荔枝
物種分類
域(Domain): 真核域 Eukarya 界 植物界 Plantae 門 被子植物門 Magnoliophyta 綱 雙子葉植物綱 Magnoliopsida 目 無患子目 Sapindales 科 無患子科 Sapindaceae 屬 荔枝屬 Litchi 種 荔枝 L. chinensis
二元學名
Litchi chinensis Sonn.

荔枝（粵拼：lai6 zi1；喺從化區或廣州北邊嘅鄉下地區係讀laai4 zi1；順德地區嗰邊讀laai6 zi1；學名：Litchi chinensis）；英文界入面嗌佢係「‘’‘lychee’‘’」；印度嗰邊嗌佢係列茨（lit6 ci4；印地文：लीची ）；佢係無患子科嘅常綠喬木。原產地喺中國，而家喺中國嘅廣東、廣西、海南、福建、四川同雲南嘅大概從北緯18度到北緯28度嘅地區都見到佢，甚至喺亞洲嘅越南、泰國等國都見到佢。而美洲嘅美國嘅佛羅尼達州同加州、墨西哥、澳洲嘅昆士蘭、印度、非洲嘅南非、馬達加斯加同西亞嘅以色列等國家係引咗荔枝入嚟種嘅。呢樖嘢既係長壽兼高產嘅果樹，又係俾人話成係「水果界嘅皇后」。佢重係全世界從古代到而家為止，係出嗮名嘅華南名貴水果。另外，中國係全世界入面種荔枝最早嘅國家^[1]，從佢開始種嗰時到而家為止有成2000幾年嘅種植歷史^[2]。佢同香蕉、菠蘿同橙一齊，話成係嶺南四大名果。

佢有大概20米到咁高，莖嗰度有好多灰色嘅分枝；而細枝係圓柱形，重有白嘅斑點仔同好少嘅軟毛響度。樹葉一般係偶數羽狀複葉出嚟，連葉柄長10～25 cm；細葉2～4對，有柄，佢嘅樣係披針形或好似圓形噉嘅長方針形。而顏色方面，上邊深綠有光澤，下邊粉綠。而佢一般喺春天嗰時開綠白色或淡黃色圓錐花序嘅細花仔。而夏天嗰時先至結果，佢啲果係波形或蛋形。而果皮方面，未熟嗰陣係青綠色，熟咗嗰陣係暗紅色，表面係龤澀澀，有啲嘢突咗出嚟噉。而啲核嘅出面俾既白肉又多汁重好甜嘅假核皮冚住，好易同核拆開。而核係橢圓形，咖啡色到紅黑色，有光澤。

• 掛綠：《廣東新語》話：掛綠「爽脆如梨，漿液不見，去殼懷之，三日不變。」，當中增城掛綠至矜貴。
• ‎桂味：有桂花味，肉爽而清甜。皮薄而脆。
• ‎糯米糍：肉厚，多汁，甜到似蜜糖。皮薄鮮紅。核細。
• 三月紅：最早熟一種，每年五月左右就有。
• 妃子笑：果皮青紅，大個，肉色有如白蠟，脆爽而清甜，果核細。
• 仙進奉：喺增城一條細村仔「基崗村」出產，相傳大清時已經係貢品，產量好少^[3]。
• 懷枝：又叫淮枝、禾枝、密葉、鳳花。各荔枝產區都有，從化種得最多。
• 黑葉：中熟種，果大、核大、果皮暗紅心形。味道特別。
• 白糖罌：又叫蜂糖罌，廣東西南部出，早熟，五月下旬熟。果皮薄而鮮紅，果核大，肉厚，爽脆而甜。
• 白臘：原本叫電白白蠟，廣東省茂名市嘅電白、高州出產，果肉白色似蠟嘅顏色，多汁清甜。六月上旬熟。
• 吉荔：台農四號「吉荔」農業試驗所鳳山分所研發嘅新品種。

荔枝嘅果係可以用嚟食。尤其佢嘅營養方面都好豐富吓，由於佢嘅色香味同個樣都比較靚，甚至俾人話咗係高級嘅滋補水果。另外，佢樖嘢嘅木喺廣東嗰邊俾人話係特級品種，佢重可以用嚟做木材都得。一般用喺整船、楣、柱同上等家具嗰範圍入面。而佢啲根重可以用嚟做藥都得。

