盧卡斯·巴列奧斯
 巴列奧斯 | |||
| 個人資料 | |||
|---|---|---|---|
| 全名 | Lucas Ramón Barrios Cáceres | ||
| 花名 | 豹（La Pantera） | ||
| 生日 | 1984年11月13號 | ||
| 出生地 | 阿根廷聖費蘭多 | ||
| 身高 | 1.88米（6呎2吋） | ||
| 位置 | 前鋒 | ||
| 球會資料 | |||
| 而家效力 | 甘拿斯亞 | ||
| 波衫號碼 | 18 | ||
| 效力過嘅球會 | |||
| 年 | 球會 | 上陣 | （入波） |
| 2003–2004 | 小阿根廷人 | 17 | （5 ） |
| 2004 | → 迪基 | 16 | （0 ） |
| 2005 | 特木高 | 28 | （12 ） |
| 2006 | 迪羅聯邦 | 12 | （1 ） |
| 2006–2007 | 哥巴羅亞 | 39 | （26 ） |
| 2007 | 阿迪拿斯 | 14 | （1 ） |
| 2008–2009 | 高路高路 | 53 | （49 ） |
| 2009–2012 | 多蒙特 | 83 | （39 ） |
| 2012–2013 | 廣州恆大 | 17 | （5 ） |
| 2013–2015 | 莫斯科斯巴達 | 16 | （2 ） |
| 2014–2015 | → 蒙彼利埃（外借） | 33 | （11 ） |
| 2015–2017 | 彭美拉斯 | 22 | （6 ） |
| 2017 | 甘美奧 | 17 | （4 ） |
| 2018 | 小阿根廷人 | 12 | （4 ） |
| 2018 | 高路高路 | 18 | （4 ） |
| 2019 | 颶風隊 | 23 | （4 ） |
| 2020– | 甘拿斯亞 | 2 | （0 ） |
| 代表隊 | |||
| 年 | 代表隊 | 上陣 | （入波） |
| 2010– | 巴拉圭 | 34 | （10 ） |
盧卡斯·拿芒·巴列奧斯·卡些利斯（西班牙文：Lucas Ramón Barrios Cáceres，1984年11月13號—）係喺阿根廷出世嘅巴拉圭足球員，踢前鋒，由於佢喺禁區入面成日都有效率控波嘅，所以被人話咗係「豹」（La Pantera）呢個名。依家佢喺阿根廷嘅甘拿斯亞踢緊。
簡介
[編輯]呢個人雖然話係阿根廷佬，但係佢阿媽係個巴拉圭人。佢老豆係個建築工地嘅打工仔，巴列奧斯雖然話細路哥嗰陣就踢波好犀利噉滯喇，佢之前去咗米迪同埋帕菲克呢啲體育會嘅，但係因為佢個人好細粒，結果冇幾間足球會想請佢入去，搞到佢差啲想唔踢波啦，但係佢老豆係都要繼續畀佢踢波先至變咗依家全球出嗮名嘅最佳射手[1]。
足球會嘅經歷
[編輯]巴列奧斯喺2003年到2009年呢6年就去咗8個足球會咁多，差唔多每1年就轉會一次[1]。
第一次加入足球會
[編輯]喺2003年，19歲嘅巴列奧斯響小阿根廷人體育協會開始咗自己嘅踢波生涯，就喺第一個賽季入面，佢代表咗小阿根廷人體育協會出場咗15次，入咗5球。
哥巴羅亞體育會
[編輯]巴列奧斯喺智利嘅哥巴羅亞體育會踢緊波嗰陣，睇佢有鬼咁多嘅入波紀錄就開始出嗮名喇。喺佢加入哥巴羅亞之前，巴列奧斯曾經係智利同埋阿根廷嘅乙組足球聯賽入面踢咗成半世嘅足球。入咗哥巴羅亞隊之後就開始體驗出佢自己嘅個人能力，就響第一個賽季入面，出場咗39次就入咗26個波，重變咗南美洲入面出嗮名嘅新人。
佢喺哥巴羅亞隊踢完之後就畀智利嘅高路高路體育會同埋墨西哥嘅歷卡沙體育會睇啱咗佢，想買佢返嚟。但係佢冇去到呢兩間體育會，而係被阿迪拿斯足球會出咗250萬將佢買走咗，佢響嗰邊凈係踢咗一個賽季嘅波就走咗佬啦。就係踢咗呢14場入面，每場就有一次入波喇[2]。
高路高路體育會
[編輯]到咗2008年，巴列奧斯加盟高路高路體育會，佢一個賽季嘅38場聯賽入面，入咗37粒波噉多（如估挾埋盃賽嘅話，一共53場比賽，總共入咗49粒波），就喺2008年底嘅IFFHS統計入面，佢重打爆咗C朗拿度，攞咗2008年度嘅世界最佳射手。而呢筍嘢啫，搞到連好多世界嘅足球會（甚至連歐洲比較出名嘅體育會都嚟埋）都睇啱咗佢，想買佢返嚟踢波嘅。就喺2008年開始冇耐，法甲嘅拿斯足球會甚至重差啲買咗佢返嚟踢4年波添，不過高路高路體育會就睬都冇睬佢啫，話咗「唔好意思，我哋嘅體育會唔賣得呢位波星嘅」。
多蒙特體育會
[編輯]到咗2009年，德國甲組足球聯賽球隊多蒙特足球會正式宣佈，用咗4200000歐羅買咗巴列奧斯返嚟踢波4年。雖然話響前7輪嘅德甲比賽入面都冇入到波，但係到咗第8輪對慕遜加柏隊嘅比賽入面先至入到波，之後連續5場嘅比賽入面都入埋波添[1]，後嚟重變咗球隊嘅主力前鋒，重幫球隊攞咗2010——2011賽季嘅德甲冠軍。不過到咗2011——2012賽季，因為佢成日唔係賣老抽就係受傷，變咗個玻璃人，搞到佢連主力嘅位都冇埋。
