43°44′30″N 79°22′24″W / 43.74167°N 79.37333°W / 43.74167; -79.37333

多倫多 Toronto
市
多倫多市 City of Toronto
喺多倫多中央島望見嘅多倫多市中心
旗幟 紋章 Logo
多倫多 多倫多喺安大略省嘅位置
國	加拿大
省	安大略省
政府
• 市長	鄒至蕙[1]
面積
• 總計	630.20 平方公里（243.32 平方英里）
海拔	76.5 米（251.0 英尺）
人口（2021年人口普查）[2]
• 總計	2,794,356
• 密度	4,427.8/平方公里（11,468/平方英里）
時區	東部標準（UTC-5）
• 夏令時間	東部夏令（UTC-4）
郵政編號	M
電話區號	416、647、437 [註 1]
GDP (CMA)	CA$4422億（2019年）[4]
人均GDP(CMA)	CA$62,873（2019年）
網站	www.toronto.ca

多倫多（英文同法文：Toronto，英文讀音：/təˈrɒntoʊ/ ^{聽 (幫手·有關)[註 2]}，法文讀音：/tɔ.ʁɔ̃.to/； 莫鶴文：Tsi Tkarón:to、Aterónto^[5] 或者 Tkaronto），簡寫 ｢多市｣ 或者｢多城｣，係加拿大安大略省嘅省會。佢喺加拿大係最大嘅城市，全北美就排第五大；根據2021年嘅人口普查，全市人口 279 4356 人，當中 29 6225 人係華裔，佔總人口 10.6%，10 3530 人母語係粵語，佔總人口 3.7%^[6]。

根據2021年嘅人口普查，多倫多大約 8.6% 嘅人識法文^[6]，但係自從1990年，根據安省法語服務法，多倫多全市都算係法語區^[7]，省政府同部分指定嘅省政府資助嘅機構要提供英法雙語服務^[8]。

多倫多市係有割讓嘅地方（ceded territory），適用嘅條約係安省13號條約。

要注意嘅係日常講 ｢多倫多｣ 有時未必係指多倫多市，而係指大多倫多地區；1998年之前，粵語講多倫多通常係指大多倫多市，但係當時嘅大多倫多市，地理上即係現時嘅多倫多市。

根據目前認為最可信嘅講法，｢多倫多｣ 呢個名其實係莫鶴文嚟嘅借詞，本字係 tkaronto，意思係 ｢水入面有樹楝喺度嘅地方｣^[9]。2003年嘅講法係呢個名本來其實係指多倫多以北 125 公里外，當地人會插木樁入水度起堤壩嚟捉魚嘅一個急流，之後指成個湖，再被法國人指連住嘅一條河，再變成指河下游嘅一座（喺1759年已經冇咗^[10] 嘅）城堡，亦即係多倫多嘅現址。不過，雖然呢啲地方名都有法國人留低嘅地圖為證^[9]>。

至於中文名，中華民國政府其實曾經叫過佢做多朗多^[11][12]。其他用過嘅中文名包括圖麟都^[13][14]（或源自四邑華人^[15]）、度朗度^[16][17]、多朗度^[18] 等等，不過基本已經冇再見有人寫呢啲舊名^{[註 3]}。

反而，喺英文，由2010年代開始，因為多咗人知道多倫多個名其實係莫鶴文，有啲人會喺某啲情形下特登唔用英文串法，而係用莫鶴文串法 Tkaronto 甚至係 Tsi Tkarón:to；尤其是喺藝術界成日都會見到咁嘅寫法。

其實，喺歐洲人未踏足而今叫做多倫多嘅地方之前，已經一早有唔同嘅原住民喺度住。目前喺多倫多，每當正式承認呢件事嘅時候都會話住過呢度嘅民族包括 Credit 地方嘅密西沙加人、Anishnabeg 人、Chippewa 人、Haudenosaunee 人同 Wendat 人。^[19]

多倫多喺1953年^[20]至1997年間曾經行過兩級制，當時一般人講嘅多倫多其實係大多倫多市（甚至係大多倫多地區），入面嘅六個 ｢區｣ 其實全部都係市。1998年1月1日，時任省長夏理斯（Mike Harris）夾硬將呢六個市合併為新嘅多倫多市^[21]，大多市政府相應取消，令議員數目銳減超過一半^[20]，呢件事當地稱為六市合併（amal­gam­a­tion），幾乎二十年之後都仲有人反對^[22]。

