喬石
出世	(1924-12-24)1924年12月24號  中華民國上海
死	2015年6月14號(2015-06-14)（90歲） 中國北京
國籍	中國
出名原因	中國共產黨嘅優秀黨員 中華人民共和國共產主義戰士 中華人民共和國無產階級革命家、政治家 1986年4月－1988年4月：中國國務院副總理 1987年11月－1992年10月：中紀委書記

喬石（粵拼：kiu4 sek6；簡化字：乔石；1924年12月24號—2015年6月14號），原名蔣志彤（zoeng2 zi3 tung4；蒋志彤），係中國共產黨嘅優秀黨員、共產主義戰士、無產階級革命家、政治人，做過中國共產黨第十三屆、十四屆中央政治局常委，中央紀律檢查委員會書記，第八屆全國人民代表大會常務委員會委員長。浙江定海縣（而家係浙江省舟山市定海區）人。佢最葳蕤嗰次係1986同1987年，分別做過國務院副總理同中紀委書記。

喬石喺1924年12月喺上海出世，之後無耐返咗去浙江定海。16歲就參加工作，1940年8月入埋共產黨。

• 1940~1945年做過上海南方中學（而家係上海市敬業中學）、光華附中嘅地下黨支部委員、書記同上海嘅地下黨中學區委幹事。甚至喺華東聯合大學文學系同淮南華中局城工部調訓班學過嘢。
• 1945~1949年做過上海地下黨學委中學區委組織委員同總交通、新市區委副書記、中學分委副書記兼組織委員、上海同濟大學地下黨總支書記同上海市北一區學委書記。
• 1949~1954年去咗浙江杭州度做咗市委青委宣傳部長、組織部長、市委青委書記，中共中央華東局青委統戰部副部長。
• 1954~1962年做過鞍山鋼鐵建設公司工程技術處副處長、酒泉鋼鐵公司設計院院長同鋼鐵研究院院長，酒泉鋼鐵公司陝西工程管理處嘅黨委書記。
• 1962~1963年重去過中央高級黨校理論班度學嘢。
• 1963~1982年做過中共中央對外聯絡部研究員、副局長，局長同副部長。
• 1982~1983年期間分別做過中共中央對外聯絡部部長，中共中央書記處候補書記、中共中央辦公廳主任，中共中央組織部部長、中共中央書記處書記、 中央政法委員會書記。
• 1985年~1998年5月期間，做過中央保密委員會主任。
• 1989年做過中共中央黨校校長。
• 1991年做過中央社會治安綜合治理委員會主任。
• 1993年3月27號~1998年3月16號做過第八屆全國人大常委會委員長。
• 1996年4月，俾古巴夏灣拿市政府讚佢係「夏灣拿嘅榮譽市民」。重攞埋列芝拿大學嘅法學博士學位。

喺2015年6月14號07點18分，佢因為病冇得醫死咗，終年90歲。

• 乔石同志逝世享年91岁 新华广东 （2015-06-14）
• 原中共中央政治局常委乔石逝世 腾讯 （2015-06-14）