廣州恆大足球會
[編輯]到咗2012年5月2號，中國足球超級聯賽嘅球隊廣州恆大攞咗8500000歐羅買咗巴列奧斯返嚟踢4年波，著18號波衫[3]。結果呢個轉會費超過咗達里奧干卡，變咗中國足球轉會金額最高嘅波手。喺2012年7月15號嘅廣州打吡比賽入面，廣州恆大主場0-1輸畀廣州富力嘅比賽第74分鐘嗰陣，第一次代表廣州恆大隊出場。到咗2012年7月18號重喺2012年嘅中國足協盃第四輪入面，廣州恒大對河南建業嘅比賽入面，重首發出場。喺2012年7月21號，河南建業主場1-2輸畀廣州恆大隊嘅比賽入面，重入咗佢嘅第一粒中超聯賽嘅入波。到咗8月份重將克萊奧踢咗落嚟，去咗2012年嘅亞洲冠軍盃踢波。喺2012年10月2號嘅亞洲冠軍盃八強第二輪比賽入面（廣州恆大2-1伊蒂哈德），重入咗亞冠聯賽嘅第一個入波。佢重幫咗廣州恆大隊攞咗2012年嘅中超聯賽冠軍，重幫埋廣州恆大隊攞埋2012年嘅中國足協盃冠軍，佢重做咗比賽最有價值嘅波手。
到咗2013年6月1號，巴列奧斯踢完廣州恆大主場對陣山東魯能嘅比賽之後就走咗佬，一直都冇返過嚟[4]，結果咁就被媒體爆咗好幾單料出嚟。有媒體就話去咗阿甲嘅河床踢波；有媒體就話去咗意甲嘅國際米蘭；重有媒體就話去咗費倫天拿、拿玻里、德甲嘅雲達不萊梅、巴甲嘅聖保羅同埋巴西國際隊等等呢21支球隊去踢波添[5][6][7]。後嚟巴列奧斯話事先畀咗4500000歐羅就走佬，想搵下間俱樂部踢波[8]。之後佢喺德國媒體《踢球者》採訪嗰陣就話：「我被廣州恆大隊拖咗3個月嘅人工啊！你話點算好？」，如估係噉嘅話，按照FIFA裁決可以變成自由轉會波手，咁夏季自由轉會嗰陣就可以返去德甲踢波喇[9]。結果呢句啫，就激到廣州恆大足球會佛都有火噉滯！有好多波迷話呢個簡直係衰眉衰貌踢波蝨啊！之後廣州恆大就響新聞發佈會嗰日，發咗律師函去《踢球者》問點解要咁做[10]，後來《踢球者》收到水之後就將呢件事刪咗[11]。結果呢件事咁就未完，廣州恆大甚至將件事告去瑞士嘅FIFA，話全國邊間足球會或者係體育會都好，半年之內冇同我收啀「盧卡斯·巴列奧斯」呢位波手[12]。後嚟到咗2013年7月2號，國際足協開始成立咗專案小組嚟調查呢件事[13]，之後廣州恆大先下手為強，發咗律師函畀咗FIFA入面[12]。過咗2日咋，巴列奧斯話喇：「恆大玩逃稅啊！！！」[14]，後嚟廣州恒大足球會話喇：「逃稅？簡直係無哩頭！你讀鹹片啊？！」之後重將人工證明畀咗去FIFA嗰邊[15]。結果廣州恆大喺2013年6月24號開始唔發人工畀巴列奧斯喇[16][17]。到咗2013年7月中，重有消息話巴列奧斯同土超嘅Trabzonspor隊同埋意甲嘅薩斯索羅隊踢波[18][19]。之後佢哋兩個都話唔想買佢喇，費事話搞到成身蟻[20]。到咗2013年7月26號，國際足協話返畀廣州恆大知，要求巴列奧斯喺2013年8月16號之前，快啲同我畀你嘅證據過嚟，如估唔係嘅話，大雨失期法皆斬（啫係話半年內冇得踢波）。喺FIFA發出咗聖旨之後，巴列奧斯嘅經紀就主動話：「我唔玩喇！」[21] 最後到咗2013年8月10號，佢同埋個經紀為咗搞掂單轉會嘅事就走佬，重啀咗經紀向廣州恆大足球會畀咗好多間其他嘅足球會同埋體育會嘅報價單添[22]。
莫斯科斯巴達足球會
[編輯]2013年8月10號凌晨，廣州恆大喺官網入面話巴列奧斯被俄超嘅莫斯科斯巴達用7000000歐羅買走咗[23]。後嚟莫斯科斯巴達隊過咗一陣，都收到呢筍嘢[24]。2013年12月1號，佢喺對伏爾加隊嘅比賽射入加盟莫斯科斯巴達後嘅第一球。
攞過嘅獎
[編輯]- 高路高路
- 智利甲組足球聯賽冠軍（1）：2008年秋季聯賽；
- 多蒙特
- 德國甲組足球聯賽冠軍（2）：2010-2011,2011-2012；
- 德國盃 冠軍（1）：2011-2012；
- 廣州恆大
- 中國足球超級聯賽冠軍（1）：2012；
- 中國足協盃冠軍（1）：2012；
- 個人
- 智利甲組足球聯賽神射手（2）：2008年春季聯賽、2008年秋季聯賽；
- IFFHS世界最佳頂級聯賽神射手（1）：2008年[25]；
註
[編輯]- ↑ 1.0 1.1 1.2 卢卡斯·拉蒙·巴里奥斯 互聯網檔案館嘅歸檔，歸檔日期2020年3月28號，. 騰訊2010世界盃專題
- ↑ "Lucas Barrios finalmente fichó en Atlas de México" (西班牙文). Radio Cooperativa. 2007年6月30號. 喺2010年4月11號搵到.
