張超雄
張超雄 | |
---|---|
![]() 張超雄(2013年5月) | |
![]() | |
任期 2012年10月1號-2020年12月1號 | |
選區 | 新界東選區 |
任期 2004年10月1號-2008年9月30號 | |
前任 | 羅致光 |
繼任 | 張國柱 |
選區 | 社會福利界功能界別 |
個人資料 | |
性別 | 男 |
別名 | Fernando、鬍鬚俠、假難民之父、超雄叔 |
出世 | ![]() | 1957年2月23號
籍貫 | 廣東江門 |
國籍 | ![]() |
政黨 | 工黨 (香港)(由2011年) |
其他政黨 | 公民黨 (香港)(2006年至2010年) |
仔女 | 大仔宇軒,二女盈盈,細女宇彤[1] |
居住地 | ![]() |
學歷 | |
母校 | 聖公會聖雅各小學 聖保羅書院 |
張超雄(Fernando CHEUNG Chiu-hung,1957年2月23號—),花名「鬍鬚俠」、「超雄叔」、[假難民之父],喺澳門出世,祖籍廣東江門,前香港立法會第三屆社會福利界功能界別議員,香港理工大學應用社會科學系講師。佢係工黨副主席,亦屬香港泛民主派嘅一員。
簡歷
[編輯]早年
[編輯]![](https://upload.wikimedia.org/wikipedia/commons/thumb/f/f2/FernandoCheungAt20070701.jpg/210px-FernandoCheungAt20070701.jpg)
![](https://upload.wikimedia.org/wikipedia/commons/thumb/6/64/Fernando_Cheung_2013.jpg/210px-Fernando_Cheung_2013.jpg)
張超雄1980年喺香港浸會學院社會工作系畢業,畢業之後喺社會福利機構度做。1983年讀完加州州立大學社工碩士課程,重喺1990年於柏克萊加州大學攞到博士學位。喺加州定居期間,為華人爭取權益,屋崙市長 Elihu Harris 定咗1996年9月13號(即離開服務六年嘅 Oakland 服務社嗰日)做 Dr. Fernando Chiu Hung Cheung Day(張超雄日),表揚佢對當地社區嘅貢獻[3]。
張超雄喺2000年代初香港經濟重喺谷底時,組織公共屋邨內嘅社區組織,用代用券形式搞社區經濟,幫區內人嘅生計。
張超雄係香港理工大學應用社會科學系課程講師。教授科目有「理解人本服務機構」(Understanding Human Service Organization,2002-2004年)、「福利政策同行政」(Welfare Policy and Administration,2004-2005年)咁。
2004年參選香港立法會之後
[編輯]2004年,張超雄出戰2004年香港立法會選舉社會福利界功能界別,以一千三百六十票,大比數贏方敏生,當選第三屆香港立法會議員。
由於佢唔少立場都同政府唔同,俾《文匯報》、《大公報》呢啲親北京報章叫做「社福界長毛」;之後,又因為極力主張用公民投票去決定香港2007年之後嘅政制發展方向,俾親北京報章稱為「港版阿扁」。
2008年香港立法會選舉,張超雄由社會福利界功能組別轉到新界西選區代表公民黨參選,最後連任失敗。
2009年,張超雄獨立於公民黨,成立民間團體「正言匯社」。
2010年11月,張超雄退出公民黨,同何秀蘭、李卓人籌組新政黨,喺2011年12月成為工黨副主席[4]。
2012年7月18號,張超雄同副秘書長郭永健代表工黨報名參選第5屆香港立法會選舉。張超雄最終當選,入返立法會,四年後(2016年),張超雄再拍住郭永健代表工黨報名參選第6屆香港立法會選舉,結果張超雄亦都成功冧莊。
2019年,張超雄因為積極參與反修例運動,而被慈善團體腦友坊褫奪榮譽顧問資格。
攷
[編輯]出面網頁
[編輯]- 〈香港特別行政區立法會 - 議員資料庫〉 (繁體中文). 香港特別行政區立法會.
- 香港網絡大典:張超雄
- 張超雄嘅facebook頁
主席 | |||||||||||
---|---|---|---|---|---|---|---|---|---|---|---|
地方選區 | |||||||||||
功能界別 | 林偉強(鄉議局) · 黃容根(漁農界) · 陳智思(保險界) · 劉健儀(航運交通界) · 張文光(教育界) · 吳靄儀(法律界) · 譚香文(會計界) · 郭家麒(醫學界) · 李國麟(衛生服務界) · 何鍾泰(工程界) · 劉秀成(建築、測量及都市規劃界) · 鄺志堅(勞工界) · 王國興(勞工界) · 李鳳英(勞工界) · 張超雄(社會福利界) · 石禮謙(地產及建造界) · 林健鋒(商界(第一)) · 黃宜弘(商界(第二)) · 梁君彥(工業界(第一)) · 呂明華(工業界(第二)) · 李國寶(金融界) · 霍震霆(體育、演藝、文化及出版界) · 黃定光(進出口界) · 梁劉柔芬(紡織及製衣界) · 方剛(批發及零售界) · 單仲偕(資訊科技界) · 張宇人(飲食界) · 劉皇發(區議會) · 楊孝華(旅遊界) · 詹培忠(金融服務界) |
主席 | |||||||||||
---|---|---|---|---|---|---|---|---|---|---|---|
地方選區 | |||||||||||
功能界別 |
|
主席 | |||||||||||
---|---|---|---|---|---|---|---|---|---|---|---|
地方選區 | |||||||||||
功能界別 |
| ||||||||||
Text is available under the CC BY-SA 4.0 license; additional terms may apply.
Images, videos and audio are available under their respective licenses.