納粹德國（粵拼：naap6 seoi6 dak1 gwok3，德文：Nazi-Deutschland），國號德意志帝國（粵拼：dak1 ji3 zi3 dai3 gwok3，德文：Deutsches Reich），又叫大德意志帝國（德文：Großdeutsches Reich）或者第三帝國（粵拼：dai6 saam1 dai3 gwok3，德文：Drittes Reich），係指1933年1月30號到1945年5月8號響希特拉嘅納粹主義集權統治下嘅德國。

「第三帝國」一詞源於意大利末世神學家、佛羅倫薩教派創始人尤阿興姆‧菲奧雷斯（Joachim von Fiores）同其他中古世紀神學家對聖經嘅文解釋，最初意義係指「聖父之國」（Reich des Vaters）、「聖子之國」（Reich des Sohnes）之後嘅「聖靈之國」（Reich des heiligen Geistes），即係上帝拯救世界後，完美、無盡止、由聖父、聖子、聖靈統治、以基督為王嘅第三階段神國（Reich）。

到咗近代，「第三帝國」嘅概念已經脫離咗神學領域，而被運用響浪漫主義文學甚至保守政治革命裏面。1923年阿圖·莫勒·凡登布魯克（Arthur Moeller van den Bruck）響「第三帝國」一書裏面主張創建一個取代威瑪共和國、同時響傳統上同神聖羅馬帝國（第一帝國）同埋由普魯士主導建立嘅德意志帝國（第二帝國）一脈相承嘅新國家。呢個概念喺威瑪共和國時代俾反民主份子同激進右派團體（包括納粹）廣為引用。

根據一本由一位保守派作家亞瑟（Arthur Moeller van den Bruck）寫嘅書，神聖羅馬帝國係第一帝國，1871-1918 普魯士帝國係第二帝國。亞瑟認為威瑪共和國喺1919年失敗後，德國人要為德國攞番榮耀，建立「第三帝國」。

• 威瑪共和國（包括令希特拉喺1933年俾人任命為德國總理嘅事件）
• 一體化（納粹建立獨裁嘅合法手段）
• 納粹德國種族政策（歧視政策嘅歷史）
• 第二次世界大戰（軍事事件為中心）

第一次世界大戰嘅巨額賠款搞到威瑪共和國嘅民主共和政府負擔唔到，之後遭遇嘅經濟大蕭條同未能解決失業、其他社會問題（好似左派及士兵工人嘅暴動），搞到好多德國人轉軚支持右翼，希特拉嘅納粹黨就係屬極右翼嘅其中一支。希特拉承諾減少失業人口及對經濟、文化和軍事進行改革。1933年1月30號，威瑪共和國第二任總統保羅·馮·興登堡任命希特拉做德國總理。

响1933年2月27號，國會縱火案之後，希特拉話係國會嘅第二大黨共產黨（納粹黨嘅主要政敵）做嘅好事，捉咗共產黨領袖，動員衝鋒隊將全國所有共產黨黨部佔領，重唔畀共產黨員參加3月初嘅國會選舉，納粹黨贏咗44%嘅席位，聯合國家人民黨之後又通過脅迫或賄賂嘅手段，強行通過《授權法》，淨係社會民主黨未贊同，係為德國踏入極權主義嘅第一步，最終利用《授權法》取締所有非納粹政黨。

1933年9月1號，希特勒响紐倫堡召開嘅納粹黨代表大會上第一次用「第三帝國」嚟指稱佢所統治下、「國祚千年」嘅德國。

1934年8月2號，保羅·馮·興登堡死咗之後，希特拉順理成章控制德國，廢咗總統制，做咗德國元首，重派咗100,000名間諜，監察國內嘅評論家同異見者。

1939年7月10號，宣傳部長戈培爾正式宣佈棄用「第三帝國」呢個稱呼，以「大德意志帝國」（Großdeutsches Reich）取代。

希特拉之後奪取立法權，一一鏟除反對勢力，再成立第三帝國。

當時，德國總體經濟因為納粹黨嘅戰爭經濟計畫的而且確得到改善，人民嘅生活水平又大幅提高。但係好多黨外政治對手、尤其係共產主義者同一啲社會主義者，俾人送咗去集中營，據估計，响納粹最初統治嘅時期，就有成千上萬政治受害者死咗或者失咗蹤。

响二戰，德國同蘇聯佔領咗波蘭，之後德軍佔領咗丹麥同挪威、比利時、荷蘭同法國，半個歐洲都喺德國控制下，跟住同佢嘅軸心國盟友肢解咗南斯拉夫同佔領希臘，1941年6月希特拉同蘇聯開戰，一開始好順利，但係因為天氣惡劣俾蘇聯反攻返。二戰末期，1944年盟軍登陸法國，1945年蘇聯攻佔咗柏林，希特拉喺柏林地堡自殺，根據希特拉遺囑，北部戰區司令鄧尼茨海軍元帥做總統，宣傳部長戈培爾做總理。但係戈培爾响希特拉自殺身亡後又去自殺，好快鄧尼茨向盟軍投降，「第三帝國」時代終結。

