支那（粵拼：zi1 naa4）係個「中國」嘅近義詞，有時附帶侮辱意思，引身出嚟嘅支那人，係中國人嘅代名詞之一^[1]。

個詞係嚟自梵文चीन（cīna），又譯成至那、脂那、摩訶支那、摩訶至那國等等，同震旦同源。佢原本係古代印度對中國嘅稱呼，經佛教經典傳入中國，唔單只無貶義性重係褒義，因為幾百年前原意有包含「智慧之國」意思。近代中國都有好多漢族英雄、成功人士都用佢嚟自稱，好多西方語言都將中國叫做類似 China 嘅名（Shina...），亦係嚟自同一個梵文字詞。

中國共產黨機關報人民日報指「支那」詞性屬中性，存攻擊性係因為表達方式。人民網文史頻道上有文章為「支那」平反：「近代史上，部分日本人的確歧視中國人...歷史背景之下，「支那」原本係中性詞語，亦無可避免沾染上「侮辱」色彩。」作者認為，當稱中國為支那同時帶有歧視意圖，「支那」就係辱華^[2]。

中華民國時期經歷大日本帝國侵略，期間日本人較常用「支那」作為代替「中國」或「中華民國」對中國嘅稱呼，自戰後，「支那」一詞開始有被中國定性為貶稱嘅記載^[3]。

• 香港及澳門：有唔少以前喺呢兩處流行，煽情嘅廣州話抗日（及若干其他殖民者）題材戲劇，將「支那」描繪成冒犯語氣重過粗口嘅辱華用詞……地域文化及政治差異^[4]，令港中矛盾惡化，中國大陸自由行同水貨客問題（遊客不文明行為記錄）等因素亦導致香港受害者（非全部香港人）嘅反中反共情緒升溫，「支那」一詞於是取代「強國」等其他貶稱，成為中國大陸同中國共產黨嘅代名詞。鄰近嘅澳門亦受到類似麻煩困擾（非全部澳門人）而產生共鳴，於是呢個用法得以擴散至此。
• 中國大陸：其實中國大陸人有好多都對中國政府同國企，資本企業存有異議同反對。好多中國青年人，甚至有中國共產黨員都用到同類稱號^[5]，自稱或批評社會問題，例子有「脫支、你國」。中共成日強調自己係中國及中國人嘅主宰^[6]；有大把老百姓其實對於傳統中國文化好有認同感，反而認為中共與其格格不入；意識到既然「中國」同「中國人」等詞俾中共用到臭哂^[7]，就乾脆退而求其次，唔同佢爭嗰啲以前中性嘅稱呼，重要踴躍噉用「支那」及「支那人」等將佢哋踩低，務求劃清界綫，亦有啲人帶有黑色幽默語氣噉樣以此自稱，慨歎脱離唔到中共魔爪。
• 台灣：中共喺國際舞台上，由民國手上搶走咗「中國」一名嚟用，周圍搏命話與其有關嘅人物事都係歸自己所有嘅。偏偏中共及大陸人經常周圍作惡同出醜，影衰哂「中國人」等名詞。^[8]有唔少台澎金馬人厭惡身分被中共騎劫及意淫，於是越嚟越興同時摒棄「中國」及「支那」，將佢哋㩫畀中共及大陸算數，順便加上唾棄意味。^[9]
• 其他：其實有大量對應「中國」嘅外國官方用標準譯名嘅發音，都接近「支那」，不過中共並無到處迫佢哋改稱。

• 繁體支那，對母語用繁體中文人士特別係港人、台灣人，且失理智式認同中國大陸，無分黑白輕重、意識形態。
• China，用西歐語言稱呼中國。
• 絲國，音譯自拉丁語Sinae，為古希臘時代海航者托勒密地圖上「絲國」。^{[未記出處或冇根據]}
• 印度支那，即中南半島，亞洲東南半島。
• 武吉支那（馬來話：Bukit Cina），又名「三寶山」，位於馬來西亞馬六甲，傳說為鄭和駐紮馬六甲所在地。
• 支那鄉，雲南省德宏傣族景頗族自治州盈江縣下轄，一個鄉鎮級行政單位。

鄙視華裔人嘅英文稱呼係「chink」^[10]。

• 東亞病夫