喺1970年代，多倫多仍然係排喺滿地可之後嘅加拿大第二大城市。但後嚟由於快速嘅增長同六市合併，到咗2000年，多倫多嘅人口已經係加拿大第二大城市嘅兩倍。呢個好大程度上係由於魁北克省嘅分離運動（中文：魁北克主权运动），導致好多講英文嘅魁北克人移居去多倫多。另一個原因係大部分新移民都選擇多倫多作為最初嘅落腳地。

多倫多市同隔離嘅近郊地區夾埋叫大多倫多地區（GTA），呢啲近郊地區包括皮爾區、荷頓區、約克區同杜林區四區，由於最初有自己嘅電話號碼字頭都係 905 字頭，所以又叫 905 地區。當中嘅大城市包括密西沙加市、賓頓市、列治文山市、萬錦市、旺市、皮克靈市同奧沙華市。

GTA 再加咸美頓市（Hamilton，又譯海明頓），稱為大多倫多及咸美頓地區（GTHA），表示地理上 GTA 其實同咸美頓市已經相連。

GTHA 以外可以再加多啲隣近地區，叫金馬蹄地區（Golden Horseshoe），金馬蹄地區可以再擴大，叫大金馬蹄地區（Greater Golden Horseshoe，簡稱 GGH）。

多倫多係加拿大嘅金融中心。多倫多證券交易所（Toronto Stock Exchange - TSX）係加拿大而家最大嘅證券交易所。

多倫多係世界上最多元文化嘅城市之一。2004年，聯合國發展計劃（UNDP）將多倫多排喺最高比率外地出生人口嘅城市名單之中嘅第二位，僅次於美國嘅邁阿密。佢嘅排名都比其他好似洛杉磯、溫哥華、紐約同新加坡等多元文化城市或者國家要高。其中主要外來人口來源地包括中國、印度、韓國等等。

多倫多充滿著多元化嘅特色。2001年加拿大人口普查顯示42.8%嘅多倫多人口係有色人種。2005年3月，加拿大統計局展望喺2012年，有色人種將會係多倫多同埋溫哥華嘅主要人口。

大多數嘅多倫多人都話佢哋嘅種族係源自英國或者愛爾蘭。

多倫多市係多元文化嘅聚集中心。

每年9月舉行嘅多倫多國際電影節係北美其中一個重要電影盛會。

講交通係其中一個講 ｢多倫多｣ 未必係指多倫多市嘅情形，亦係其中一個遇到法文嘅情況。技術上，多倫多市淨得一個細機場（以前仲有個軍用機場，目前已經變咗公園），407號公路亦唔喺多倫多市內；市內交通亦有兩個公營機構係屬於省級，呢個係點解多倫多地鐵本來淨得英文，但係新起嘅5號綫會有法文。

• 多倫多皮爾遜國際機場（ICAO：CYYZ，IATA：YYZ）喺 GTA（其實唔喺多倫多，喺皮爾區密西沙加市）
• 多倫多中央島機場（ICAO：CYTZ，IATA：YTZ）喺多倫多市內

• 免費公路：400公路、QEW、Allen Road、401公路，403公路、404公路、427公路、DVP（Don Valley Parkway）、Gardiner Expressway
• 收費公路：407公路（其實唔喺多倫多，喺約克區）

喺2022年，GTHA 嘅公共運輸，除咗多倫多嘅小輪之外，基本已經統一接受一個叫 Presto 卡嘅收費系統，但係卡嘅用法並冇統一，例如搭 TTC 嘅車或者 YRT 嘅普通巴士，你淨係要上車拍卡；但係如果搭 GO 巴士則要上落車都拍卡。

多倫多市內嘅公共運輸主要由多倫多公車局（TTC）負責，GTHA 入面其他每個市都有自己嘅公車局，但係成個 GTHA 嘅區域性公共運輸就由省級嘅都市聯通（Metrolinx）負責。

