青山道、安泰大廈、香港工業中心、荔枝角懲教所、荔枝角收押所、潮流工貿中心、通州西街、通源工業大廈
    • 設有輪椅輔助車服務往返地面
• D - 荔枝角道
  • D1 - 長荔街

  • 

  • D2（只可以出站） - 長善街、D2 Place一及二期、美心集團中心、長沙灣警署

  • 

  • D3 - 昇悅居、昇悅商場、泓景臺、泓景匯商場、一號•西九龍、西九龍薈

  • 

    （呢個出入口喺昇悅居商場室內，比較特別嘅係個站牌只有『荔枝角站 Lai Chi Kok Station』字樣，但係就冇顯示港鐵標誌，全港得呢個出入口係噉）

  • 

  • D4 - 宇晴軒、宇晴匯、碧海藍天、海麗邨

  • 

• 九巴：
  • 2B - 竹園邨 ↔ 長沙灣
  • 2F - 慈雲山（北） ↔ 長沙灣
  • 30 - 荃威花園 ↔ 長沙灣
  • 72 - 太和 ↔ 長沙灣
  • 86C - 利安 ↔ 長沙灣
• 其他路線：2A、2X、6、6C、6D、6X、30X、31B、32、33A、35A、36A、36B、37、40、40A、41、42、42A、43C、44、45、46、52X、58X、59A、59X、60X、66X、67X、68X、69X、86、86A、98C、98S、214、234X、238X、240X、265B、270B、272E、272P、286C、286P、286X、X6C
• 城巴：
  • A20、E21、E21A、E21B、E21C、E21D、N21、N21A、NA20
• 新巴：
  • 795P、795X
• 過海隧道巴士：
  • 102、102P、171、171A、171P、904、905、905A、936、936A、970X、X970、N122、N171
• 專線小巴：
  • 44A - 海麗邨 ↺ 荔枝角站（八達通轉乘優惠）
  • 97A - 長沙灣 ↔ 華景山莊

荔枝角站啟用初期，由於車站設於長沙灣工貿區，因此平日時間（即星期一至星期五全日，星期六上午及下午）都有唔少乘客返放工同交收貨物，非常繁忙，而且茘枝角站係最近深水埗運動場嘅港鐵站，所以亦有唔少參加陸運會嘅學生使用。西九龍新填海區屋苑或屋邨（泓景臺、昇悅居、宇晴軒、海麗邨等）入伙，使部份居民利用車站搭港鐵前往市區。而且附近設有成衣批發嘅購物中心，加上新落成同起緊嘅新式商業大廈及酒店，都令荔枝角站人流不斷上升。

不過唔少路經此站嘅速遞員都鋌而走險，搬緊重物嗰陣用普通閘機，甚至推住手推車用扶手電梯，情況令人關注。

荔枝角站位於九龍西深水埗以北至美孚新邨以南一帶嘅一片嘅19世紀末填海土地上嘅北面。原本係一個長長嘅沙灘及海邊，故此地名叫長沙灣。

荔枝角站A出口原本喺長沙灣道行人道旁邊，當「長沙灣廣場」落成之後，該出口搬到建築物內，即係而家嘅位置。

荔枝角站計劃嗰時原名長沙灣站，但因當時長沙灣站用咗個名，最後先依該區西部嘅荔枝角改名荔枝角站。然而，嚴格嚟講，車站位置唔喺荔枝角，而係喺成個長沙灣西北面，而長沙灣廣場同深水埗運動場都係接近荔枝角站，唔近長沙灣站。因此，唔少市民誤以為荔枝角站喺荔枝角中心地帶而落錯車。另一方面，美孚新邨以東嘅山頭先係真正嘅荔枝角。因為咁，部份人誤以為呢個站一帶係荔枝角一部份。

另一方面，荔枝角站個「荔」字（下面係三個「力」字），喺站內範圍被寫成「茘」字（下面三個「刀」字）。有傳聞指係因為當時承辦興建地鐵工程嘅日本財團，製作車站名嘅字型時，未有留意到「荔」嘅中文漢字同日文漢字寫法唔同，所以用咗「茘」呢個日文漢字寫法。而另一種說法係指「茘」呢種寫法喺舊時先係正寫，例如喺《康熙字典》中查到，所以當時先用咗「茘」而唔係而家正寫「荔」。

月台	方向	列車班次（分鐘）						頭班車	尾班車
		平日上晝 繁忙時段	平日下晝 繁忙時段	星期六上晝 繁忙時段	星期六下晝 繁忙時段	星期六 非繁忙時段	平日非繁忙時段/ 星期日及公眾假期
	往荃灣	2.0		2.5		4-5.5	3.1-5.5	0624	0111
	往中環							0611	0041

• 港鐵公司－荔枝角站街道圖
• 港鐵公司－荔枝角站位置圖
• 港鐵公司－荔枝角站列車服務時間