民眾對中共中央總書記習近平嘅負面稱呼有總加速師、小熊維尼（習維尼）^[1]、習包子、熊市維尼、慶豐帝、小學生、後昭和天皇、崇禎帝^[2]、不換肩、扛麥郎、寬衣帝、習一尊、習禁評^[3]、袁二^[4]等。

2013年5月4號發行嘅《經濟學人》雜誌曾經以穿著龍袍、手持香檳嘅習近平作為封面^[5]，又喺內文講習近平表現出嘅民族主義情緒好似1793年乾隆皇帝唔肯接見英國使節馬戛爾尼嗰陣所流露出嘅自大，但當時《南華早報》嘅經濟新聞編輯陳澍認為呢篇文係反對習近平提出嘅「中國夢」。

喺2018年3月嘅第十三屆全國人民代表大會第一次會議，《中華人民共和國憲法》被修改，始於鄧小平時代嘅幹部領導職務任期限制被廢除，美國記者托馬斯·弗里德曼之後喺《紐約時報》撰寫社論，話世界進入一個威權政體嘅領袖開始謀求絕對權力嘅時代^[6]。

一啲媒體同批評者會用「習特勒」（Xitler）將習近平比喻做前納粹黨領袖希特拉。2016年，一個叫權平嘅朝鮮族男人話計劃著住寫有「Xitler」嘅T恤上街^[7]，之後被秘密拘捕。喺反修例運動期間，一啲塗鴉同標語用Xitler形容習近平^[8][9][8]。2020年8月1號，一段題為「Xi-Tler? Xi Jinping Emulating Adolf Hitler!」嘅7分鐘影片喺印度網站Strat News Global出現，影片比較咗習近平同希特拉嘅一啲共通點，之後Strat News Global嘅創辦人Nitin Gokhale話收到中國駐印度大使館嘅電話，要求刪除影片^[10][11][12]。

根據官方資料，習近平嘅學歷係清華大學化工系本科、清華大學馬克思主義理論與思想政治教育專業法學博士（在職研究生）^[13]，但係毛澤東前秘書、前中央組織部副部長李銳認為習近平真實水平只有小學程度^[14][15]。自由亞洲電台等媒體同部分中國異見人士認為習近平攞到嘅清華大學化工系本科同清華大學馬克思主義理論與思想政治教育專業法學博士學位存有爭議^[16][17][18]。唔少中文批評習近平嘅輿論用「小學博士」去稱呼習近平^[19]。

中國中央電視台紀錄片《習總書記的初心》第一集梁家河篇入面有習近平喺2003年11月做緊中共浙江省委書記嗰時，接受央視專訪嘅片段。習喺片入面回憶：「下雨刮風在窯洞裡鍘草，晚上跟著看牲口，還要去放羊，什麼活都干，到後來扛200斤麥子，十裡山路不換肩。」由於習嘅講法有違常理，引起《蘋果日報》^[20]同美國之音^[21]等媒體質疑。

2018年3月20號，習近平喺第十三屆全國人民代表大會第一次會議閉幕式發表講話嗰陣，將西藏史詩《格薩爾王》讀錯成「薩格爾王」^[22]。新華社之後對習近平講話影片入面嘅錯誤進行修補^[23]。新浪微博亦即刻對習近平讀錯格薩爾王名稱嘅消息、評論等展開審查，當時有一段時間喺百度搵唔到「格薩爾王」同「薩格爾王」呢兩個詞語^[24]。

2020年，牆國蛙蛤蛤喺YouTube上將《小白楊》改編成諷刺佢老婆彭麗媛外遇嘅同名歌曲《薩格爾王》。^[25]

2016年9月4號，習近平喺2016年二十國集團杭州峰會（G20峰會）開幕演講嗰陣，將先秦史籍《國語·晉語四》入面嘅一句「輕關易道，通商寬農」，讀錯做「通商寬衣」。呢一句話本身嘅意思係減少關稅，整飭交通；促進貿易，寬以待農^[26]。之後，中共中央宣傳部喺網路上刪除屏蔽「通商寬農」呢個成語：微博、微信公眾號、博客、論壇、貼吧等互動平台，即刻對「通商寬農」同埋相關事件內容屏蔽，攔截，嚴格刪除有關評論、圖片、影片同相關信息。要求各個網站24個鐘全天候監控兼手動清理領導人G20講話「通商寬農」口誤相關內容，唔好喺網站後台用關鍵詞屏蔽方式，每兩個鐘向上級反映一次最新嘅情況匯報^[27]。新華社等官方網站上雖然有習近平演講嘅文稿，但已經將佢音頻入面句「輕關易道，通商寬農」一句刪除^[28]。

因為迪士尼卡通角色小熊維尼同習近平外表體態相似^[29]，網上出現大量相關創作。自2017年7月起，小熊維尼畀新浪微博短暫列為違禁詞^{[30][31][32][33]}。由於呢件事引起全球媒體關注，所以喺7月18號，「小熊維尼」從違禁詞列表刪除^[34]。

喺2018年2月，中國共產黨中央委員會宣布建議修憲廢除領導人任期限制之後，小熊維尼擁抱蜜罐圖片又重新被禁，兼且將小熊維尼重新納入違禁詞^[35][36]。同年，美國製作嘅合家歡電影《維尼與我》亦被禁止喺中國大陸上畫。

