一個簡單嘅回輸迴圈（上圖）同一架加緊速嘅跑車（下圖）；回輸迴圈可以用嚟想像簡化版嘅速度控制系統同埋好多第啲系統。

控制理論（粵拼：hung3 zai3 lei5 leon6；英文：control theory），又有叫控制論，係一套應用數學框架，旨在將運作緊嘅動態系統概念化噉想像做數學模型，並且分析呢啲系統可以點樣用各種嘅方法嚟控制^[1]。呢類噉嘅分析喺工程學以至物理學上都成日會用到^[2]。

例如回輸迴圈（feedback loop）就係一種簡單嘅控制系統，一個回輸迴圈系統會攞某啲嘢做輸入，俾出個輸出，個輸出跟住又會向個系統提供返回輸（feedback）－而如果吓回輸係負回輸，就會壓抑個系統嘅運作，令個系統慢慢噉停低^[3][4]；舉個具體啲嘅例子^{[註 1]}，想像家陣要設計架自駕車，架車有感應器曉探測自己嘅速度係幾多（可以睇埋巡航定速^[5]），

• 設架車嘅速度做 ${\displaystyle v}$，如果架車探測到 ${\displaystyle v<v_{1))$（輸入；${\displaystyle v_{1))$ 係個事先揀好咗嘅值），個輸入就會啟動架車嘅加速系統 ${\displaystyle {\text{P))}$（輸入傳俾系統）；
• ${\displaystyle {\text{P))}$ 跟住會傳訊號去車碌掕住嘅軸度令啲車碌旋轉，從而令架車提升速度（輸出）；
• 同時 ${\displaystyle {\text{P))}$ 又事先設好咗，一旦開始提升速度（輸出），${\displaystyle {\text{P))}$ 就要開始壓抑自己嘅活動（負回輸）－於是架車加速加到咁上下就唔會再加，達致「架車唔會超過安全速度」噉嘅效果。

進階嘅控制理論仲會分析更加複雜嘅系統，並且用數學方程式表達個系統嘅各個特性之間成咩關係，工程師等嘅人員就會用呢啲數學模型嚟嘗試剖析「個系統要點改良」等嘅問題^[1]。除此之外，控制理論嘅分析方法仲有擴散到去心理學等嘅社科嗰度，俾人攞嚟分析人嘅某啲行為^[6]。

2022 年嘅不列顛百科全書係噉樣形容控制理論嘅^[7]：

喺嚴格嘅定義上，控制理論研究嘅係動態系統嘅控制：

• 動態系統（dynamical system）：動態系統係指啲特性會隨時間變化嘅系統^[8]；舉個例說明，想像一個用條繩吊咗喺天花板嗰度嘅擺^[9]－
  • 個擺因為受到力嘅影響，而開始左右來回噉擺（簡諧運動），就噉睇已經可知，個擺嘅位置（${\displaystyle \mathbf {r} }$）會隨時間（${\displaystyle t}$）而變化，噉即係話個擺嘅速度（${\displaystyle \mathbf {v} }$；${\displaystyle \mathbf {r} }$ 隨時間嘅變率）實係一個唔係 0 嘅數值：

    ${\displaystyle \mathbf {v} \neq 0}$

  • 進一步嘅觀察顯示，個 ${\displaystyle \mathbf {v} }$ 都係喺度係噉變（個擺向左移到咁上下就停咗喺度，再改為向右移...），噉即係話個擺嘅加速度（${\displaystyle \mathbf {a} }$；${\displaystyle \mathbf {v} }$ 隨時間嘅變率）都係一個唔係 0 嘅數值：

    ${\displaystyle \mathbf {a} \neq 0}$

  • 上述嘅係一個簡化例子，但淨係由上述講嘅嘢經已可知，呢個系統有最少兩個會隨時間變化嘅變數－${\displaystyle \mathbf {r} }$ 同 ${\displaystyle \mathbf {v} }$，所以呢個系統係一個動態系統。現實應用上嘅工程學會研究嘅系統－好似係各種嘅機械同建築物^{[註 2]}呀噉－都係動態系統^[10]。
• 控制：大致上係指俾設計個系統嘅人隨心所欲噉決定個系統嘅狀態；而如果話一個系統曉控制自己，即係指個系統能夠「知道」自己身處咩狀態，並且能夠按照呢樣資訊嚟決定「俾咩反應」，再用自己俾嘅反應改變自己嘅狀態，令自己狀態變「想要」噉嘅樣^[11]；舉個例說明，想像一架內置咗人工智能嘅自駕車，
  • 架車識得用自己嘅感應器「知道」自己郁得幾快（攞到資訊，知自己處於咩狀態），
  • 如果（if）發覺自己慢得滯，就決定要加速，而如果（if）發覺自己快得滯，就決定要減速（按攞到嘅資訊決定要俾反應），
  • 呢樣反應跟住會改變架車有幾快（反應改變自己狀態）

    －就算係做到控制自己^[5]。

控制理論就係想用數學嘅方法嚟研究好似上述噉嘅控制過程，會將動態系統嘅控制想像成抽象化嘅數學模型。

• 數學最佳化
• 卡曼濾波器
• 容錯性

• Carver, C. S., & Scheier, M. F. (1982). Control theory: A useful conceptual framework for personality-social, clinical, and health psychology. Psychological bulletin, 92(1), 111.

