姚若龍（粵拼：jiu4 joek6 lung4；Daryl Yao，1965年—）係臺灣作詞人，東吳大學會計系畢業。佢嘅作品多以溫暖寫意嘅手法描寫人嘅感情世界，細膩而不缺真摯，就以填詞代表作葉歡嘅《幾多深情幾多愁》（1989）最為人熟悉。大學時代發表嘅第一首詞—王芷蕾嘅《冷冷的夏》（1986），到依家作品總數過千隻（第一千隻作品係梁靜茹嘅《今天情人節》（2008））。姚若龍同作曲人陳小霞合作嘅歌最多，係華語樂壇好出名嘅詞曲拍檔。

1994年，寫畀趙詠華嘅《最浪漫的事》令姚若龍首次以個人身份攞咗第6屆金曲獎最佳作詞人獎項，最後成功奪獎而回。2年後，佢亦憑翁倩玉演唱嘅《永遠相信》喺第7屆金曲獎攞到同一個獎。