永泰汽車客運站（粵拼：wing5 taai3 hei3 ce1 haak3 wan6 zaam6） ，又叫永泰汽車站wing5 taai3 hei3 ce1 zaam6或永泰客運站wing5 taai3 haak3 wan6 zaam6，係中國廣東廣州一已停運嘅客運站，而呢個客運站喺白雲區東平南路嗰邊（隔籬冇幾遠就係105國道），呢個站係中國國家交通部及廣東省人民政府批准實施廣州公路主樞紐總體佈局工程入面嘅其中一個汽車客運站。

呢個客運站喺2000年起好重開始搞簡易營運，一直到2008年底，按返國家一級站嘅標準嚟重新起過，而工程喺2010年7月起好重開放埋。2011年重通過咗國家一級站場嘅評估。

2018年12月23號，廣州市國規委透露，由於呢間客運站所在地及周邊嘅地皮詳細規劃正式通過審批，重考慮到永泰同夏茅兩大客運站因交通區位同班綫出現重疊嘅情況，為咗加快白雲大道嘅快速改造，而宣佈將呢個客運站合併入夏茅汽車客運站，呢間客運站正式成為歷史^[1]。

面積係70000幾平方米（辦公大樓係2000幾平方米）。

呢個車站嘅主要經營係去廣東省嘅梅州（五華、大埔高陂）、雲浮羅定、汕頭（潮陽、澄海）、汕尾陸河、湛江徐聞海安、清遠（佛岡、南雄、英德青塘）、韶關新豐；湖南省嘅衡陽常甯、永州（寧遠同埋道縣）、邵陽（洞口、武岡、隆回）；江西省嘅撫州崇仁、贛州（興國、南康）；河南省嘅駐馬店同埋泌陽）；四川省南充市儀隴縣；福建省龍岩市永定縣；廣西欽州市靈山、玉林市等。附近有14條巴士路線經過呢度附近。

• 巴士：永泰客運站、友誼路口（永泰客運站）

呢個站攞過以下呢啲獎：

• 廣州交通郵電系統維護穩定及社會治安綜合治理先進單位
• 廣州地區道路春運工作先進單位
• 廣州道路春運公路客運聯網售票工作三等獎
• 廣州市交通行業創建全國文明城市工作先進單位
• 廣州市巾幗文明崗

• 永泰汽車站