朱執信
出世	(1885-10-12)1885年10月12號 清朝 廣州
死	1920年9月21號(1920-09-21)（34歲） 中華民國 東莞
國籍	清朝、 中華民國
職業	中國資產階級革命家同理論家
出名原因	幫孫中山搞反革命鬥爭

朱執信（粵拼：zyu1 zap1 seon3；1885年10月12號—1920年9月21號），名太符（taai3 fu4），字執信（zap1 seon3），廣東番禺（而家係廣州）人，鄉下喺浙江杭州蕭山區，係近代中國資產階級革命家同理論家。1920年，佢喺東莞虎門幫孫中山剷走桂軍嗰陣，俾桂軍亂槍射死咗。佢死咗之後留低咗《朱執信集》響度。

• 1902年：佢入咗廣州教忠學堂入面學嘢，重喺學校入面搞群智社。
• 1904年：佢去咗日本留學，跟住嗰年籌劃咗同盟會，重幫手出《民報》同改良派一齊傾點打仗。
• 1906年：朱執信返到中國之後就嚟咗廣東省廣州市，喺軍隊入面靜鷄鷄噉搞活動。
• 1908年，同趙聲、鄒魯等人一齊負責搞廣州新軍起義嗰陣因為單嘢穿咗煲，所以最後肥佬咗。
• 1910年：再同趙聲、鄒魯等人一齊負責搞廣州新軍起義，但都係肥佬咗。
• 1911年4月：佢參加咗由黃興搞嘅廣州起義（黃花崗之役）嚟做「敢死隊」，去打督署，點知肥佬咗，就走咗去香港避難。
• 1911年嘅辛亥革命爆發咗之後，由於佢摟埋黨入面啲人同軍隊一齊搞廣東光復，最後朱執信做咗國民軍政府嘅參議院長、審計院院長等呢啲職位。
• 1913年之後，朱執信積極參加孫中山領導嘅反袁鬥爭，重加入埋中華革命黨。
• 喺1917年嘅護法運動入面，佢負責幫孫中山嘅大元帥府，嚟搞軍事聯絡工作。之後嗰年跟埋孫中山去咗上海度做《民國日報》同《建設》雜誌嘅編輯，嚟搞五四運動同新文化運動。

受到孫文嘅指令，朱執信喺1920年6月份就派到福建省漳州市入面趕嗮啲桂系軍閥走。返到廣州之後就準備出兵躝嗮啲桂系軍走。但係1920年9月21號，佢喺東莞虎門為咗定住桂軍同東莞民軍嘅衝突期間，俾人亂槍打死咗，終年35歲。

由於朱執信突然死咗，搞到孫文喺軍事入面，又冇咗個緊要嘅架撐，搞到學軍事嘅蔣中正，就喺孫中山面前猛咁提高咗佢嘅地位。而孫文畀蔣中正嘅電文入面話：「執信突然死咗，搞到冇咗左右手噉，我嘅黨入面又冇乜人既識軍又可以有心噉睇人嘅。唯一就要靠嗮你喇（因為你識軍事嗰行）。」而蔣中正就喺《祭總理文》入面話：「孫中山，麻煩將執信嘅任務交畀我喇。」

廣州嘅執信南路

朱執信先生墓道

執信中學嘅正門

上海嘅執信西齋

喺廣州街頭，有一條馬路係叫「執信南路」。佢係廣州市入面比較少見用人名嚟做路名嘅馬路。而喺東莞亦有一條叫「執信路」嘅馬路。

孫中山喺朱執信死咗之後，為記念佢幫手搞民主革命嘅功勞，就用咗佢嘅名，喺廣州市辦咗間執信中學。喺學校啱啱開辦無耐，重有衣冠塚擺喺學校入面。喺每年嘅4月4號至4月5號，都有好多老師、學生同舊生嚟拜佢。

喺朱執信死咗之後，佢嘅主墳就葬咗喺先烈東路嘅沙河頂（而家6號綫嘅沙河頂站B出入口東北邊冇幾遠嗰度），而家係廣州市文物保護單位。但係主墳因為成日俾白蟻搞搞震先至搬咗去執信中學入面，而之前執信中學入面嘅衣冠塚就喺家吓嘅沙河頂。

喺上海交通大學嘅徐匯校區入面，重見到有間執信西齋響度。

汪氏隨山館，原本喺豪賢路同倉邊路交界位，被清拆起成市房管局大樓。

維基同享有多媒體嘅嘢：
朱執信

• 朱執信喺分面應用主題詞表識別碼嘅資料
• 朱執信喺虛擬國際權威檔案識別碼嘅資料
• 朱執信喺Freebase嘅資料
• 朱执信 广州市地方志
• 民主革命家朱执信遇难 历史上的今天 - 1920年9月21日 (庚申年八月初十)
• 朱执信 广州英烈网