國家社會主義一般又叫做納粹主義，「納粹」（Nazi）係德文「國家社會主義者」（Nationalsozialist）嘅簡稱，原意係國家社會主義德國工人黨（Nationalsozialistische Deutsche Arbeiterpartei，NSDAP，簡稱納粹黨）嘅黨員同擁護者。今日响歐洲（特別係响德國）就多數指一般極右法西斯主義者。

納粹德國（阿道夫·希特拉）同軍國主義嘅日本（昭和天皇裕仁）一齊同法西斯主義嘅意大利（墨索里尼）組成柏林-羅馬-東京軸心同盟集團，係第二次世界大戰爆發嘅策動者。

經濟大蕭條嗰陣，失業人口激增，失業率高達40%，亞爾馬·沙赫特（Hjalmar Schacht）領導嗰陣，起草咗一項新經濟政策。因於當時工會係共產主義者同共產黨容易控制嘅地帶，再同納粹黨嘅反共意識形態，新經濟政策嘅其中一項立即廢除工會同實施嚴密嘅薪水控制。

希特勒另一方面又重新起軍及進行大型工程（高速公路就係嗰時發明嘅），短時間內，失業人口由六百萬大幅下降到二百萬。

納粹政權嘅特點係政治上控制社會嘅一切方面——（一體化，Gleichschaltung），以追求種族（雅利安人，北歐白種人）、社會同文化嘅「純淨」。納粹黨通過迫害佢哋認定係唔純淨嘅嘢來達到目的，特別針對少數人群好似猶太人、吉卜賽人、同性戀者嘅政治敵人（睇德國抵抗運動）。

呢種迫害响政權嘅最後幾年達到高峰。大約六百萬猶太人、一千萬斯拉夫人同各種各樣嘅其他人俾人有組織咁殺害。呢種種族滅絕嘅罪行英文叫Holocaust（意思係「大屠殺」），希伯來語叫做Shoah，納粹委婉咁响德文叫佢做「最終解決方案」（Endlösung，平時講殺死猶太人叫做「最終解決」）。

納粹黨組織咗一個混雜各種職能嘅「精英組織」——黨衛隊（Schutzstaffel，縮寫SS，標誌係兩個閃電形嘅字母S），其中包括準宗教職能、情報機構職能、準警察職能同一支武裝力量（稱作「武裝黨衛隊」）等。呢支部隊原本由經過嚴格挑選有雅利安血統嘅人組成（但後期隨住局勢惡化而成分混雜），號稱納粹武裝力量中嘅精英，喺戰爭後期成日做戰場消防員嘅角色。

早响1935年希特拉撕爛凡爾賽條約之前，納粹德國就以軍國主義政策擴軍，重建一次大戰戰敗後嘅德國軍事力量。除咗陸海空三軍外，重有武裝黨衛軍呢啲軍事力量。1939年9月，希特拉對波蘭宣戰，以閃電戰迅速打敗波蘭而且同蘇聯一齊瓜分咗佢嘅領土，挑起咗第二次世界大戰。據估計，自1935年至1945年嘅德國士兵，大約有1820萬人，其中530萬人陣亡。除咗正規軍之外，納粹德國重有幾個秘密警察組織，响全國進行監視；另外重有黨衛隊和衝鋒隊，都係佢軍事力量嘅來源之一。

國防軍最高統帥部（Oberkommando der Wehrmacht，OKW）

• 國防軍陸軍總司令部
• 海軍總司令部（Oberkommando der Marine，OKM）
• 空軍總司令部（Oberkommando der Luftwaffe，OKL）
  • 陸軍（Heer）
  • 空軍（Luftwaffe）
  • 海軍（Kriegsmarine）

• 武裝黨衛軍

• 衝鋒隊
• 黨衛隊

• 政治警察部門（帝國中央安全局，Reichssicherheitshauptamt，RSHA）
  • 安全警察（Sicherheitspolizei，Sipo）
    • 秘密國家警察（Geheime Staatspolizei，Gestapo）
    • 刑事警察（Kriminalpolizei，Kripo）
  • 帝國保安部（Sicherheitsdienst des Reichsführer der SS，SD）
• 一般警察部門
• 秩序警察（Ordnungspolizei，Orpo）
  • 保安警察（Schutzpolizei）
  • 農村警察（Gendarmerie）
  • 地方警察（Gemeindepolizei）