荔枝嘅根可以用嚟做藥，有養血、消腫、開胃同埋健脾嘅功效。

喺廣州嘅街頭嗰度嘅地名（尤其係荔灣區），嗰度有好多地名都係圍繞「荔枝」嚟改名嘅。例如荔枝灣、荔灣路……講得巴閉啲就係2013年死咗嘅紅線女，佢喺在世嗰時唱嘅「賣荔枝」呢首歌喺廣東嘅粵劇界嗰度係出嗮名嘅。

喺古代嗰時有好多成日讚荔枝嘅詩：

• 日啖荔枝三百顆，不辭長作嶺南人。　　——　　（宋）蘇軾《惠州一絕》
• 荔枝生巴峽間，樹形團團如帷盖。　　——　　（唐）白居易《荔枝圖序》
• 一騎紅塵妃子笑，無人知是荔枝來。　　——　　（唐）杜牧《過華清宮三絕》
• 曾向忠州畫裡描，胭脂淡掃醉容消。　　——　　（明）徐勃《咏荔枝膜》

• 喺廣東嘅珠三角地區成日流行嘅一句俗語同荔枝有關嘅，就係「一把荔枝三把火」，代表荔枝性質燥熱。不過有人認為呢句係蘇東坡「日啖荔枝三百顆」嘅誤傳。
• 有句俗語叫「沙蟬叫，荔枝熟」，代表當聽到沙蟬嘅叫聲嗰陣，荔枝已經當造。

白居易《荔枝圖序》話：「如離本枝，一日色變，二日香變，三日味變，四五日外色香味盡去矣。」

• 番鬼荔枝

• 中国少年儿童百科全书 自然·环境 第410页　浙江教育出版社 ISBN·7-5338-1946-2/G·1942
• Boning, Charles R. (2006). "Lychee". Florida's Best Fruiting Plants: Native and Exotic Trees, Shrubs, and Vines. Sarasota, Florida: Pineapple Press, Inc. pp. 130–133.
• Hui, Y. H. (2008). "Lychee". Handbook of Fruits and Fruit Processing. New Delhi: Wiley India. pp. 606–611. ISBN 978-81-265-1788-6.
• Kadam, S. S.; S. S. Deshpande (1995). "Lychee". In D. K. Salunkhe and S. S. Kadam. Handbook of fruit science and technology: production, composition, storage, and processing. New York: M. Dekker. pp. 435–443. ISBN 978-0-8247-9643-3.
• Rosengarten, Frederic (2004). "Litchi 'Nuts'". The book of edible nuts. New York: Dover Publications. pp. 299–300. ISBN 978-0-486-43499-5.
• Boning, Charles R. (2006). "Lychee". Florida's Best Fruiting Plants: Native and Exotic Trees, Shrubs, and Vines. Sarasota, Florida: Pineapple Press, Inc. pp. 130–133.
• Hui, Y. H. (2008). "Lychee". Handbook of Fruits and Fruit Processing. New Delhi: Wiley India. pp. 606–611. ISBN 978-81-265-1788-6. ((cite book)): Unknown parameter |chapterurl= ignored (|chapter-url= suggested) (help)
• Kadam, S. S.; S. S. Deshpande (1995). "Lychee". Handbook of fruit science and technology: production, composition, storage, and processing. New York: M. Dekker. pp. 435–443. ISBN 978-0-8247-9643-3. ((cite book)): Unknown parameter |chapterurl= ignored (|chapter-url= suggested) (help); Unknown parameter |editors= ignored (|editor= suggested) (help)
• Rosengarten, Frederic (2004). "Litchi 'Nuts'". The book of edible nuts. New York: Dover Publications. pp. 299–300. ISBN 978-0-486-43499-5. ((cite book)): Unknown parameter |chapterurl= ignored (|chapter-url= suggested) (help)

維基同享有多媒體嘅嘢：
荔枝

• 荔枝, Lizhi 藥用植物圖像數據庫 (香港浸會大學中醫藥學院) （繁體中文）
• 荔枝的功效与作用 夏季提神健脑必备佳品 三九养生堂