寶其利街（英文：Bulkeley Street），係香港九龍紅磡嘅一條馬路，由寶來街開始，去到漆咸道北。寶其利街雖然係一條連貫嘅街道，但係寶來街至機利士南路嘅一段係單線西行嘅車路，而機利士南路至漆咸道北就係單線東行，兩截路中間嘅十字路口設有石壆同鐵柵隔開，無論係行人定駕駛者無法由一邊直接過去至另一邊。

昔日嘅寶其利街夾機利士南路嘅路口有兩座單層式街市，而機利士南路同孖庶街之間嘅寶其利街路段曾經係行人專用區，不過去到90年代，嗰個街市拆咗之後，嗰個路段就變返做行車路段，而每逢清晨時份，嗰度都有一班小販喺行人路段擺檔，被當地人視之為「天光墟」。