芳村碼頭（粵拼：fong1 cyun1 maa5 tau4）係廣州一個客運碼頭，喺荔灣區芳村嘅白鵝潭風情酒吧街嗰邊。對面可以睇到白天鵝賓館、粵海關同南方大廈。呢度有過江渡輪可以去到大坦沙、黃沙同南方大廈、天字碼頭、大元帥府、中大北門、廣州塔、海心沙亞運公園嗰邊。呢條碼頭好多時畀芳村住嘅人嚟過河到荔灣、越秀、海珠、天河用。其中，珠江夜游啲船都喺呢度開始行。