股市gu2 si5（stock market / equity market / share market）全名叫股票市場，係指股票嘅買家同賣家嘅總和。

股票市場源自啲人買賣股票：喺一個有咁上下健康嘅經濟體當中，啲人應該會想做生產，滿足啲人嘅慾望；不過要搞生意做生產，好多時都要使好多錢－生產者要買物資用嚟做生產^{[註 1]}，又要請人幫手做嘢... 呀噉；喺廿一世紀初嘅世界，有志創業嘅人可以同自己嘅公司做招股上市，即係向股市嘅投資者公開噉賣自己間公司嘅股票；揸住啲股票嘅人算係間公司嘅擁有者，間公司賺到錢佢哋可以有份分，所以成件事對買賣雙方嚟講都可以好著數^[2]－

• 對賣家嚟講，賣到自己啲股票，佢就可以籌集到資金做生意；
• 對買家嚟講，（假設佢眼光夠好）買到「第時價值會勁升」嘅公司嘅股票，佢將來就有可能會賺到好多錢；

而响廿一世紀初嘅世界，股市仲會涉及埋好多買家同賣家以外嘅人，包括咗－

• 股市會涉及理財計劃師等嘅工作人員，呢啲人員會向買賣雙方提供好多服務，簡單例子有「提供有關股價同市場趨勢嘅資訊」；
• 政府人員又會介入股市嘅事務－由政府嘅角度睇，一個經濟體要增長，就需要啲人有返咁上下意慾做投資，啲人買股票等嘅金融產品，啲企業就能夠攞到資金嚟擴充業務，達致「開創工作機會」等嘅效果；因此，政府有強烈誘因想調節股市入面發生緊乜事，會定立同實行法律，嚴懲（例如）「報假消息嚟引投資者買某隻股」嘅人^[3]。

喺廿一世紀初嘅世界，股票係最受歡迎嘅投資方式之一：有報告指，買賣股票係成為百萬富翁其中一種最常見嘅方法^{[註 2][4]}；好多人都會揸住啲股票，等自己嘅儲蓄可以越轆越大，而市面上仲有 apps 專門設計嚟畀人買賣股票，提供埋「畀人用虛擬嘅錢練習買賣」等嘅功能^[5]。响 2020 年尾，全球公開噉畀人買賣嘅證券嘅市值，據估計有成大約 93.7 T 美金－當中 1 T = 10¹²－咁多^[6]。

• 債券市場
• Forex

維基同享有多媒體嘅嘢：
Stock exchange

• What Is the Stock Market, What Does It Do, and How Does It Work?. Investopedia.

睇 傾 改 錢同投資
專研究點樣打理錢同投資嘅商學，就係金融學
主要領域	財務同投資管理 技術分析 金融經濟 數理金融（統計金融） 運算金融 行為金融 實驗金融 金融工程 Fintech 量子金融
金 融 市 場	機構 交易所（證券交易所）同櫃檯買賣 證券投資基金同私人股權投資 金融中心（離岸） 內幕交易 孖展 流通度 波動性 市場類型 股票市場同債券市場 金融衍生市場 商品市場 外匯市場（匯率） 貨幣市場 現貨市場 黃金市場（金幣同金條） 金融工具 現金 股票債券 貸款 存款（定期） 衍生（期貨 · 期權 · 認股證） 信貸違約掉期 證券（資產抵押） 樓宇按揭 投資者 投資組合 信用（評分 · 額度 · 信用狀） 旁置成本 機構投資者同股東 零沽 投機 情緒同恐慌性拋售 心理賬戶 市場理論 效率市場假說 隨機漫步假說 市場趨勢 金融風險 金融危機（經濟泡沫同股災） 基本分析 投資策略（對沖）
公司理財	會計學 核數 資本預算 財務報表 金融風險管理 收購（槓桿收購 · 併購） 冒險資本 利得稅（避稅港） 信貸評級機構
個人理財	債 僱傭合同 理財計劃（保險 · 供樓 · 退休金 · 助學貸款） 多角投資 破產
公共財政	貨幣政策 收入再分配 轉移支付 稅 政府預算（公債）
銀行	中央銀行 存款戶口 貸款 部份準備金同全部準備金 貨幣供應（銀根） 銀行監管（銀行牌）
相關領域	經濟學 會計學 金融法 數據科學 管理學 市場學 運籌學（對抗分析） 精算學 資訊系統
拉雜相關	財務 保值、升值同貶值 信用咭同扣賬咭 貴金屬 數碼貨幣（Crypto） 財經新聞 股神巴菲特 二叔公 經濟學史 機械學習
金融學類