2019年10月2號播出嘅《衰仔樂園》《Band in China》一集^[37]，亦因為攞習近平個樣似小熊維尼嚟諷刺，成套動畫被封殺^[38]。

中國政府對小熊維尼嘅封殺，亦令小熊維尼成為咗一啲唔支持中共嘅人，惡搞同二次創作嘅對象。例如，高登音樂台喺2019年，就將李克勤嘅歌《紅日》改編做《習大大佢堅似維尼》，批評中國喺人權法制政制嘅問題，仲提到孟晚舟事件，推出咗一年來有近過百萬點擊率^[39][40]。

呢個稱呼喺一啲外國媒體都有被使用，當中包括澳洲惡搞媒體The Juice Media^[41]同埋台灣惡搞媒體眼球中央電視台^[42]。

2013年12月28號，習近平到北京月壇北街慶豐包子鋪食包。呢個舉動體現咗習近平親民嘅形像，亦有新聞媒體表示，呢件事係經過精心策劃嘅表演。例如包鋪門口嘅停車收費員早就被告知中午需要保留停車位^[43]。

部分媒體會用諷刺嘅口吻用綽號「習包子」指稱習近平^[44][45]。基於同樣原因，習近平重有「慶豐帝」呢一個綽號。2016年，一位名叫權平嘅朝鮮族男人著住寫有「習包子」同「大撒幣」嘅白色T恤返工，又影相上傳到Twitter。後來被秘密拘捕，控告煽動顛覆國家政權。^[46][47]

2020年開始，社交網站Twitter出現「#總加速師」嘅主題標籤，迅速成為網絡熱門詞，係對應被叫做「改革開放同現代化建設總設計師」嘅中共前領導人鄧小平。^[48]暗喻習近平上台之後實行專制獨裁統治，結果係「將中國帶向強大同美國分庭抗禮」或者「加速中國共產黨嘅崩潰，又將中國帶去深不見底嘅深淵」。^[49]

源自微博，含義係「翠」字嘅拆解：「习卒」或「习二卒」。隨著網友對「翠」嘅討論熱度持續上升，甚至微博重出現咗「每日祈翠超話」，引起管理員注意^[50]。之後相關信息被「和諧」，唔少網友因為轉發或者參與咗相關話題嘅討論而畀人封殺帳號。^[51][52]「翠」字本身未列入搜索禁詞，而係將搜索結果進行咗精細化刪除處理，目前只可以顯示包含呢個字嘅人名同地名。

日本手機遊戲《偶像夢幻祭2》2021年2月21號喺官方微博發布活動信息嗰陣，將游戲角色「高峯翠」原本嘅漢字「翠」隱去，用日文羅馬字代替。當時主辦方重特別強調係由於特殊原因，暫時用羅馬音代替，請各位制作人理解同友好交流，唔好討論過多無關嘅事情。^[53][54]

• 對習近平嘅爭議

睇 傾 改 習近平
人事關係	習李體制 李克強 嫡系幹將 栗戰書 趙洪祝 劉鶴 陳希 主要智囊 王滬寧 劉鶴 何毅亭 中央國安委 孟建柱 主要秘書 丁薛祥 鍾紹軍 之江新軍 黃坤明 夏寶龍 李強 巴音朝魯 陳敏爾 蔡奇 舒國增 樓陽生 應勇 陳德榮 劉奇
觀點、理論同主張	習近平總書記系列重要講話精神 上海城市精神（後兩句） 「四個全面」戰略布局 全面建成小康社會 全面深化改革 中央深改組 軍隊改革 軍委深改組 軍委聯指 全面依法治國 國家監察委 全面從嚴治黨 王岐山 中央巡視組 八項規定 中國夢 中華民族偉大復興 兩個一百年 三個自信 八個必須 四個意識 習近平政治經濟學 上海自貿區、一帶一路 兩個不能否定 網絡主權 黨媒姓黨 任志強事件 擼起袖子加油干
主要會議同會面	中共主要會議 十八大 十八屆中央 一中 當選總書記 習李體制 二中 三中 全面深化改革 四中 五中 六中全會 領導核心 十九大 十九屆中央 其他會議同講話 2012年南巡 2013年八一九講話 2013–2015年習連會 2015年習朱會 2015年習馬會 2016年習洪會
國內其他活動	個人崇拜 2009年足壇反腐 2013年吃包子 2014年北京APEC峰會 2015年閱兵 2015年世界互聯網大會 2016年G20杭州峰會 2017年八一閱兵 2017年金磚國家峰會
外訪活動	習近平外事訪問一覽 習近平訪港(2022年) 2015年訪巴基斯坦 2015年訪美 2015年訪英 2015年訪問越南、新加坡 習特會
國際舉措	一帶一路 亞洲基礎設施投資銀行 與日本交叉控制釣魚島 南沙填海造島
本人著作	《擺脫貧困》 《習近平總書記系列重要講話讀本》 《習近平談治國理政》 《之江新語》 《知之深愛之初》 《志成學子之歌》
相關作品	《習總書記的初心》 《習仲勲》 《梁家河》 《領導人是怎樣煉成的》 《習大大愛着彭麻麻》 《不知該怎麼稱呼你》 《習子規》
辱包文化	負面稱呼 乳透社 《秦城歡迎你》
其他相關	中南海習近平辦公室 巴拿馬文件 鄧家貴 要求習近平辭任總書記公開信事件 無界傳媒 無界新聞 習氏狼條脊甲 習近平的個人崇拜