• 巴士：主要由多倫多公車局營運，另外有少量嘅 GO 巴士路線
• 鐵路：地下鐵由多倫多公車局營運，另外喺繁忙時間有有限度嘅 GO 火車服務
• 輕鐵：喺多倫多一般稱為街車，由多倫多公車局營運
• 小輪：連接中央島，由市政府直接營運

• 地鐵：多倫多地下鐵嘅1號線嘅西面嗰半截最北面有幾個站喺約克區嘅旺市，連接407公路同旺市市中心
• 短途鐵路：UP Express（機場快線，由都市聯通營運）

• 短途鐵路：GO 火車（由都市聯通營運）
• 短途巴士：GO 巴士（由都市聯通營運）、其他隔籬市公車局營運或者管理嘅巴士（例如 YRT 嘅 YRT 巴士同 Viva 快線）

• 多倫多中央島（Centre Island）：568英畝嘅公園，由湖邊搭渡輪就去到
• 安省遊樂宮（Ontario Place）
• CN 塔（CN Tower，CN 指加拿大國家鐵路）：混凝土電視發射塔，同時作觀光用途。塔高553米，係世界上最高嘅自立式建築結構
• 羅渣士中心（Rogers Centre，原名天虹體育館，Skydome）：世界上第一個擁有可開啟屋頂嘅體育場
• 國家展覽場（Exhibition Place）
• 彌敦菲臘廣場（Nathan Phillips Square）
• 登打士廣場（Dundas Square）
• 皇家安省博物館（ROM）
• 安省美術館（AGO）
• 多倫多動物園（Toronto Zoo）
• Casa Loma

• 咸美頓（Hamilton，或譯海明頓；哈密爾頓）植物園所在地

• 尼亞加拉瀑布（Niagara Falls）
• Niagara-on-the-Lake（尼亞加拉）：蕭伯納劇院所在地
• St. Jacobs（聖雅各布）
• Stratford（斯特拉特福）：每年有 Stratford Festival 話劇節
• 千島群島（Thousand Islands）
• Collingwood（科靈武德）
• 阿岡昆省立公園（Algonquin Provincial Park）
• Muskoka（馬斯科卡）：白求恩紀念館所在地

一般人講多倫多嘅大學只係會恁到三間：

• 多倫多大學（University of Toronto，包括聖佐治校區、密西沙加分校 UTM、士嘉堡分校 UTSC）
• 約克大學（York University）
• 多倫多都會大學（Toronto Metropolitan University）

但係其實多倫多仲有其他大學，例如：

• 安省美術設計大學（OCAD University）（美術學校）
• 天道神學院（Tyndale University）（基督教神學院）
• 法語安省大學^{[註 4]}（Université de l’Ontario français）（法語教學）

如果計埋成個 GTA，仲有另外一間：

• University of Ontario Institute of Technology（安省科技大學）（奧沙華市）

多倫多市內嘅社區學院有：

• 喬治布朗學院 (George Brown College)
• 辛力加理工學院（Seneca Polytechnic）
• 百年理工學院（Centennial College of Applied Arts and Technology）
• 漢博學院（Humber College）

如果計埋成個 GTA，仲有另外一間：

• Sheridan College（美術學校）（賓頓市、密西沙加市、奧沙華市）

• 《多倫多星報》（Toronto Star）：加拿大發行量最大嘅報紙。
• 《環球郵報》（Globe and Mail）
• 《國家郵報》（National Post）
• 《多倫多太陽報》（Toronto Sun）

• 《星島日報》(Sing Tao)
• 《明報》(Ming Pao)

• 加新社嘅總部喺多倫多

多倫多擁有知名嘅多倫多藍鳥棒球隊（Toronto Blue Jays），曾經兩次奪得美國職棒大聯盟世界系列賽冠軍。可開合上蓋嘅羅渣士中心球場（Rogers Centre）係藍鳥隊同加拿大式足球聯盟（Canadian Football League）多倫多淘金人隊（Toronto Argonauts）嘅主場。

多倫多亦擁有NBA多倫多速龍隊（Toronto Raptors），北美冰球聯賽（NHL）6大創會球會之一嘅多倫多楓葉隊（Toronto Maple Leafs）。1999年落成嘅 Scotiabank Arena（豐業銀行體育館，原稱 Air Canada Centre，加航中心）係速龍隊同楓葉隊嘅主場所在地。

