座標: [http:https://geohack.toolforge.org/geohack.php?pagename=%E8%81%9A%E6%98%9F%E6%A8%93&params=22_26_56.01_N_114_00_22.36_E_type:landmark 北緯22°26′56.01″東經114°00′22.36″]

聚星樓，又叫魁星塔、文昌閣，當地叫文塔，係香港一塔。佢喺屏山上璋圍北面，係香港屏山鄧氏聚居嘅風水塔。

屏山鄧氏族譜有話，聚星樓係由屏山鄧族七世祖，寧國府正堂鄧彥通起嘅，過600年，佢係香港現存最舊嘅古塔，係屏山文物徑重點古蹟之一。聚星樓喺2001年12月14號列做香港法定古蹟。

據鄧族父老相傳，當地立村嗰時，風水先生指當地依山環水，肯定子孫繁衍而千年不衰。但不足之處係……

1. 青山尖而高大，旺火為忌，宜多水而濟之；
2. 而西北缺口，北煞傷人，第時鄧族文官升堂，自有擋煞之法。但至於乜嘢叫「文官升堂」，當時風水先生淨係答：「天機不可盡泄」。

明朝洪武十五年（1382年），屏山鄧族第七世祖寧國府正堂鄧彥通受封，喺上任升堂嘅第一晚，佢夢見鄉下西北角上空星光燦爛，但群星突然落下，聚集喺西北嘅河口。鄧彥通夢中驚醒，並諗起立村時風水師傅講嘅嘢，回顧始祖去到佢雖然已經七代，但總共只得12個男丁，而其中有4個早死。鄧彥通內心不安，於是請風水師傅謀求擋煞之法。師傅說：「貴村之立村先師果然學問不凡。大人升堂而群星來會，應建樓以聚之，借助於眾星，自有雷霆萬鈞之威而北煞服焉。苟有文筆而無掌筆之才，不為用也！」鄧彥通恍惚大悟，於是喺度建立咗七級浮屠（即佛榙），恭奉文武諸神，擋北煞，鎮水災。果然，鄧彥通以後嘅七代人，生咗22個男丁，當中10個另起圍村，有幾個做咗壽官，有兩個起咗二公祠，有啲有成八、九十歲命，鄧氏家族喺屏山嘅男丁有1,500幾人。鄧氏喺明清兩代人材輩出，每每可以喺科舉金榜提名，士人同做官嘅不計其數，族人相信係呢座塔恭奉嘅文曲星庇佑，故此族人又叫呢座塔做「文塔」。

聚星樓原高7層，但後來因風雨侵蝕，上面4層已經俾風災整冧咗，只剩低現時嘅3層。聚星樓呈六角形，建基於一矮台之上，主要以青磚以及麻石砌成。3層嘅聚星樓約莫高13公尺，最上層供奉主宰文運、掌管功名嘅魁星。聚星樓每層都有吉祥題字，由上層而下分別係「凌漢」、「聚星樓」同埋「光射斗垣」。

• 
  聚星樓底層 光射斗垣
• 
  聚星樓中層 聚星樓
• 
  聚星樓頂層 凌漢
• 
  聚星樓底層 內貌
• 
  聚星樓外觀（背面）

• 每日上晝9點至下晝1點；下晝2點至5點。
• 逢星期二、聖誕日、聖誕翌日、元旦日及農曆年初一至初三休息。

• 屏山 (香港)
• 屏山文物徑
• 元朗區

• 屏山文塔聚星樓
• 屏山文物徑及聚星樓
• 屏山古塔點解叫「聚星樓」
• 元朗屏山文物徑聚星樓
• 古物古蹟辦事處 — 文定古蹟：聚星樓