屯門兒童及青少年院
國家	中華人民共和國
位處政區	屯門區、香港
遺產名	三級歷史建築
屯門兒童及青少年院嘅位置
[改維基數據]
睇 傾 改

屯門兒童及青少年院（Tuen Mun Children and Juvenile Home）係香港一間現代化嘅綜合院舍，院舍前身係青山男童院嘅舊址^[1]，喺屯門散石灣北路3號，配合社會福利署用社會工作手法執行法庭嘅指令，喺2007年3月啟用，由全香港6間前兒童院（馬頭圍女童院、培志男童院、海棠路兒童院、粉嶺女童院、沙田男童院同埋坳背山男童院）合併而成^[2]，功能包括收容所、羈留院、拘留地方、核准院舍（感化院舍）同埋感化院，收容有需要被監護同埋照顧嘅細路、青少年犯法者同埋非法入境細路。為改善服務質素同埋為有需要接受監護同埋照顧嘅細路同青少年提供更完善嘅綜合康復訓練服務，提供住院訓練服務。綜合院舍有388個位，設有先進嘅視聽監控系統，安全牢固；唔同類別院童用嘅活動設施同埋區域都嚴謹分隔，方便管理^[3]。

根據以下香港法例為上述有需要嘅細路同青少年提供短期監護同住院訓練服務：

• 入境條例（香港法例第115章）
• 保護兒童及少年條例（香港法例第213章）
• 感化院條例（香港法例第225章）
• 少年犯條例（香港法例第226章）
• 罪犯感化條例（香港法例第298章）

院童入住年齡為10-15歲細路同青少年，感化院入住期最小一年，最多三年。

院舍提供嘅服務同埋活動包括教育同職業訓練、個案同小組工作服務、社區服務、康樂活動、醫療同健康護理、心理服務，並會安排院童嘅父母或監護人探訪同埋外假等，令佢哋可以同屋企人團聚。院方所提供嘅各項服務，都唔使收錢。

• 《天生不壞》（ISBN：9789881940438）由九位屯門院嘅老師將學生嘅故事改編，寫成九個真切嘅成長故事

• 社會福利署 - 屯門兒童及青少年院
• 用愛匙打開院童心鎖 老師出書揚天生不壞訊息

呢篇屯門兒童及青少年院係香港建築嘅楔位文章，重未完成嘅。麻煩你幫手補充佢嘅內容。