應試教育，有時又叫做填鴨式教育，由前蘇聯教育家伊·安·凱洛夫提出。填鴨係指鴨生長到一定時期，通過按時將做成長條嘅飼料由鴨嘴填入去，減低鴨嘅運動量，令到鴨可以好快增加重量。填鴨式教育以提升學生應試能力為主要目的嘅教育制度。應試教育著重以考試成績作為對學生學習水平嘅評價，因此老師、學生同家長為咗提升考試成績，往往要學生用好多時間去操練試題。

• 可以令學生喺短時間入面掌握更加多知識，既慳時間，又提高學習效率。
• 應試教育強調記憶同應試，喺一定程度上，課本上已經將重點歸納為精髓，能夠重點温習。

• 學生會變得被動，減低學習意欲，好少表達自己意見同探究問題，亦缺乏自律同主動學習能力。
• 以簡單記憶同技能反覆訓練為主，強調記憶弱化學生自身思考同理解，忽視獨立思考、創新同質疑，學生面對未知問題同挑戰會無所適從。
• 過份強調傳授知識同技能，強調知識嘅熟練程度，採取過度學習，強化訓練手段，將學習局限喺課本範圍入面，令學生無時間參加課堂以外、各種對發展智力好有益嘅活動，導致知識狹窄，高分低能。
• 無機會畀學生自我探索，學生可以喺探索之後會有更加好嘅見解同睇法，有助學習。

• 《儒林外史》（中國小說）
• 《孔乙己》（中國五四時代小說）
• 《小孩不笨》（星加坡電影及電視劇）
• 《尖子攻略》（香港電視劇）
• 《補習天后》（香港電視劇）
• 《女王的教室》（日本電視劇）

• 補習社
• 補課
• 文理分科
• 填鴨式教育