哈利波特：消失的密室 (電影)
| 哈利波特：消失的密室 Harry Potter and the Chamber of Secrets | |
|---|---|
| 資料明細 | |
| 導演 | 克里斯·哥倫布 |
| 監製 | 大衛·海曼 |
| 編劇 | J·K·羅琳（原著小說） 史蒂夫·克勞夫（劇本） |
| 原著 | 哈利波特─消失的密室 |
| 主演 | 丹尼爾域卡夫 魯拔格連特 愛瑪屈臣 |
| 配樂作曲 | 約翰·威廉士 |
| 攝影 | Roger Pratt[*] |
| 製片商 | 盛日影業 1492影業 |
| 片長 | 161分鐘 |
| 產地 |  美國 英國 |
| 話 | 英語 |
| 上畫同發行 | |
| 上畫日期 | 2002年11月15號 |
| 發行商 | 華納兄弟 |
| 預算 | 1億美元 |
| 票房 | 8.78億美元 |
| 前集同續集 | |
| 前集 | 《哈利波特：神秘的魔法石》 |
| 續集 | 《哈利波特：阿茲卡班的逃犯》 |
《哈利波特：消失的密室》（Harry Potter and the Chamber of Secrets）係一部2002年奇幻電影，改編J. K. 羅琳嘅1998年同名小說。主演係丹尼爾域卡夫、魯拔格連特、愛瑪屈臣。
劇情簡介
[編輯]喺上個學年完咗之後，哈利波特由學校放假返去佢姨丈屋企，喺新學年開學之前，有個家庭小精靈多比出現喺哈利波特嘅房度，警告哈利如果返去霍格華茲就會有生命危險。雖然多比用到魔法，都係阻唔到哈利返去霍格華茲。
之後學校發生咗有貓同學生被石化嘅事，仲有人喺牆度大大隻字寫咗「密室嘅門已經打開咗，傳人嘅敵人要小心」。麥教授同學生講，「密室」係好多年之前霍格華茲創辦人之一嘅史萊哲林臨走之前起嘅，只有佢或者佢嘅傳人先知道點樣入到去，校方以前都搵過但係搵唔到間密室。之後連妙麗·格蘭傑都畀唔知乜嘢石化咗。之後哈利喺愛哭鬼麥朵匿埋嘅女廁度搵到湯姆·瑞斗嘅日記，睇到喺50年前發生嘅事。另一方面，因為有學生被石化，搞到魯霸·海格畀人送咗去阿茲卡班監獄度，同埋校長鄧不利多被停職。
金妮·衛斯理失咗蹤，校方叫吉德羅‧洛哈教授去救人，洛哈知道自己除咗消除人哋記憶之外，其它魔法都唔掂，於是就想執包袱離開霍格華茲，畀哈利同榮恩阻止咗。哈利同榮恩迫洛哈陪佢哋一齊去救金妮，佢哋通過麥朵嗰度個女廁，去到秘道入面。洛哈唔想行入去，想用魔法令到哈利同榮恩失憶，咁就可以走人唔救金妮，之後再作故仔話救唔到。點知佢用咗榮恩嗰支爛魔杖，搞到魔咒反彈返去自己度。條通道冧咗，分開咗哈利同榮恩。哈利繼續行，喺密室搵到金妮，而湯姆·瑞斗喺呢個時候又出現，話自己就係佛地魔，又放出蛇妖攻擊哈利，好在鄧不利多隻鳳凰飛咗入嚟，整盲咗蛇妖，又送咗分類帽嚟，帽入面有葛來分多寶劍，哈利就用嗰把劍殺咗蛇妖，又用蛇妖嘅牙銷毀咗湯姆·瑞斗嘅日記嘅魔法，湯姆·瑞斗消失咗。之後金妮醒番。
妙麗同其他石化咗嘅人都解除咗石化。鄧不利多復職，海格由阿茲卡班監獄放番出嚟。另外家庭小精靈多比因為哈利用計仔而得到自由。
魔法世界 | |||||||||||||||||||||||||||||
| 小說 | |||||||||||||||||||||||||||||
| 改編電影 | |||||||||||||||||||||||||||||
| 角色 |
| ||||||||||||||||||||||||||||
| 網站 |
| ||||||||||||||||||||||||||||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