- ↑ 〈卢卡斯•巴里奥斯（Lucas Ramón Barrios）正式签约广州恒大足球俱乐部〉. 廣州恆大足球會. 2012年5月2號. 原著喺2012年5月7號歸檔. 喺2012年5月2號搵到.
- ↑ 专访巴里奥斯：在中国踢球不高兴 肯定会离开恒大
- ↑ 阿媒曝巴里奥斯与河床谈判 6月1日离开广州后至今未归
- ↑ 〈图片报披露巴里奥斯有望赴不莱梅 踢球者曝另1下家〉. 原著喺2014年8月14號歸檔. 喺2014年4月12號搵到.
- ↑ 巴里奥斯转会闹剧：曾与21队传绯闻 国米在列 腾讯体育 2013-08-10 10:33
- ↑ 〈谎称"自由身" 实为谋签字费〉. 廣州日報. 2013年6月28號. 原著喺2013年7月4號歸檔. 喺2014年4月12號搵到.
- ↑ Barrios schafft den titel hattrick Kickers Online
- ↑ 〈恒大状告巴里奥斯律师函超百页 官员:不强硬不行〉. 原著喺2014年8月14號歸檔. 喺2014年4月12號搵到.
- ↑ 恒大向德媒體發律師函 要求更正巴里奧斯報導(圖) 新浪網
- ↑ 12.0 12.1 恒大将巴里奥斯告到FIFA 索赔2500万欧+禁赛6个月
- ↑ 国际足联开始调查恒大诉巴里奥斯 互聯網檔案館嘅歸檔，歸檔日期2014年8月14號，. 网易 2013年7月3號
- ↑ 巴里奥斯反指恒大涉嫌逃税 国际足联尚无结论 互聯網檔案館嘅歸檔，歸檔日期2016年3月4號，. 人民网 2013年7月4號
- ↑ 恒大：巴里奥斯声明严重失实 已将工资证明提交FIFA 网易 2013年7月5號
- ↑ 恒大已停发巴里奥斯6/24后工资 因确定其违约 腾讯网 2013年7月6號
- ↑ 恒大处事滴水不漏 巴里奥斯工资照发至违约日 腾讯网 2013年7月6號
- ↑ 意甲升班马相中巴里奥斯 无惧恒大警告开出报价 网易体育 2013年7月7號
- ↑ Malouda ve Barrios Trabzonspor'a çok yakın haberturk 16/07/2013 09:57
- ↑ 土超劲旅放弃签巴里奥斯 避免卷入和恒大纠纷 腾讯体育 2013-07-23 20:32
- ↑ 巴里奥斯服软要和解[失咗效嘅鏈] 新快报 2013年8月8號A31版
- ↑ 闹剧结束！ 知情人：巴里奥斯自掏百余万赎身
- ↑ 〈广州恒大足球俱乐部与莫斯科斯巴达克足球俱乐部就巴里奥斯转会事宜正式签订协议〉. 广州恒大足球俱乐部. 2013年8月10號. 原著喺2013年8月13號歸檔. 喺2014年4月12號搵到.
- ↑ "БАРРИОС СТАЛ СПАРТАКОВЦЕМ". Футбольный клуб «Спартак» Москва. 10 августа 2013. 原著喺2014年3月3號歸檔. 喺2014年4月12號搵到.
((cite web)): Check date values in:|date=(help) - ↑ "The World's best Top Division Goal Scorer 2008" (英文). IFFHS. 喺2010-06-21搵到.
((cite web)): Italic or bold markup not allowed in:|publisher=(help)
Text is available under the CC BY-SA 4.0 license; additional terms may apply.
Images, videos and audio are available under their respective licenses.