維基同享有多媒體嘅嘢：
Control theory

• Control Theory. Encyclopedia Britannica.
• Control theory, tutorial by Simrock.

睇 傾 改 工程學
架生 · 科技 · 發明 · 工程師 · 工程學詞彙表
方法基礎	設計過程（工程圖） 工程數學 工程物理（工程力學） 工程經濟 運算工程學 倫理
土木工程	土力 水利 結構 建築 建造 交通 環境 地震 礦業
機電領域	機械工程 汽車 鐵路 航海（船舶） 航空太空（航空 · 太空） 熱力 電機工程 電力 電子（無線電 · 電訊） 訊號處理 電腦 微波 其他 IT（資訊 · 資訊系統 · 軟件 · 保安） 電動機械學 機械電子工程 機械人學
拉雜領域	化學工程 生化 分子 化學反應 石油 材料科學 材料物理學 材料化學 陶瓷 冶金學 聚合物科學 按用途分 能源 農業 食品 防火 工業 軍事 衛生 人因 聲音 核子 光學 光子學 生物（基因 · 生物醫學） 納米科技
系統概念	系統（複雜系統 · 動態系統） 控制（控制理論） 系統設計
相關領域	Archi 城市設計（城市規劃） 廢物管理 電腦科學 人工智能 製造業 市場學
拉雜相關	科學（應用數學 · 物理學） 科幻 工藝 自動化技術 產品設計 科技研究 技術決定論
工程學類

睇 傾 改 應用數學
泛指數學喺科學同工程學上嘅應用
離散數學	命題邏輯 · 集合論 · 代數學（場） · 組合數學 · 圖論 · 離散幾何學
數 學 分 析	分析基礎 實數同虛數（實分析同複分析） · 間距 · 無窮盡 · 無窮小量 數列 子數列 · 增減數列 · 郝氏數列 · 保西奴-華實斯定理 函數 連續函數 · 極限 · 逼近理論 · 泛函分析（變分法） 微積分 微分 微分方程（常 · 偏 · 隨機 · 複） · 微分幾何 積分（黎曼積分 · 積分方程） · 多元微積分（向量 · 張量 · 多重積分） 第啲分析 多線代數（向量 · 向量空間 · 張量） · 動態系統（混沌理論 · 控制理論） · 諧波分析 · 數值分析
運算數學	運算理論 · 運算邏輯 · 自動機理論 · 演算法（分析） · 資訊理論 · 密碼學 · 運算數論 · 科學運算 · 電腦代數
概率論	隨機變數 · 隨機過程 · 馬可夫鏈 · 概率分佈 · 隨機微積分
決策論	博弈論 · 統計學（描述 · 推論） · 最佳化（線性同非線性規劃） · 數理經濟學 · 數理金融學 · 運籌學 · 精算學
數理物理	分析力學 · 場（規範場論 · 量子場論） · 量子羣
拉雜應用	數理化學 · 數理生物學 · 數理心理學 · 數理社會學（社會選擇理論）
拉雜相關	數學模型 · 工程數學 · 應用科學 · 模控學 · 系統（複雜系統） · 數學喺自然科學上嘅超常效用
數學主題 · 應用數學類

睇 傾 改 現代數學同數學各領域
純粹同應用數學 · 數學史 · 數學之美
數學證明	直接證明 數學歸納法 否定證明 反證法 構造法 分類證明
數學基礎	數學哲學 數學邏輯 範疇論 集合論 類型論 資訊理論 數學符號 數學物體
數論	數（質數） 算術 代數數論 解析數論
代數學	基本代數 線性代數（多重） 抽象代數（交換代數 · 羣論 · 伽華理論） 場論 泛代數 同調代數
幾何學	歐幾里得幾何 代數幾何 解析幾何 微分幾何 離散幾何 拓撲學（代數拓撲）
數學分析	微積分 微分方程 實分析同複分析 測度 諧波分析 泛函分析
離散數學	組合數學 圖論 序理論 博弈論
應用數學	數理物理學 數理化學 數理生物學 數理心理學 數理社會學 控制理論 　決策論 概率論同統計學 數理經濟學 運籌學 數理金融學
運算數學	電腦科學 運算理論 數值分析 最佳化 電腦代數
拉雜相關	邏輯 理論電腦科學 哲學（古希臘哲學 · 理性主義） 科學（形式 · 系統） 科技 藝術 樂理
數學主題 · 數學類