壽西斯古^[1][2][3]（羅馬尼亞文：Nicolae Ceauşescu，1918年1月26號—1989年12月25號），係羅馬尼亞前獨裁者，1965年開始出任執政共產黨嘅總書記。

壽西斯古執政頭十年（1965-1974年），羅馬尼亞社會主義共和國同西方世界國家保持唔錯嘅關係，但响1970年之後，國內大搞獨裁統治同個人崇拜，連老婆埃列娜同細仔尼高都入埋黨嘅政治局，其中老婆重做埋副總理。1989年畀人民推翻，最後同老婆被逮捕槍決，享年71歲，羅馬尼亞共產政權亦都倒台。