36°4′1″N 105°57′50″E / 36.06694°N 105.96389°E / 36.06694; 105.96389

中國大陸

標音 官話 - 中文拼音 Zhōnggúo Dàlù - 通用拼音 Jhonggúo Dàlù - 威妥瑪拼音 Chung¹-Kuo² Ta⁴-lu⁴ - 國語羅馬字 Jonggwo Dahluh - 注音第二式 Jūng-gúo Dà-lù - 注音符號 ㄓㄨㄥ ㄍㄨㄛˊ ㄉㄚˋ ㄌㄨˋ 第啲官話 - 南京官話拼音 zhong1 guä5 da4 lu5 閩語 - 閩南語白話字 Tiong-kok Tāi-lio̍k - 閩東語平話字 Dṳ̆ng-guók Dâi-lṳ̆k - 潮州話拼音  Dong1 gog4 Dai6 lêg8 (幫手·有關) 吳語 - 拉丁化 tson平 koh入 du去 loh入 粵語 - 粵拼 zung1 gwok3 daai6 luk6

中國大陸（粵拼：zung1 gwok3 daai6 luk6）指中國喺歐亞大陸嘅疆土，係一個政治地理名詞，大概係等於1949年中華人民共和國建國後所管治嘅地方，同中華民國管治臺灣、澎湖、金門同馬祖呢啲島相對。雖則香港同澳門當時同中華人民共和國相連，但佢哋因分別喺1997年同1999年主權先畀咗中華人民共和國，兩地唔歸入中國大陸。

中國大陸係中國政局各方同各地華人可以接受嘅名，因為唔會講到係中華民國定中華人民共和國呢個敏感問題。

「（中國）內地」係香港同澳門官腔用詞，政治意味濃。「內地」嘅呢種用法，來自中國舊朝代及大日本帝國。^[1]

港澳兩處平民用廣州話閒話家常嗰陣時，不嬲會用「大陸」呢個約定俗成，而唔準確嘅地理中性詞。於是乎，喺坊間興起，踩大陸同大陸人嘅花名，每每都係喺「大陸」前後加字而成。當中有啲甚至變成好收得嘅影視作品入面，經典對白嘅一部分，深入心民……久而久之，「大陸」呢個詞偶然會帶來唔多好嘅聯想，令某啲人忌諱。然而香港同澳門政府，已經揀咗「內地」作文雅用詞，忽略佢可能有殖民主義色彩嘅嫌疑。

海外華人興用「中國國內」。

其它叫法重有地域意思含糊嘅祖國，喺政治宣傳度猛咁出現，經常用來表示同埋捧個政府。