• 安大略半島
• 安大略湖
• 安省南部

維基同享有多媒體嘅嘢：
Toronto

• 官方網站
• Google Maps上的多倫多地圖

	賓頓市	旺市、萬錦市
	密西沙加市		皮克靈市
		多倫多市
		安大略湖

睇 傾 改 屬於大多倫多地區－內金馬蹄圈嘅一部份
最大城市：多伦多
區	杜林區 荷頓區 皮爾區 約克區
市	賓頓 布靈頓 萬錦 密西沙加 奧沙華 皮克靈 列治文山 旺市
鎮	亞積士 奧羅拉 卡利頓 東桂林布利 佐治拿 荷頓山 苗頓 紐馬克特 屋威老 惠特比
未建制社區 同自治區	布洛克（英文：Brock, Ontario） 克拉靈頓 皇帝市 史喬角 阿克士橋 韋卓治—史托維爾

睇 傾 改 多倫多市
概況 人口 名 旗 紋章 友好城市 名人
歷史	最老建築 已拆建築 國家歷史遺產 年表 舊行政區劃 1998年 之前 堤亞也干村 多倫多通道 魯耶堡 多倫多地權收購 約克堡 約克鎮 約克戰役 芒哥馬利客棧戰役 1849年大火 奧蘭治兄弟會權勢 1904年大火 1918年反希臘移民騷亂 Christie Pits 公園騷亂 立市一百週年 大多倫多市 黑茲爾颶風 影響 冇起嘅高速公路 多倫多執行委員會 第一次合併 1998年 之後 第二次合併 2003年怡陶碧谷天然氣爆炸事件 2003年美加大停電 2008年丙烷爆炸事件 2010年二十國集團多倫多峰會同相關示威活動 2012年但澤街槍擊案 2013年市長吸毒醜聞 2015年泛美運動會同泛美殘疾人運動會 2018年貨Van連環撞人事件 2018年大規模槍擊事件 2018年開山刀斬人事件 2019冠狀病毒病同埋2020年同2021年嘅 Deltacron 混合變異株疫情 2022年 Ken Lee 被殺事件
地理	大多倫多地區 金馬蹄地區 安大略半島 五大湖區城市群 社區 人口 歷史 市中心 多倫多港 多倫多群島 湖岸 河 當河 坎巴河 紅河 公園 溝壑 動物 植物 里斯利街峽角 士嘉寶懸崖 維利士島
經濟	卑街 金融區 酒店 大廈 旅遊 多倫多地區商會 多倫多證券交易所
政治	多倫多市法案 市議會 議長 市政廳 選舉 市長 歷任一覽 副市長 市政府
公共服務	消防 醫療 多輪多公眾醫療組 醫院一覽 急救服務 公園、樹林同康樂設施 社區中心同康樂中心一覽 警察 廢物處理 水務 施工
教育	中小學 多倫多公校教育局 多倫多天主教教育局 Viamonde MonAvenir 大專 百年理工學院 北方學院 佐治布朗學院 漢博學院 安省美術設計大學 辛力加學院 多倫多都會大學 (舊稱懷雅遜大學) 天道神學院 法語安省大學 貴湖—漢博大學 多倫多大學 約克大學 圖書館 多倫多公共圖書館 分館一覽 多倫多參考圖書館 多倫多工具圖書館
文化	年度活動 亞裔活動 建築 電影院 料理 以多倫多為背景嘅小說 以多倫多為背景嘅影片 《我哋一齊來憎多倫多啦》 北方荷里活 喺多倫多取景嘅影片 地標 媒體 音樂會 宗教建築 基督教堂 猶太教堂 清真寺 商場 俚語 體育 業餘運動 勞工節經典聯賽 體育隊 旅遊業
交通	公共交通 多倫多公車局 巴士 街車 地鐵 都市聯通 GO運輸 機場快綫 賓頓公車局 Züm 巴士 MiWay 約克區公車局 Viva 巴士 杜林區公車局 其他 機場 橋 單車 共享單車 中央島渡輪 多倫多泊車管理局 多倫多港口管理局 路 隨地形 東西 南北 多倫多運輸服務局
畀分類到有關多倫多嘅頁面