将军路 JIANGJUN LU

性質： 一般馬路 全長： 0.079——0.14公里 行車線： 1車道 東：南向北嘅單行線 西：北向南嘅單行線 地區： 廣州市越秀區 起點： 廣德路 終點： 瑞南路同中山六路 主要建築： 將軍東電器城 瑞南電器城

將軍路（粵拼：zoeng1 gwan1 lou6）係中國廣東省廣州市入面嘅將軍東路同將軍西路兩條南北向馬路嘅統稱，喺越秀區入面。北邊從廣德路開始，一直向南去到瑞南路同中山六路嗰頭，

由於呢兩條馬路係唔連埋一齊嘅，重有呢兩條馬路行嘅方向都唔同。呢度就分開介紹：

• 將軍西路：全長79米，闊5米，1車道。成條路凈係可以從北向南行。
• 將軍東路：全長140米，闊5米，1車道。成條路凈係可以從南向北行。

• 將軍西路：從廣德路嘅位開始一直去到瑞南路嗰度
• 將軍東路：從廣德路嘅位開始一直去到中山六路嗰度。

其實喺清朝初期嗰陣，將軍路呢帶都係尚可喜整嘅「平南王府」地方嚟嘅。但係到咗1681年嗰陣，尚可喜就因為參加咗叛亂，結果就被人剷走咗個皇帝職位，後嚟平南王府就被人改咗清政府宮廷駐廣東嘅最高軍事領導機關地區。而喺將軍署嘅南邊就新起咗棟將軍樓。而家陣「將軍路」呢隻名就係咁樣得返嚟喇。^[1]

呢度啲路嘅順序係從北去到南嚟排嘅，其中加粗咗嘅字係主幹道：

• 廣德路
• 瑞南路
• 中山六路^[1]

註 1: ：將軍西路係唔可以直接去到呢度嘅。

將軍路同廣德路附近大部分係舖頭，買賣鐘錶、衫褲、皮鞋、五金產品等各種小商品，以二手貨交易市場為主。將軍東路上面重會有大量佔道經營嘅流動攤販，週末爾種情況更嚴重。

喺將軍東路以西嘅二手電器交易市場係廣州最有名嘅二手電器交易市場之一，叫將軍東電器城。將軍路同瑞南路口原本有間小學叫將軍東路小學，而今已經拆咗，做埋二手電器交易市場。

有唔少人將爾一帶嘅雜貨同二手貨交易市場叫做陶街，但其實真正嘅陶街係喺解放中路同朝天路道。

廣州市財政局亦喺將軍西路。