張玉華（粵拼：zoeng1 juk6 waa4；簡化字：张玉华；1916年—2017年9月10號）係中華人民共和國嘅開國少將，山東文登縣（今日嘅威海文登區）人。1935年加入中國共產黨，曾經係天福山起義嘅領導人，期間亦被編入山東人民抗日救國軍第三軍第一大隊做過一中隊指導員。中華人民共和國成立後昇任做解放軍118師政委，期間亦參加過海南戰役同韓戰等戰役，亦試過喺北韓昇任做40軍政治部副主任兼攞埋北韓二級自由獨立勛章。返到中國大陸之後亦先後做過政治部副主任同正主任、40軍副軍長。1960年代先後做過瀋陽軍區砲兵嘅政委（1963）、武漢軍區副政委（1967）同埋南京軍區副政委、中共十一屆中央委員，期間亦晉升做少將同攞埋二級獨立自由同解放勛章、一級紅星功勛榮譽勛章。1970～1976、1982～1983年間做過湖北省委書記。

2017年9月10號02:37（UTC+8），佢喺南京因病冇得醫死咗，終年101歲。

• 101岁开国少将、原南京军区副政委张玉华逝世 鳳凰網 （2017-09-10）
• 开国少将张玉华逝世 曾参加93阅兵标准军礼感动无数人 腾讯 （2017-09-10）