歐羅
![](https://upload.wikimedia.org/wikipedia/commons/thumb/8/8f/Euro_symbol.svg/100px-Euro_symbol.svg.png)
1歐羅=100歐仙[1][2][3](北話叫「歐分」)(cent)。
![](https://upload.wikimedia.org/wikipedia/commons/thumb/2/2e/Euro_accession_Eurozone_as_single_entity.svg/260px-Euro_accession_Eurozone_as_single_entity.svg.png)
* 藍色:歐圓區(20國)
* 綠色:承諾加入歐圓區嘅歐盟成員(6國)
* 豬肝色:未加入歐圓區嘅歐盟成員(1國)
* 黃色:有協議而通行歐圓嘅非歐盟地區(4國)
* 紫色:無協議而通行歐圓嘅非歐盟地區(2國)
特點
[編輯]所有嘅歐羅銀仔正面都係相同嘅,標有硬幣嘅面值,就叫做「共同面(common side)」,而銀仔背面嘅公仔就係由發行國自行設計(national side)。君主立憲制嘅國家通常都會用佢哋君主嘅頭像,第啲國家就通常用佢哋國家嘅象徵。所有唔同嘅銀仔都可以喺所有地區度用,好似鑄有西班牙國王頭像嘅硬幣喺出咗西班牙以外嘅第啲使用歐羅國家仍然係法定貨幣。歐羅銀仔夾埋有8種:2歐羅、1歐羅、50歐仙、20歐仙、10歐仙、5歐仙、2歐仙同埋1歐仙。雖然2歐羅同2歐仙嘅硬幣一般唔喺芬蘭同荷蘭使用,但仍然係法定貨幣。
每種面額嘅歐羅銀紙嘅設計喺各個國家都係一樣嘅。歐羅銀紙一共係有7種:500歐羅、200歐羅、100歐羅、50歐羅、20歐羅、10歐羅同5歐羅。即使大面額嘅紙幣喺某啲國家並唔發行,但仍然都係法定貨幣。
泛歐自動實時清算系統(Trans-European Automated Real-Time Gross Settlement Express Transfer System,TARGET)係一個喺歐羅發行以前就已經設立嘅歐洲範圍內大額交易清算系統。對於小額支付嘅一般規則係:喺歐羅區之內嘅轉賬視為國內轉賬,歐羅區內信用卡支付同ATM提款嘅費用同國內費用相同,票據畀錢,例如支票等,亦都係同國內一樣。
使用歐羅嘅國家
[編輯]![](https://upload.wikimedia.org/wikipedia/commons/thumb/6/65/Euro_coins_and_banknotes.jpg/300px-Euro_coins_and_banknotes.jpg)
目前官方使用歐羅嘅國家有奧地利、比利時、克羅地亞、塞浦路斯、愛沙尼亞、芬蘭、法國、德國、希臘、愛爾蘭、意大利、拉脫維亞、立陶宛、盧森堡、馬爾他、荷蘭、葡萄牙、斯洛伐克、斯洛文尼亞同埋西班牙。某啲歐羅區國家嘅海外領土,好似係法屬圭亞那、留尼汪、聖皮耶同密克隆、馬提尼克等等嘅地區都係使用歐羅。
摩納哥以前用法國法郎、聖馬力諾同梵蒂岡以前用意大利里拉,而兩者已被歐羅替代。根據佢哋同歐盟之間嘅協議,佢哋亦都可以代表歐盟鑄造歐羅硬幣。
安道爾以前用嘅法國法郎同西班牙比塞塔、黑山、科索沃以前用德國馬克,就算佢哋同歐盟之間冇咩法律上嘅協議畀佢哋用歐羅,但目前佢哋亦都將歐羅作為「實際嘅」通貨。喺2004年10月,安道爾開始同歐盟協商關於允許安道爾好似摩納哥、聖馬力諾同梵蒂岡一樣鑄造歐羅硬幣嘅協議。
好多以前匯率同歐洲貨幣掛鉤嘅貨幣,比如同葡萄牙埃斯庫多掛鉤嘅佛得角埃斯庫多,目前已經改為同歐羅掛鉤。目前歐羅喺佛得角已經被廣泛接受。而喺2004年11月,佛得角嘅首相喺一個葡萄牙舉行嘅會議上考慮將歐羅作為佛得角嘅正式貨幣。
2002年12月,朝鮮亦都用歐羅代替咗美金成為佢地對外流通同結算嘅主要貨幣,喺大部分黑市同埋以前使用美金嘅商店,歐羅亦已經代替咗美金。
總括嚟講,歐羅已經係31個國家同地區嘅官方貨幣,28個國家同埋地區嘅官方貨幣同埋佢哋嘅匯率同歐羅掛鉤。
註
[編輯]參考
[編輯]- ↑ 許多歐仙幣與一歐元和兩歐元硬幣說謊。 — 圖片檔
- ↑ 2021法國年度貨幣矚目登場 小王子周年特別版倍添收藏價值[失咗效嘅鏈]
- ↑ 〈小額硬幣成本比幣值高〉. 2019-01-11. 原先內容歸檔喺2021-08-29. 喺2022-10-24搵到.
拎
[編輯]- 歐洲中央銀行(二十種唔同嘅語言)
- 歐羅官方網頁
- 歐羅 紙幣 (英文) (德文)
Text is available under the CC BY-SA 4.0 license; additional terms may apply.
Images, videos and audio are available under their respective licenses.