塔斯曼尼亞島（Island of Tasmania）係澳洲最大嘅外島，喺澳洲島東南，太平洋西南部，面積65,022平方公里，成個島都係澳洲塔斯曼尼亞州嘅主要領土。

好出名嘅袋獾，野生嗰啲而家只係會住喺呢個島上面。塔斯曼尼亞州徽入面嗰兩隻動物通常叫做袋狼，家陣已經死澌。啲人當呢兩種走獸做個島嘅象徵，兼且用呢笪埞幫渠哋攞名。前頭嘅有名叫「Tasmanian Devil（直譯做『塔斯曼尼亞惡魔』）」，後面嘅就俗稱「Tasmanian Tiger（直譯做『塔斯曼尼亞虎』）」或者「Tasmanian Wolf（直譯做『塔斯曼尼亞狼』）」。